AP Govt : ఏపీ శాసనసభ సెక్రటరి విజయరాజు సస్పెండ్
AP Govt : అనధికారిక కమ్యూనికేషన్ మరియు అధికారిక పదవిని దుర్వినియోగం చేసినందుకు లెజిస్లేచర్ సెక్రటేరియట్ జాయింట్ సెక్రటరీ ఎం విజయ రాజును ఏపీ ప్రభుత్వం సస్పెండ్ చేసింది. సస్పెన్షన్ ఆర్డర్ తక్షణమే అమలులోకి వస్తుందని పేర్కొంది. ఆంధ్రప్రదేశ్ సివిల్ సర్వీసెస్ (ప్రవర్తన, వర్గీకరణ మరియు అప్పీల్) రూల్స్, 1991లోని రూల్ 8 (1)(a) ప్రకారం సస్పెన్షన్ చేయబడింది. అసెంబ్లీ సెక్రటరీ జనరల్ ఢిల్లీలో ఉన్న సమయంలో ఆయన పేరిట డీజీపీ కార్యాలయానికి విజయరాజు లేఖ రాశారు. అప్పటి అసెంబ్లీ చీఫ్ మార్షల్ దియో ఫిలస్పై అసెంబ్లీలో ఎటువంటి రిమార్క్ లేదని ఆ లేఖలో పేర్కొన్నారు. థియో ఫిలస్పై అప్పటికే మండలి చైర్మన్ ఛాంబర్పై కెమెరా తిప్పిన వ్యవహారంలో చర్యలు తీసుకోవాలని నివేదిక ఇచ్చారు.
ఆరోపణలు ఉన్నా ఎలాంటి రిమార్క్ లేదంటూ క్లీన్ చిట్ ఇస్తూ విజయరాజు లేఖ రాయటంతో వివాదం మొదలైంది. ఈ వ్యవహారం పైన అసెంబ్లీ సెక్రటరీ జనరల్ సీరియస్ అయ్యారు. దీని పైన ప్రభుత్వానికి నివేదిక అందింది. అందులో డీజీపీ కార్యాలయానికి విజయరాజు లేఖ రాసిన విషయం నిజమేనంటూ ప్రభుత్వానికి నివేదికలో స్పష్టం చేసింది.దాంతో చర్యలు తీసుకోవాలని గవర్నర్కు ప్రభుత్వం సిఫార్సు చేస్తూ నివేదిక సమర్పించింది. ప్రభుత్వ నివేదికను పరిశీలించిన గవర్నర్ సైతం చర్యలకు అనుమతించారు. దీంతో విజయరాజును సస్పెండ్ చేస్తూ అసెంబ్లీ సెక్రటరీ జనరల్ ఉత్తర్వులు జారీ చేశారు.
AP Govt : ఏపీ శాసనసభ సెక్రటరి విజయరాజు సస్పెండ్
ఆర్డర్ కాపీ ప్రకారం, గవర్నర్, శాసన మండలి ఛైర్మన్ మరియు శాసనసభ స్పీకర్తో సంప్రదించి, న్యాయమైన మరియు నిష్పాక్షికమైన విచారణ జరిగేలా చూసేందుకు రాజును సస్పెండ్ చేస్తూ ఆదేశించారు. సస్పెన్షన్ వ్యవధిలో, రాజు అమరావతిలోనే ఉండవలసిందిగా కోరారు మరియు అధికారుల నుండి ముందస్తు అనుమతి లేకుండా బయటకు వెళ్లకుండా ఆంక్షలు విధించారు.