BC Reservations : తెలంగాణలో పిక్ స్టేజ్ కి వెళ్తున్న రిజర్వేషన్ల రాచ్చో రచ్చ..!

BC Reservations : తెలంగాణలో స్థానిక సంస్థల ఎన్నికల వేళ బీసీలకు 42% రిజర్వేషన్ల అంశం చుట్టూ తీవ్ర రాజకీయ దుమారం రేగుతోంది. బీసీల హక్కుల పరిరక్షణ పేరుతో వివిధ రాజకీయ పార్టీలు తమ తంత్రాలను అమలు చేస్తున్నాయి. కాంగ్రెస్ ప్రభుత్వం ఈ రిజర్వేషన్లను అమలు చేస్తామని చెప్పినప్పటికీ, ఇప్పటికీ గవర్నర్ వద్ద ఆర్డినెన్స్ పెండింగ్‌లో ఉండటాన్ని ప్రస్తావిస్తూ కాంగ్రెస్ నేతలు కేంద్ర ప్రభుత్వంపై ఒత్తిడి పెంచుతున్నారు. ముఖ్యమంత్రి రేవంత్ రెడ్డి, ఈ విషయంలో ప్రధాని మోదీని కలిసి పరిష్కారం తీసుకొస్తారని పార్టీ నేతలు నమ్మకం వ్యక్తం చేస్తున్నారు.

BC Reservations : తెలంగాణలో పిక్ స్టేజ్ కి వెళ్తున్న రిజర్వేషన్ల రాచ్చో రచ్చ..!

BC Reservations : తెలంగాణ రాజకీయ పార్టీలలో రిజర్వేషన్ల రాచ్చో రచ్చ

అయితే, బీజేపీ నేతలు మాత్రం పూర్తి భిన్నమైన అభిప్రాయం వ్యక్తం చేస్తున్నారు. 42% బీసీ రిజర్వేషన్లను 9వ షెడ్యూల్‌లో చేర్చడం సాధ్యపడదని వారు స్పష్టం చేస్తున్నారు. ఇది సాంవిధానికంగా సాధ్యమయ్యే అంశం కాదని, రాష్ట్ర ప్రభుత్వానికి ఇదే విషయం తెలియజేశామని బీజేపీ వర్గాలు చెబుతున్నాయి. రాష్ట్రంలోని బీసీ సంఘాలు మాత్రం ఈ విషయంలో స్పష్టమైన చర్యలు తీసుకోవాలని ప్రభుత్వాన్ని డిమాండ్ చేస్తున్నాయి.

ఇక మరోవైపు బీఆర్ఎస్ నేతలు ఈ అంశాన్ని రాజకీయం చేస్తూ బీసీలకు 42% రిజర్వేషన్లు కల్పించిన తర్వాతే స్థానిక సంస్థల ఎన్నికలు నిర్వహించాలని స్పష్టం చేస్తున్నారు. ప్రభుత్వం మౌనంగా ఉండటం పట్ల విమర్శలు గుప్పిస్తున్న బీఆర్ఎస్, ఒకవైపు కాంగ్రెస్‌ను, మరోవైపు బీజేపీని టార్గెట్ చేస్తోంది. మొత్తానికి బీసీ రిజర్వేషన్ల చుట్టూ తిరిగే ఈ రాజకీయ పోరాటం, వచ్చే స్థానిక ఎన్నికలపై గణనీయమైన ప్రభావం చూపించే అవకాశం కనిపిస్తోంది.