Brahmamudi Today Episode 05 February 2026 : బ్రహ్మముడి ఫిబ్రవరి 5 ఎపిసోడ్: మంత్రికి చుక్కలు చూపించిన రాజ్.. డాక్టర్ చక్రవర్తిని విడిపించి మాస్టర్ ప్లాన్!

Brahmamudi Today Episode 05 February 2026 : స్టార్ మా ఛానల్ లో టాప్ రేటింగ్ తో దూసుకుపోతున్న ‘బ్రహ్మముడి’ సీరియల్ లో ఈరోజు (ఫిబ్రవరి 5, 2026) ఎపిసోడ్ ఉత్కంఠభరితంగా సాగింది. దుగ్గిరాల రాజ్ తన తెలివితేటలతో మంత్రి ధర్మేంద్రకు చుక్కలు చూపించాడు. ఒకవైపు మంత్రిని టెన్షన్ పెడుతూనే, మరోవైపు కిడ్నాప్ అయిన డాక్టర్ చక్రవర్తిని కాపాడటం ప్రేక్షకులను ఆకట్టుకుంది. ఈరోజు ఎపిసోడ్ లో జరిగిన పూర్తి విశేషాలు ఇప్పుడు చూద్దాం.

Brahmamudi Today Episode 05 February 2026 : మంత్రిని ట్రాప్ చేసిన రాజ్

ఎపిసోడ్ ప్రారంభంలోనే రాజ్ తన మాస్టర్ ప్లాన్ అమలు చేస్తాడు. డాక్టర్ చక్రవర్తిని మంత్రి కిడ్నాప్ చేసి దాచిపెట్టిన విషయం తెలుసుకున్న రాజ్, మంత్రికి ఫోన్ చేసి భయపెడతాడు. “నీలవేణి (హెడ్ నర్స్) ద్వారా మీ భార్య తులసికి నిజం చెప్పిస్తాను” అని రాజ్ అనడంతో మంత్రి కంగారు పడతాడు. రాజ్ ఫోన్ కాల్ తో భయపడ్డ మంత్రి, హడావిడిగా నీలవేణి ఇంటికి, ఆ తర్వాత హాస్పిటల్ కు పరుగులు పెడతాడు. ఇదే అదనుగా రాజ్ తన మనుషులతో వెళ్లి, రౌడీలను చితకబాది డాక్టర్ చక్రవర్తిని విడిపిస్తాడు.

Brahmamudi Today Episode 05 February 2026 : నీలవేణి నిజాయితీ.. మంత్రికి షాక్

మరోవైపు నీలవేణి ఇంటికి వెళ్లిన మంత్రి ఆమెను బెదిరిస్తాడు. కానీ నీలవేణి ధైర్యంగా సమాధానం చెబుతుంది. “కావ్య గారికి నిజం తెలిసింది కానీ, నా బిడ్డల కోసం నేను సాక్ష్యం చెప్పనని మాట ఇచ్చాను. ప్రాణం పోయినా నేను బయటకు వచ్చి సాక్ష్యం చెప్పను” అని నీలవేణి తెగేసి చెబుతుంది. దీంతో మంత్రికి ఏం చేయాలో పాలుపోదు.

హాస్పిటల్ లో హైడ్రామా

ఇంతలో రాజ్ మళ్లీ మంత్రికి ఫోన్ చేసి, “నువ్వు తప్పు ఎక్కడ మొదలుపెట్టావో అక్కడికే రా” అని హాస్పిటల్ కు పిలుస్తాడు. మంత్రి అక్కడికి వెళ్లేసరికి డాక్టర్ చక్రవర్తి, రాజ్, కావ్య, తులసి అక్కడ ఉంటారు. చక్రవర్తిని చూడగానే మంత్రి వణికిపోతాడు. కానీ రాజ్ సమయస్ఫూర్తితో వ్యవహరించి, తులసికి అనుమానం రాకుండా కవర్ చేస్తాడు. చివరగా రాజ్, కావ్యలు మంత్రికి గట్టి వార్నింగ్ ఇస్తారు. “ఇంకా ఒక్కరోజే గడువు ఉంది. ఆ లోపు మా బిడ్డను మాకు ఇచ్చేయండి” అని హెచ్చరించి వెళ్లిపోతారు.

శుభవార్త చెప్పిన కల్యాణ్.. రాజ్ కు గుండు?

ఇంటికి వెళ్ళిన తర్వాత ఒక సంతోషకరమైన వార్త అందరినీ ఆనందంలో ముంచెత్తుతుంది. అప్పు డెలివరీ డేట్ వచ్చిందని, త్వరలోనే బాబు పుట్టబోతున్నాడని కల్యాణ్ స్వీట్స్ పంచుతాడు. ఈ సందర్భంగా ధాన్యలక్ష్మి మాట్లాడుతూ, “అంతా సవ్యంగా జరిగితే రాజ్ కు, కల్యాణ్ కు గుండు కొట్టిస్తాను” అని అనడం నవ్వులు పూయిస్తుంది. దీనికి రాజ్, కల్యాణ్ షాక్ అవుతారు.

రుద్రాణి కొత్త కుట్ర

చివరగా, రుద్రాణి తన బుద్ధిని మళ్లీ చూపిస్తుంది. మంత్రికి, రాజ్ కు మధ్య గొడవలు జరుగుతున్నాయని, దీనివల్ల అప్పుకు ప్రమాదం ఉందని ధాన్యలక్ష్మిని భయపెడుతుంది. రాజ్, కావ్యలను అడ్డుకోవడానికి ధాన్యలక్ష్మిని పావుగా వాడుకోవాలని రుద్రాణి స్కెచ్ వేస్తుంది. మరి రాజ్ తన బిడ్డను దక్కించుకుంటాడా? మంత్రి తలొగ్గుతాడా? అనేది రేపటి ఎపిసోడ్ లో చూడాలి.

(Image Source: JioHotstar)