సంచ‌ల‌న నిర్ణ‌యం… ప్ర‌భుత్వ ఉద్యోగుల‌కు గుడ్‌న్యూస్‌..!

AP : ప్రభుత్వ ఉద్యోగుల బదిలీ ప్రక్రియను పూర్తి చేసేందుకు ఆంధ్ర‌ప్ర‌దేశ్‌ రాష్ట్ర ప్రభుత్వం గడువును పొడిగించింది. వివిధ ఉద్యోగుల సంఘాల నుండి వచ్చిన అభ్యర్థనలను పరిగణనలోకి తీసుకున్న ప్రభుత్వం గడువును అదనంగా పొడిగిస్తూ నిర్ణయం తీసుకుంది. గనులు మరియు భూగర్భ శాస్త్రం, వాణిజ్య పన్నులు, రిజిస్ట్రేషన్లు, రోడ్లు మరియు భవనాలు మరియు రవాణా వంటి ఆదాయాన్ని సమకూర్చే శాఖలు నిర్ణీత గడువులోపు బదిలీలకు సంబంధించిన మార్గదర్శకాలను విడుదల చేయలేకపోయినందున ప్రభుత్వం గడువును పొడిగించవలసి వచ్చింది.

ఇంకా, గ్రామ/వార్డు సచివాలయ ఉద్యోగుల సంఘాలు కూడా ఎక్కువ మంది ఉద్యోగులు తమ బదిలీ అభ్యర్థనలను సమర్పించేందుకు గడువును పొడిగించాలని అభ్యర్థించాయి. దాంతో ప్రస్తుతం కొనసాగుతోన్న ఉద్యోగుల బదిలీల ప్రక్రియ గడువు తేదీని ప్ర‌భుత్వం మరోసారి పొడిగించింది. మొద‌ట‌గా ఈ నెల 15వ తేదీ వరకు బదిలీలకు దరఖాస్తు చేసుకోవాలని కోరిన‌ ప్రభుత్వం ఆ గడువును మరోమారు పొగిస్తున్నట్లు ఉత్తర్వులు జారీ చేసింది.

గత ప్రభుత్వం సెప్టెంబర్ 22వ తేదీ వరకు గడువును పొడిగిస్తూ రాష్ట్ర ప్రభుత్వం ఉత్తర్వులు జారీ చేసింది. సెప్టెంబర్ 23 తేదీ నుంచి బదిలీలపై నిషేధం వర్తిస్తుందని స్పష్టం చేసింది. ఎక్సైజ్ శాఖ బదిలీల గడువును సెప్టెంబర్ 30వ తేదీ వరకు పొడిగిస్తూ ఆదేశాలు ఇచ్చింది.. అక్టోబర్ 1 తేదీన ఆ శాఖ బదిలీల్లో నిషేధం వర్తిస్తుందని ఉత్తర్వుల్లో పేర్కొంది