Atchannaidu : మీరా.. మా ప్రభుత్వాన్ని ప్రశ్నించేది – అచ్చెన్నాయుడు వైసీపీ కి సూటి ప్రశ్న

Atchannaidu : ఆంధ్రప్రదేశ్‌ లో మద్యం, ఇసుక, మైనింగ్, ల్యాండ్ వంటి అంశాలపై వైఎస్సార్ కాంగ్రెస్ పార్టీ (వైసీపీ) మాట్లాడటానికి హక్కు లేదని మంత్రి అచ్చెన్నాయుడు తీవ్ర స్థాయిలో విమర్శించారు. గత ప్రభుత్వ హయాంలో ప్రజలను మద్యం వ్యసనానికి గురిచేసి, నాసిరకం మద్యం విక్రయిస్తూ వారి ప్రాణాలతో ఆడుకున్నారని ఆయన ఆరోపించారు. “గత ఐదేళ్లలో ఒక్క బ్రాండెడ్ లిక్కర్ కూడా రాష్ట్రంలో దొరికిందా?” అంటూ మంత్రి ప్రశ్నించారు. నాణ్యతలేని మద్యం అందించి ప్రజల ఆరోగ్యాన్ని ప్రమాదంలోకి నెట్టిన వారు, ఇప్పుడు బెల్ట్ షాపుల గురించి మాట్లాడటం హాస్యాస్పదంగా ఉందని ఎద్దేవా చేశారు.

Atchannaidu : మీరా.. మా ప్రభుత్వాన్ని ప్రశ్నించేది – అచ్చెన్నాయుడు వైసీపీ కి సూటి ప్రశ్న

Atchannaidu గత ఐదేళ్లలో ఒక్క బ్రాండెడ్ లిక్కర్ రాష్ట్రంలో దొరికిందా..?

టీ దుకాణంలో టీ తయారు చేసినట్లుగా వైసీపీ హయాంలో నాసిరకం మద్యం తయారీదారులు ప్రజలను మోసం చేశారని అచ్చెన్నాయుడు ఆరోపించారు. మద్యం నియంత్రణ పేరుతో పలు అనుమానాస్పద విధానాలను అమలు చేసి, అక్రమ లాభాలు పొందారని విమర్శించారు. వైసీపీ పాలనలో బెల్ట్ షాపులు రెట్టింపు అయ్యాయని, ఇంటింటికి మద్యం బాటిల్స్ డోర్ డెలివరీ చేసిన ఘనత కూడా ఆ ప్రభుత్వానికే చెల్లిందని అన్నారు.

వైసీపీ హయాంలో 15 పాకెట్లున్న ఫ్యాంట్లు వేసుకుని ఇంటింటికీ వెళ్లి మద్యం బాటిల్స్ అమ్మిన వారే, ఇప్పుడు బెల్ట్ షాపులపై పెద్దవారిగా మాట్లాడటం విడ్డూరంగా ఉందని మంత్రి విమర్శించారు. ప్రజలకు న్యాయం చేయాల్సిన ప్రభుత్వమే, మద్యం వ్యాపారంలో మునిగిపోయి ప్రజలను నాశనం చేసిందని ఆగ్రహం వ్యక్తం చేశారు. ఈ విషయంలో ప్రజలు సజాగ్రత్తగా ఉండాలని, గత పాలనలో జరిగిన అక్రమాలు గుర్తుంచుకోవాలని సూచించారు.