
Karthika Deepam 2 March 26th 2026 Latest Episode : జ్యోత్స్నకు దశరథ దిమ్మతిరిగే షాక్.. వీలునామా మార్పుతో తలపట్టుకున్న పారిజాతం!
Karthika Deepam 2 March 26th 2026 Latest Episode : స్టార్ మా ఛానెల్లో ప్రసారమవుతున్న ‘కార్తీక దీపం 2’ Karthika Deepam 2 సీరియల్ రోజురోజుకూ ఆసక్తికరమైన మలుపులతో ప్రేక్షకులను విశేషంగా ఆకట్టుకుంటోంది. దీప, కార్తీక్, జ్యోత్స్నల చుట్టూ తిరుగుతున్న ఈ కథలో ఇప్పుడు ఆస్తి వివాదం సరికొత్త చిచ్చు రేపింది. ముఖ్యంగా కూతురు జ్యోత్స్న వ్యవహార శైలితో విసిగిపోయిన దశరథ.. ఎవరూ ఊహించని విధంగా ఒక సంచలన నిర్ణయం తీసుకున్నాడు. ఈ రోజు (మార్చి 26) ఎపిసోడ్లో చోటు చేసుకున్న హైలైట్స్, ఉత్కంఠభరితమైన సన్నివేశాల పూర్తి వివరాలు ఇక్కడ చూద్దాం.
Karthika Deepam 2 March 26th 2026 Latest Episode : జ్యోత్స్నకు దశరథ దిమ్మతిరిగే షాక్.. వీలునామా మార్పుతో తలపట్టుకున్న పారిజాతం!
ఎపిసోడ్ ప్రారంభంలో సుమిత్ర, కాంచన ఇద్దరూ ఎంతో ఎమోషనల్గా మాట్లాడుకుంటారు. “మన ఇద్దరి జీవితాల్లో ఒక పెను తుపాను ఇంటి గుమ్మం దాకా వచ్చి వెళ్లిపోయింది వదిన” అని సుమిత్రతో కాంచన అంటుంది. ఇద్దరు తల్లులకు ఉన్న రెండు బలమైన కోరికలు, అవి తీరే అవకాశాలు తక్కువగా ఉన్నప్పటికీ చివరికి నెరవేరాయని కాంచన సంతోషం వ్యక్తం చేస్తుంది. “నేను ప్రాణాలతో బతికి బయటపడటం ఒకటైతే, నా కూతురు పెళ్లి చూడాలని నేను.. నా కొడుకు బిడ్డను చూడాలని నువ్వు.. ఇలా మన కోరికలు ఎంత బలమైనవో కదా” అని సుమిత్ర ఎంతో సంతోషంగా చెబుతుంది. ఒక పక్క చావు అంచుల దాకా వెళ్లి వచ్చిన సుమిత్ర, ఇప్పుడు కుటుంబంతో ఆనందంగా గడపాలని కోరుకుంటోంది.
మరోవైపు జ్యోత్స్న తీరుపై దీప, కార్తీక్ తీవ్ర ఆందోళన చెందుతుంటారు. జ్యోత్స్నకు వీలైనంత త్వరగా మంచి సంబంధం చూసి పెళ్లి చేయాలని, అప్పుడే ఇంట్లో ప్రశాంతత ఉంటుందని దశరథకు దీప సలహా ఇస్తుంది. అత్తగారు సుమిత్ర పగలు ప్రశాంతంగా లేదని, ఇటు తన కూతురు శౌర్య రాత్రుళ్లు నిద్రపోవడం లేదని కార్తీక్ వివరిస్తాడు. “జ్యోత్స్న ఎవరినీ ఏమీ చేయకూడదంటే.. తనను త్వరగా అత్తారింటికి సాగనంపడమే ఏకైక మార్గం” అని కార్తీక్ గట్టిగా చెబుతాడు.
దీనికి దశరథ స్పందిస్తూ.. “కన్న ప్రేమ గొప్పదా? పెంచిన ప్రేమ గొప్పదా?” అని కార్తీక్ను సూటిగా అడుగుతాడు. దానికి కార్తీక్ ఎంతో పరిణితితో.. “కన్నప్రేమ కంటే పెంచిన ప్రేమే గొప్పది మావయ్యా.. మనల్ని పెంచిన వాళ్లు మన రక్తం పంచుకోకపోయినా, వారి మీద అంతులేని ప్రేమను పెంచుకుంటాం. నా కూతురు శౌర్య అంటే నాకు ప్రాణం, తన కోసం నా కన్నబిడ్డను కూడా త్యాగం చేయడానికి నేను సిద్ధమయ్యాను” అని కార్తీక్ తన మనసులోని మాటను బయటపెడతాడు.
కార్తీక్ మాటలకు దశరథ ఎంతో ఎమోషనల్ అవుతాడు. “నా కన్నకూతురు అనుకున్న జ్యోత్స్న, నిజానికి నా కన్నకూతురు కాదని ఇప్పుడు తెలిసింది. జ్యోత్స్న మంచి కూతురు కాకపోవచ్చు, కానీ నేను మాత్రం మంచి తండ్రినే. దాసును చంపాలనుకుందని తెలిసిన తర్వాత కూడా నా మనసులో జ్యోత్స్నపై ప్రేమ అలాగే ఉంది. నేను తనను అపురూపంగా పెంచుకున్నాను. కానీ తనే మారిపోయింది” అని దశరథ ఆవేదన వ్యక్తం చేస్తాడు. అప్పుడు కార్తీక్ అసలు నిజాన్ని వివరిస్తాడు. “మావయ్యా.. తను మారలేదు, తన స్థానం మారుతుందేమోనన్న భయం తనను అలా మార్చేసింది. ఈ ఇంటి అసలైన వారసురాలు తను కాదని తెలిస్తే, ఎక్కడ తన హోదా పోతుందోనన్న ఇన్సెక్యూరిటీ జ్యోత్స్నను ప్రమాదకరంగా మార్చేసింది. ఇదంతా ఒక నాటకం అని తెలిసిన రోజున ఆమె నిజస్వరూపం బయటపడుతుంది, మనం చాలా జాగ్రత్తగా ఉండాలి” అని కార్తీక్ హెచ్చరిస్తాడు. సుమిత్రకు కూడా మెల్లగా నిజం చెప్పి మానసికంగా సిద్ధం చేయాలని ఇద్దరూ నిర్ణయించుకుంటారు.
జ్యోత్స్న పెళ్లి జరిగి, పిల్లాపాపలతో నట్టింట్లో తిరుగుతుంటే చూడాలని సుమిత్ర మురిసిపోతుంటుంది. కానీ జ్యోత్స్న ఇప్పట్లో పెళ్లి చేసుకోనని తెగేసి చెప్పడంతో సుమిత్ర బాధపడుతుంది. దీపకి బిడ్డ పుడితే ఇంటి వాతావరణం మారిపోతుందని, కానీ తమ ఇంటికి ఆ అదృష్టం లేదని ఆమె ఫీల్ అవుతుంది. సుమిత్ర బాధను చూసిన దశరథ.. జ్యోత్స్నను పెళ్ళికి ఒప్పించే బాధ్యత తనది అని, తాను తీసుకునే కఠిన నిర్ణయానికి సుమిత్ర మద్దతుగా నిలబడాలని కోరి అక్కడి నుంచి వెళ్తాడు. కార్తీక్తో కూడా కొన్నిసార్లు కఠిన నిర్ణయాలు తీసుకోక తప్పదని చెబుతాడు.
ఎపిసోడ్లో అసలైన ట్విస్ట్ ఇక్కడే మొదలవుతుంది. శివ నారాయణ ఇంటికి లాయర్ వస్తాడు. లాయర్ను నేనే పిలిపించానని, వీలునామా మార్చి రాయించానని దశరథ చెప్పగానే ఇంట్లోని వారంతా అవాక్కవుతారు. లాయర్ కొత్త వీలునామాను చదివి వినిపిస్తాడు. “ఈ వీలునామా ప్రకారం దశరథకు తన తండ్రి నుంచి సంక్రమించిన యావదాస్తి.. ఆయన రక్తం పంచుకుని పుట్టిన కూతురి వారసుల పేరున (కూతురి పిల్లల పేరున) రాశారు. దీనికి 15 నెలల గడువు ఉంది” అని లాయర్ చెప్పగానే జ్యోత్స్న, పారిజాతంల మైండ్ బ్లాక్ అవుతుంది.
అంతేకాదు, “15 నెలల లోపు కూతురికి పెళ్లి కాకపోయినా, పెళ్లి అయ్యి పిల్లలు పుట్టకపోయినా.. ఈ ఆస్తి మొత్తం దశరథ మేనల్లుడి (కార్తీక్) కుటుంబానికి చెందుతుంది” అని లాయర్ ఒక కండిషన్ చెబుతాడు. ఈ మాటతో పారిజాతం రగిలిపోతుంది. “ఆస్తి శివ నారాయణది. కూతురి మీద కోపంతో ఆస్తి మొత్తం నీ పేరు మీద రాశారు. ప్రేమతో కూతురికి రాయాలి కానీ, పుట్టని కూతురి పిల్లల పేరు మీద రాయడం ఏంటి?” అని పారిజాతం నిలదీస్తుంది. ఆస్తికి అనుభవించే హక్కు ఇచ్చాను కానీ, ఇలా ఇష్టం వచ్చినట్లు చేయడానికి లేదని శివ నారాయణ కూడా అభ్యంతరం వ్యక్తం చేస్తాడు.
ఆస్తి చేజారిపోతోందని గ్రహించిన జ్యోత్స్న రెచ్చిపోతుంది. “ఇది ఒక కన్నతండ్రి తన కూతురికి చేస్తున్న మోసం. నువ్వు నా తండ్రివా?” అని అడుగుతుంది. “నువ్వు నా కూతురివి కాదా?” అని దశరథ ఎదురు ప్రశ్నిస్తే, నేనే నీ కూతురిని అని జ్యోత్స్న బదులిస్తుంది. ఆ తర్వాత జ్యోత్స్న తన కోపాన్ని కార్తీక్, కాంచనలపై చూపిస్తుంది. “ఏం బావా.. అంతా నువ్వు అనుకున్నట్లే జరిగిందా? పిల్లలు పుట్టకపోతే ఆస్తి అంతా నీకే దక్కుతుంది కదా. మీరు వచ్చింది మా ఆస్తిని ఎగరేసుకుపోవడానికే” అని నిందలు వేస్తుంది. దీనికి కార్తీక్ బదులిస్తూ, మావయ్య వీలునామా మారుస్తాడన్న విషయం తనకు ఏమాత్రం తెలియదంటాడు.
జ్యోత్స్న మాటలకు కాంచన తీవ్రంగా మండిపడుతుంది. పారిజాతాన్ని ఉద్దేశించి.. “దీపకు బిడ్డ పుడితే శౌర్య అడ్డంగా ఉంటుందని, ఆ పసిదాన్ని అనాథ ఆశ్రమంలో చేర్పించమన్నావు కదా.. అది నేను మర్చిపోయాను అనుకున్నావా?” అంటూ పారిజాతం చేసిన కుట్రలను అందరి ముందు బట్టబయలు చేస్తుంది.
ఎలాగైనా ఇప్పుడు ఆ వీలునామాను వెనక్కి తీసుకోవాలని, మార్చి రాయాలని జ్యోత్స్న డిమాండ్ చేస్తుంది. అప్పుడు దశరథ బ్రహ్మాస్త్రం ప్రయోగిస్తాడు. “నువ్వు నా కూతురివి కాదని ఒక్క మాట చెప్పు.. ఇప్పుడే ఈ క్షణమే ఈ వీలునామాను మారుస్తాను” అని దశరథ అనడంతో జ్యోత్స్న కంగుతింటుంది. నిజం చెబితే అసలుకే మోసం వస్తుందని కంగారు పడుతుంది. ఇక్కడితో ఈనాటి ఉత్కంఠభరితమైన ఎపిసోడ్ ముగుస్తుంది.
Mother : లోకంలో ఏ బంధమైనా ఏదో ఒక ప్రతిఫలాన్ని ఆశిస్తుందేమో కానీ, అమ్మ ప్రేమ మాత్రం ఎప్పుడూ నిస్వార్థంగానే…
Teacher : చదువు పట్ల విద్యార్థులకు ఆసక్తి పెంచడం కోసం ప్రభుత్వం ఎన్నో పథకాలు అమలు చేస్తున్నా, వ్యక్తిగతంగా కొంతమంది…
CM Vijay : తమిళనాడు నూతన ముఖ్యమంత్రిగా జోసెఫ్ విజయ్ ప్రమాణ స్వీకార కార్యక్రమం చెన్నైలో అత్యంత వైభవంగా జరిగింది.…
BJP Telangana : భారతీయ జనతా పార్టీ ఎప్పుడూ ఎన్నికల మూడ్లోనే ఉంటుంది. ప్రధాని మోదీ నాయకత్వంలో ఆ పార్టీ…
Cucumber Face Packs : కీరదోస కేవలం ఆరోగ్యానికే కాదు, చర్మ సౌందర్యానికి కూడా ఒక వరప్రసాదం. ఇందులో విటమిన్…
Therali Kudumulu : మనం నిత్యం చేసుకునే పిండి వంటల కంటే భిన్నంగా, ఆరోగ్యానికి మేలు చేస్తూ, రుచిలో సాటిలేని…
IPL Ticket Scam : ప్రస్తుతం జరుగుతున్న ఐపీఎల్ 2026 సీజన్ క్రికెట్ అభిమానులకు ఎంతటి వినోదాన్ని పంచుతుందో, అదే…
Tamil Nadu CM Vijay : తమిళనాడులో నెలకొన్న రాజకీయ అనిశ్చితికి ఎట్టకేలకు శుభం కార్డు పడింది. 'తమిళగ వెట్రి…
Beetroot Juice : బీట్రూట్లో విటమిన్లు, మినరల్స్ మరియు యాంటీ ఆక్సిడెంట్లు పుష్కలంగా ఉంటాయి. కానీ, ప్రతి ఒక్కరి శరీరం…
Venu Swamy Vijay TVK : టాలీవుడ్ మరియు కోలీవుడ్ స్టార్స్ జాతకాలను విశ్లేషిస్తూ ఎప్పుడూ చర్చల్లో ఉండే వేణుస్వామి,…
Vijay TVK : తమిళనాడు శాసనసభ ఎన్నికల ఫలితాల తర్వాత అతిపెద్ద పార్టీగా అవతరించిన విజయ్ నేతృత్వంలోని టీవీకే (TVK),…
Ravi Babu Razor Movie Review : రవిబాబు అనగానే మనకు గుర్తొచ్చేది విభిన్నమైన కెమెరా యాంగిల్స్, గ్రిప్పింగ్ స్క్రీన్ప్లే…
This website uses cookies.