Karthika Deepam 2 April 4th 2026 Today Episode : కేక్‌లో విషం కలిపిన జ్యోత్స్న ప్లాన్ ఫ్లాప్.. దీప సేఫ్, కన్న తండ్రి మీద ఉమ్మేసిన నీచురాలు జ్యోత్స్న

Karthika Deepam 2 April 4th 2026 Today Episode : స్టార్ మాలో ప్రసారమవుతున్న టాప్ సీరియల్ ‘కార్తీక దీపం 2’ Karthika Deepam 2 రోజురోజుకూ ఊహించని మలుపులతో బుల్లితెర ప్రేక్షకులను కట్టిపడేస్తోంది. ఏప్రిల్ 4వ తేదీ గురువారం ప్రసారమైన 636వ ఎపిసోడ్ ఆద్యంతం ఉత్కంఠభరితంగా సాగింది. ఒకవైపు దీపను ఎలాగైనా అడ్డుతొలగించుకోవాలని జ్యోత్స్న వేసిన విషపు ప్లాన్.. మరోవైపు ఆ ప్లాన్‌ను ఎంతో చాకచక్యంగా తిప్పికొట్టిన కార్తీక్.. ఇంకోవైపు కన్న తండ్రి అని కూడా చూడకుండా దాసు మీద జ్యోత్స్న చేసిన నీచమైన పని.. ఇలా ఎన్నో ఉద్వేగభరిత సన్నివేశాలతో నేటి ఎపిసోడ్ సాగింది. అసలు ఈరోజు ఎపిసోడ్‌లో ఏమేం జరిగాయో పూర్తి వివరాలు ఇప్పుడు చూద్దాం.

Karthika Deepam 2 April 4th 2026 Today Episode సుమిత్ర చేతుల మీదుగా విషం కలిపిన కేక్.. జ్యోత్స్న పైశాచిక ఆనందం

ఎపిసోడ్ ప్రారంభంలోనే ఇంట్లో పండుగ వాతావరణం నెలకొంటుంది. సుమిత్ర కేక్ కట్ చేయడానికి సిద్ధంగా ఉంటుంది. ఆ కేక్‌ను జ్యోత్స్న స్వయంగా తన చేతులతో స్పెషల్‌గా డెకరేట్ చేసి తీసుకువస్తుంది. అయితే, ఆ కేక్‌లో తాను కలిపిన భయంకరమైన విషం గురించి తలచుకుని జ్యోత్స్న మనసులో పైశాచిక ఆనందం పొందుతూ ఉంటుంది. ఇది మామూలు విషం కాదని, తిన్న పది సెకన్లలోనే ప్రాణాలు గాలిలో కలిసిపోతాయని ఆమె అనుకుంటుంది. మరోవైపు, జ్యోత్స్న మాటలు, ఆమె ప్రవర్తన చూస్తుంటే తేడాగా ఉందని దాసు.. కార్తీక్‌తో అంటాడు. జ్యోత్స్న ఏదో కుట్ర చేసిందని పసిగట్టిన కార్తీక్ తీవ్రమైన టెన్షన్ పడుతుంటాడు. కార్తీక్ ఆందోళనను చూసి జ్యోత్స్న మరింత మురిసిపోతుంది. “నువ్వు నిజం చెప్పలేక, లోపల దాచుకోలేక భయంతో చచ్చిపోతుంటే చూడటానికి భలే సరదాగా ఉంది బావ” అని మనసులో అనుకుంటుంది.

Karthika Deepam 2 April 4th 2026 Today Episode రంగంలోకి దిగిన దశరథ్.. దీప ప్రాణాలకు ముప్పు

అందరి చప్పట్ల మధ్య సుమిత్ర కేక్ కట్ చేస్తుంది. ఆ కేక్ మొదటి పీస్‌ను తన ముద్దుల కూతురు జ్యోత్స్నకు తినిపించాలని సుమిత్ర ముందుకు వెళ్తుంది. ఆ క్షణంలో జ్యోత్స్న తీవ్ర ఆందోళనకు గురవుతుంది. తాను కలిపిన విషం తనకే ఎదురుతిరుగుతోందని భయపడుతుంది. సరిగ్గా అదే సమయంలో దశరథ్ అడ్డుపడతాడు. “ఆగు సుమిత్ర.. ముందు ఆ కేక్ దీపకు పెట్టు” అని బాంబ్ పేలుస్తాడు. ఈ మాట వినగానే జ్యోత్స్న ముఖం వెలిగిపోతుంది. కానీ కార్తీక్ గుండె ఆగినంత పనవుతుంది. జ్యోత్స్నకు కాకుండా ముందు భార్యకు ఎందుకు పెట్టాలి అని కార్తీక్ అడ్డుకునే ప్రయత్నం చేస్తాడు. కానీ దశరథ్ వినడు. “దీప నా పెద్ద కూతురు, జ్యోత్స్న నా చిన్న కూతురు.. తల్లి ముందుగా పెట్టాల్సింది పెద్ద కూతురికే” అని దశరథ్ తేల్చి చెబుతాడు. పారిజాతం కూడా వత్తాసు పలకడంతో.. దీప స్వయంగా ముందుకు వచ్చి కేక్ తినడానికి సిద్ధపడుతుంది. దీపను కాపాడటానికి కార్తీక్ ముందుకు వెళ్తుంటే జ్యోత్స్న అడ్డుగా నిలబడుతుంది. సుమిత్ర తన చేతులతో దీపకు విషం కలిపిన కేక్ తినిపిస్తుంది.

జ్యోత్స్న ప్లాన్‌ను తలకిందులు చేసిన కార్తీక్.. చెత్త బుట్టలో విషపు కేక్

దీప కేక్ తినగానే, తాను అనుకున్న ప్లాన్ సక్సెస్ అయిందని జ్యోత్స్న సంబరపడుతుంది. మనసులో పది సెకన్లు లెక్కపెట్టుకుంటుంది. కానీ, ఎంతసేపటికీ దీపకు ఏమీ కాదు. దీప నవ్వుతూనే ఉంటుంది. అది చూసి జ్యోత్స్న షాక్ అవుతుంది. అప్పుడే కార్తీక్ నవ్వుతూ జ్యోత్స్నను పక్కకు లాగి.. “నాకు కూడా కేక్ తినిపించు” అని అంటాడు. ఆ తర్వాత తాను స్వయంగా కేక్ తీసుకుని జ్యోత్స్నకు కూడా తినిపిస్తాడు. ఇద్దరికీ ఏమీ కాకపోవడంతో జ్యోత్స్న అయోమయంలో పడుతుంది. అప్పుడు కార్తీక్ అసలు నిజం చెబుతాడు. “నువ్వు కేక్‌లో విషం కలపడం నేను ముందే చూశాను. అప్పుడే నిన్ను ఆపితే ఇంకో ప్లాన్ వేస్తావని సైలెంట్‌గా ఉన్నాను. నువ్వు తెచ్చిన కేక్ చెత్త డబ్బాలో ఉంది. సేమ్ టు సేమ్ అలాంటి కేకునే తెప్పించి మార్చేశాను” అని కార్తీక్ ట్విస్ట్ ఇస్తాడు. దాంతో జ్యోత్స్న బిత్తరపోతుంది. అయితే, అందరి ముందు జ్యోత్స్న పరువు తీయకుండా, “ఈ కేక్‌లో జ్యోత్స్న మనందరి మీద ఉన్న ప్రేమను కలిపింది” అని కవర్ చేస్తాడు కార్తీక్. ఆ తర్వాత అందరూ సంతోషంగా సెల్ఫీలు దిగుతారు.

స్వప్న అందంపై కాశీ కవిత్వం.. వసంత్ ముందే మనసులో మాట

మరోవైపు స్వప్న, ఆమెకు కాబోయే భర్త వసంత్‌లను కారులో తీసుకువెళ్తుంటాడు కాశీ. స్వప్న కట్టుకున్న చీర చాలా బాగుందని వసంత్ మెచ్చుకుంటాడు. దానికి కాశీ బదులిస్తూ.. “అది తన బర్త్ డేకు నేనే గిఫ్ట్‌గా ఇచ్చాను” అని చెబుతాడు. అప్పుడు వసంత్.. స్వప్న గురించి, ఆమె లక్షణాల గురించి చెప్పమని కాశీని అడుగుతాడు. దీనికి కాశీ తనలోని ప్రేమికుడిని నిద్రలేపి అద్భుతమైన కవిత్వం చెబుతాడు. “ఉదయం లేవగానే ఇంటిముందు ముగ్గులా కనిపిస్తుంది. బ్రష్ చేసుకుని రాగానే వెచ్చని కాఫీలా పలకరిస్తుంది. స్నానం చేసి రాగానే సాంబ్రాణి దీపంలా పరిమళిస్తుంది. అలాంటి మనిషిని జీవితంలో ఒకసారే కలవగలం” అంటూ స్వప్నపై తనకున్న ప్రేమనంతా మాటల రూపంలో బయటపెడతాడు. ఆ మాటలకు స్వప్న మనసు పొంగిపోయి, కాశీకి పూర్తిగా ఫిదా అయిపోతుంది.

డీఎన్ఏ DNA రిపోర్ట్స్ బాగోతం బట్టబయలు.. కార్తీక్, జ్యోత్స్నల మధ్య వార్

కార్తీక్, జ్యోత్స్న ఒంటరిగా మాట్లాడుకుంటారు. “లోపల ఏడ్చేంత బాధ పెట్టుకుని.. పైకి నవ్వుతూ నటించడం చాలా కష్టం బావ.. ఇలాంటి బాధను మీరు గత కొన్ని నెలలుగా అనుభవిస్తున్నారు కదా?” అని జ్యోత్స్న సెటైరికల్ గా అంటుంది. అప్పుడు కార్తీక్.. “నీ హాస్పిటల్ డ్రామా, డీఎన్ఏ రిపోర్ట్స్ గురించి నాకు మొత్తం తెలుసు” అని చెప్పడంతో జ్యోత్స్న ఒక్కసారిగా షాక్ అవుతుంది. ఇంతలో అక్కడికి దాసు వస్తాడు. ఒక మనిషి ప్రాణాలు కాపాడటానికి వీరు ఎంత త్యాగం చేస్తున్నారో నీకు తెలుసా అని కూతురిపై దాసు మండిపడతాడు. “మీ నాన్నకు నీ బండారం ఏమీ తెలియదు” అని కార్తీక్ చెప్పడంతో దాసు కూడా ఆశ్చర్యపోతాడు. ఆస్తి కోసం జ్యోత్స్న ఆడుతున్న నాటకాలను, ఆమె స్వార్థాన్ని కార్తీక్ ఎండగడతాడు. “ప్రాణంగా చూసుకున్న అత్తయ్యను చంపాలనుకున్నావు.. నీది ఎంత నీచమైన బుద్ధి” అని కార్తీక్ నిలదీస్తాడు.

కన్నతండ్రి అని కూడా చూడకుండా దాసుపై ఉమ్మేసిన జ్యోత్స్న

ఇక ఎపిసోడ్ చివర్లో జ్యోత్స్న తన అసలు రంగును పూర్తిగా బయటపెడుతుంది. తన తండ్రి దాసును దారుణంగా అవమానిస్తుంది. “నిన్ను తండ్రి అని పిలవడానికే నాకు అసహ్యంగా ఉంది. నా గురించి ఎవరికీ చెప్పను అని నా మీద ఒట్టేసి.. ఇప్పుడు మాట తప్పావు. అంటే నువ్వు నన్ను చంపేసినట్లే” అని రెచ్చిపోతుంది. “దీపను నేను చంపాలనుకోవడానికి కారణం.. ఆమె వల్లే నాకు పెళ్లి కాలేదు. ఆమె లేకపోతే నేను బావను పెళ్లి చేసుకుని ఈ ఇంటికి మహారాణిలా ఉండేదాన్ని” అని తన స్వార్థాన్ని బయటపెడుతుంది.

దాసు ఆమెను సముదాయించే ప్రయత్నం చేయగా.. “చాల్లే ఆపు పేదరికం నాన్నా.. నేను నీ కూతురిని అని తెలిశాక ఒక్క జత బట్టలు అయినా కొన్నావా? నా స్థాయికి తగ్గ బట్టలు కొనలేని వాడివి.. నాకు మంచి బతుకు ఇస్తావా? థూ..” అంటూ కన్న తండ్రి దాసు మీద అసహ్యంగా ఉమ్మేస్తుంది జ్యోత్స్న. ఈ ఇంటికి నేనే వారసురాలిగా ఉండాలన్నదే తన కోరిక అని తెగేసి చెబుతుంది. దీంతో దాసు కన్నీరుమున్నీరవుతాడు.

ఈ అవమానంతో దాసు ఏం చేయబోతున్నాడు? జ్యోత్స్న నిజస్వరూపాన్ని అందరి ముందు బయటపెడతాడా? లేదా కూతురి మీద ప్రేమతో మళ్లీ సైలెంట్ అవుతాడా? కార్తీక్ తదుపరి వేయబోయే అడుగు ఏంటి? అనేది రేపటి ఎపిసోడ్‌లో మరింత ఆసక్తికరంగా మారనుంది.