KTR : ఫార్మూలా-ఇ కేసు.. హైకోర్టులో కేటీఆర్ క్వాష్ పిటిష‌న్ దాఖ‌లు

KTR : బీఆర్‌ఎస్ వర్కింగ్ ప్రెసిడెంట్, ఎమ్మెల్యే కేటీఆర్ తనపై ఏసీబీ నమోదు చేసిన ఎఫ్‌ఐఆర్‌ను కొట్టివేయాలని కోరుతూ రామారావు తెలంగాణ హైకోర్టులో క్వాష్ పిటిషన్ దాఖలు చేశారు. ఫార్ములా ఇ కార్ రేసింగ్ ఈవెంట్‌కు నిధులు సమకూర్చడంలో అవకతవకలు జరిగాయన్న ఫిర్యాదుపై ఏసీబీ ఆయ‌న‌పై కేసు న‌మోదు చేసిన సంగ‌తి తెలిసిందే.

ఎఫ్‌ఐఆర్‌లో కేటీఆర్‌ను నిందితుడు నంబర్ 1 (ఏ1), ఐఏఎస్ అధికారి అరవింద్ కుమార్ నిందితుడు నంబర్ 2 (ఏ2), హెచ్‌ఎండీఏ చీఫ్ ఇంజనీర్ బీఎల్‌ఎన్ రెడ్డిని నిందితుడు నంబర్ 3 (ఏ3)గా పేర్కొన్నారు. నాన్ బెయిలబుల్ సెక్షన్ల కింద అభియోగాలు నమోదు చేశారు.

ఎఫ్ఐఆర్ ప్రకారం రూ. 55 కోట్లు అవసరమైన క్యాబినెట్ ఆమోదం లేదా ఆర్థిక అనుమతి లేకుండా విదేశీ కంపెనీకి చెల్లించినట్లు ఆరోపణలు వచ్చాయి. రెండు మూడు రోజుల్లో కేటీఆర్‌ను విచారణకు పిలిచి నోటీసులు జారీ చేయాలని భావిస్తున్నారు. దీనిపై స్పందించిన కేటీఆర్ ఈ కేసును కొట్టివేయాలని కోరుతూ ఈరోజు తెలంగాణ హైకోర్టును ఆశ్రయించారు. మ‌ధ్యాహ్నం భోజ‌నం విరామం త‌ర్వాత దీనిపై విచార‌ణ చేప‌ట్టాల‌ని ఆయ‌న కోరారు. KTR Quash Petition, High Court, KTR, Quash Petition, Formula E car racing, ACB