School Holiday : నవంబర్ 9న స్కూళ్లకు సెలవు.. ప్రభుత్వం కీలక ప్రకటన!
Authored By Tandu Ramalingaiah
| The Telugu News |
Published on: November 8, 2026, 7:30 am
School Holiday : దీపావళి వేడుకల సందడిలో ఉన్న విద్యార్థులకు మరో శుభవార్త అందింది. మేఘాలయ రాష్ట్ర ప్రభుత్వం నవంబర్ 9, సోమవారం పాఠశాలలకు సెలవు…
School Holiday : దీపావళి వేడుకల సందడిలో ఉన్న విద్యార్థులకు మరో శుభవార్త అందింది. మేఘాలయ రాష్ట్ర ప్రభుత్వం నవంబర్ 9, సోమవారం పాఠశాలలకు సెలవు ప్రకటించింది. ఈ మేరకు అధికారికంగా ఉత్తర్వులు జారీ చేసింది. ఇప్పటికే పండుగ సెలవులను ఆస్వాదిస్తున్న విద్యార్థులకు ఈ అదనపు సెలవు మరింత ఆనందాన్ని ఇవ్వనుంది. ఈ సెలవు రాష్ట్రంలోని ప్రభుత్వ, ప్రైవేట్ విద్యాసంస్థలకు వర్తించనుంది.మేఘాలయలో ప్రతి సంవత్సరం ఎంతో ఘనంగా నిర్వహించే వాంగాలా పండుగను పురస్కరించుకుని ప్రభుత్వం ఈ నిర్ణయం తీసుకుంది. విద్యార్థులు, ఉపాధ్యాయులు ఈ సాంస్కృతిక వేడుకల్లో పాల్గొనేందుకు అవకాశం కల్పించాలనే ఉద్దేశంతో నవంబర్ 9న సెలవు ప్రకటించినట్లు తెలుస్తోంది. సెలవు ముగిసిన తర్వాత పాఠశాలలు తిరిగి సాధారణ షెడ్యూల్ ప్రకారం కొనసాగనున్నాయి.
School Holiday : నవంబర్ 9న స్కూళ్లకు సెలవు.. ప్రభుత్వం కీలక ప్రకటన!
School Holiday వాంగాలా ఫెస్టివల్ అంటే ఏమిటి? ఎందుకు ఇంత ప్రత్యేకం?
మేఘాలయలో ప్రతి ఏడాది నిర్వహించే వాంగాలా ఫెస్టివల్‌కు ప్రత్యేక గుర్తింపు ఉంది. దీనినే ‘1000 డ్రమ్స్ ఫెస్టివల్’ అని కూడా పిలుస్తారు. ఈశాన్య భారతదేశంలోని మేఘాలయకు చెందిన ఘారో తెగ ప్రజలు ఈ పండుగను సంప్రదాయబద్ధంగా నిర్వహిస్తారు. ఇది కేవలం ఒక పండుగ మాత్రమే కాదు.. ఆ తెగ సంస్కృతి, సంప్రదాయాలు, జీవన విధానం, చారిత్రక ఔన్నత్యాన్ని ప్రతిబింబించే ముఖ్యమైన సాంస్కృతిక ఉత్సవం. మేఘాలయలో పంటల సీజన్ పూర్తయిన తర్వాత ఈ వేడుకలను నిర్వహిస్తారు. వ్యవసాయం, ప్రకృతి, పంటల సమృద్ధికి సహకరించిన శక్తులకు కృతజ్ఞతలు తెలిపే సందర్భమిది. ఘారో తెగ ప్రజలు తమ భాషలో సూర్య భగవానుడిగా భావించే మిసి సల్జోంగ్‌కు కృతజ్ఞతలు తెలియజేస్తూ ఈ పండుగను భక్తిశ్రద్ధలతో జరుపుకుంటారు. పంటలు సమృద్ధిగా పండినందుకు ఆనందాన్ని వ్యక్తం చేస్తూ సంప్రదాయ పద్ధతుల్లో వేడుకలు నిర్వహించడం ఈ పండుగలో ప్రధాన భాగం.
నవంబర్ 9 నుంచి 14 వరకు వేడుకలు.. డ్రమ్స్, నృత్యాలే ప్రత్యేక ఆకర్షణ
ఈ వాంగాలా ఉత్సవాలు నవంబర్ 9 నుంచి 14 వరకు జరగనున్నాయి. ఈ సందర్భంగా సంప్రదాయ డ్రమ్స్ వాయిద్యాలు, జానపద గీతాలు, పాటల ఆలాపన, ప్రత్యేక నృత్య ప్రదర్శనలు సందర్శకులను ఆకట్టుకుంటాయి. ముఖ్యంగా వందలాది మంది కళాకారులు సంప్రదాయ దుస్తులు ధరించి చేసే నృత్య ప్రదర్శనలు ఈ వేడుకలకు ప్రత్యేక ఆకర్షణగా నిలుస్తాయి.
Also Read : Telangana BharatNet : తెలంగాణ గ్రామాలకు గుడ్‌న్యూస్.. 12,769 పంచాయతీలకు హైస్పీడ్ ఇంటర్నెట్..!
వాంగాలా పండుగ ద్వారా ఘారో తెగ ప్రజలు తమ సంస్కృతి, వారసత్వాన్ని తర్వాతి తరాలకు పరిచయం చేస్తారు. ఇలాంటి సంప్రదాయ వేడుకల్లో విద్యార్థులు కూడా భాగస్వాములు కావాలనే ఉద్దేశంతో మేఘాలయ ప్రభుత్వం నవంబర్ 9న పాఠశాలలకు సెలవు ప్రకటించింది. దీంతో రాష్ట్రంలోని ప్రభుత్వ, ప్రైవేట్ పాఠశాలల విద్యార్థులకు మరో రోజు సెలవు లభించినట్లయింది. దీపావళి సెలవుల తర్వాత వచ్చిన ఈ ప్రకటన విద్యార్థులకు నిజంగానే గుడ్ న్యూస్ అని చెప్పొచ్చు. School Holiday, November 9 Holiday, Meghalaya School Holiday, Wangala Festival, Students Good News
Also read
