Pawan Kalyan : అసలేంటి ఆ సర్జరీ ? పవన్ కళ్యాణ్ కి ఏమైంది ? ఎన్నాళ్ళు రెస్ట్ ?

Pawan Kalyan : ఏపీ ఉప ముఖ్యమంత్రి, జనసేనాని పవన్ కళ్యాణ్ ఆరోగ్య పరిస్థితి గురించి ఇప్పుడు రాజకీయ వర్గాల్లో, అభిమానుల్లో తీవ్ర ఆందోళన నెలకొంది. గత కొద్ది రోజులుగా పవన్ కళ్యాణ్ అనారోగ్యంతో ఇబ్బంది పడుతున్నట్లు తెలుస్తోంది. గత శుక్రవారం ఉదయం అధికారులతో కలిసి పాలనాపరమైన విషయాలపై చర్చిస్తుండగా ఆయన తీవ్ర అస్వస్థతకు గురయ్యారు. పరిస్థితిని గమనించిన వ్యక్తిగత వైద్యులు వెంటనే స్పందించి, తక్షణమే ఆసుపత్రికి తరలించారు. అక్కడ ఆయనకు అత్యవసర వైద్య పరీక్షలు మరియు ఎం.ఆర్.ఐ స్కానింగ్ నిర్వహించారు. రిపోర్టులను పరిశీలించిన వైద్య బృందం, ఆయనకు తక్షణమే శస్త్రచికిత్స అవసరమని గుర్తించి శనివారం సాయంత్రం సర్జరీ పూర్తి చేశారు.

Pawan Kalyan : అసలేంటి ఆ సర్జరీ ? పవన్ కళ్యాణ్ కి ఏమైంది ? ఎన్నాళ్ళు రెస్ట్ ?

Pawan Kalyan : ఆరోగ్యంపై వైద్యుల సూచనలు ఏంటి ?

వైద్యులు అందించిన సమాచారం మేరకు, సర్జరీ విజయవంతమైందని, ప్రస్తుతం ఆయన ఆరోగ్యం నిలకడగానే ఉందని తెలుస్తోంది. అయితే, పవన్ కళ్యాణ్ త్వరగా కోలుకోవడానికి దీర్ఘకాలిక జాగ్రత్తలు తప్పనిసరి అని వైద్యులు సూచించారు. కనీసం వారం నుండి పది రోజుల పాటు సంపూర్ణ విశ్రాంతి తీసుకోవాలని ఆయనకు స్పష్టమైన ఆదేశాలు జారీ చేశారు. ఆ తర్వాతే ఆయన క్రమంగా తన అధికారిక కార్యక్రమాల్లో పాల్గొనే అవకాశం ఉంటుంది. గత ఎన్నికల ప్రచారం నుండి మొదలుకొని, తిరుమల మెట్ల మార్గంలో పాదయాత్ర, ఆపై వరుసగా పెండింగ్ సినిమాల షూటింగ్‌లు, అలాగే క్షేత్రస్థాయిలో విస్తృత పర్యటనలు చేయడం వల్ల ఆయన ఆరోగ్యంపై ప్రభావం పడిందని భావిస్తున్నారు. ఏపీలోని మన్యం ప్రాంతంలో రోడ్ల ప్రారంభం, చిత్తూరులో ఏనుగుల బెడద నివారణ, ఎర్రచందనం స్మగ్లింగ్ అరికట్టేందుకు ప్రత్యేక దళాల ఏర్పాటు వంటి బాధ్యతలను ఆయన అలసటను సైతం లెక్కచేయకుండా పూర్తి చేశారు.

దీర్ఘకాలిక విశ్రాంతి అవసరం కావడంతో, ఆయన పరిధిలోని శాఖలకు సంబంధించిన నిర్ణయాలు తీసుకోవడానికి జనసేనలోని కీలక నాయకులకు బాధ్యతలు అప్పగించినట్లు సమాచారం. వారు నిరంతరం అధికారులతో సమన్వయం చేసుకుంటూ పాలనా పరమైన పనులను ముందుకు తీసుకెళ్తారు. ఏది ఏమైనా, పవన్ కళ్యాణ్ సంపూర్ణ ఆరోగ్యంతో త్వరగా కోలుకొని మళ్ళీ ప్రజాసేవలో బిజీ కావాలని కూటమి నేతలు, అభిమానులు కోరుకుంటున్నారు. వైద్యుల సూచన మేరకు ఆయన కొన్ని రోజుల పాటు పూర్తిగా విశ్రాంతి తీసుకుని, ఆ తర్వాత మళ్ళీ తన బాధ్యతలను స్వీకరిస్తారని పార్టీ వర్గాలు వెల్లడించాయి.