Sankranti : సంక్రాతి పండుగ వెనుక అయిదు కథలు ఇవే !
Sankranti : సంక్రాంతి అంటే రైతుల పండుగ. పిల్లల పండుగ. మహిళల పండుగ అంతేకాదు మగవారికి పండుగే. చివరకు ఇది అందరినీ అలరించ పండుగ. ఈ పండుగలో అనేక ప్రత్యేకతలు ఉన్నాయి. ప్రధానంగా అందరికీ తెలిసింది.. సూర్యుడు మకరరాశిలోకి ప్రవేశించే రోజుసగరుడు.. గంగా ఆవిర్భావ కథపూర్వం సగరుడు అనే రాజు ఉండేవాడు. ఆయనకు అరవైవేల మంది కొడుకులు. వీళ్లంతా ఓసారి కపిలముని ఆశ్రమంలోకి ప్రవేశించి, ఆయన తపస్సుని భంగం చేశారు. దాంతో కపిలముని వాళ్లందరినీ బూడిదగామార్చేశాడు. ఆ బూడిద కుప్పల మీద గంగ ప్రవహిస్తే కానీ, వారి ఆత్మశాంతించదని తెలుస్తుంది. ఆకాశంలో ఉండే గంగని ఎవరూ నేల మీదకి తేలేకపోయారు. సగరుడి వంశంలో పుట్టిన భగీరధుడు ఈ పని చేయగలిగాడు. ఆయన తపస్సుకి మెచ్చి సంక్రాంతి రోజునే గంగమ్మ నేల మీద అవతరించిందని నానుడి ఉంది.
Sankranti : గంగిరెద్దుల కథ
సంక్రాంతి గంగిరెద్దుల వెనుక కూడా ఓ కథ ఉంది. పూర్వం గజాసురుడు అనే రాక్షసుడు ఉండేవాడు. శివుడు తన కడుపులో ఉండేలా ఆ గజాసురుడు వరాన్ని కోరుకున్నాడు. శివుని బయటకు రప్పించేందుకు విష్ణుమూర్తి ఓ ఉపాయం ఆలోచించాడు. దేవతలంతా తలా ఓ వాయిద్యాన్నీ పట్టుకుని, నందికితో కలిసి గజాసురుడి దగ్గరకు బయల్దేరారు. వీళ్ల ప్రదర్శనకు మెచ్చుకున్న గజాసురుడు ఏదన్నా వరాన్ని కోరుకొమ్మని అడిగాడు. ఇంకేముంది! తన పొట్టలో ఉన్న శివుడిని బయటకు పంపమని వరాన్ని అడిగేశారు. అలా ఆనాడు శివుని పొందేందుకు చేసిన హడావుడే, ఇప్పటి గంగిరెద్దుల సంప్రదాయానికి నాంది అని చెబుతారు. –
Five stories behind the Sanskrit festival
Sankranti : కనుమ రోజు పశువులని పూజించడం
వెనుక కూడా ఓ కథ వినిపిస్తుంది. ఒకసారి శివుడు నందిని పిలిచి ‘భూలోకంలో అందరూ రోజూ ఒంటికి నూనె పట్టించి స్నానం చేయాలి, నెలకి ఓసారే ఆహారం తీసుకోవాలి’ అని చెప్పి రమ్మన్నాడు. కానీ నంది అయోమయంలో ‘రోజూ ఆహారం తీసుకోవాలి, నెలకి ఓసారి నూనె పట్టించి స్నానం చేయాలి’ అని చెప్పిందట. దాంతో కోపం వచ్చిన శివుడు. ‘ప్రజలు రోజూ తినాలంటే చాలా ఆహారం కావాలి. ఆ ఆహారాన్ని పండించేందుకు నువ్వే సాయపడాలి’అని శపించాడు.అప్పటి నుంచి ఎద్దులు, వ్వవసాయంలో సాయపడుతున్నాయట. కనుమ రోజు పశువులని సాక్షాత్తు నందీశ్వరులుగా భావించి పూజిస్తుంటారు. ఇది గంగిరెద్దుల కథ.
Sankranti : గాలిపటాలు..
కేవలం భారతదేశంలోనే కాదు ప్రపంచంలో అనేక దేశాలలో గాలిపటాలు ఎగురవేస్తారు. అయితే మన దేశంలో కథ వెనుక గాథ పరిశీలిస్తే… సంక్రాంతితో ఉత్తరాయణ పుణ్యకాలం మొదలవుతుందట. ఇది దేవతలకు పగలు అని నమ్మకం. దేవతలంతా ఈ కాలంలో ఆకాశంలో విహరిస్తారట. దేవతలకి స్వాగతం పలికేందుకు, వారి దృష్టిని ఆకర్షించేందుకు గాలిపటాలు ఎగరేయాలని చెబుతారు. ఇలా దేవతాహ్వానం చేయడం దీని వెనుక పరమార్థంగా పెద్దల చెప్తారు.
Sankranti : హరిదాసు ….
హరి.. అంటే సాక్షాత్తు విష్ణువు. స్థితికారకుడు. మన స్థితిని నిర్ణయించే వాడు. మన మంచి చెడులను నిర్ధారించే వాడు. అయితే ఈ పండుగలో హరిలో రంగ హరి అని ఇంటిముందుకు వచ్చే హరిదాసుకు ప్రత్యేకకథ ఉంది అది… సంక్రాంతికి సాక్షాత్తు ఆ శ్రీకృష్ణుడే, హరిదాసు రూపంలో మన ఇంటికి వస్తాడట. ఆయన తల మీద ఉండే పాత్ర, ఈ భూమికి చిహ్నమని చెబుతారు. అందుకే ఆ పాత్రని హరిదాసులు నేల మీద పెట్టరు. భిక్ష పూర్తయ్యి ఇంటికి చేరుకున్నాకే దాన్ని కిందకి దించుతారు. ఇవండీ సంక్రాంతి గురించి ఓ అయిదు కథలు. ఇంకా గొబ్బెమ్మలు దగ్గర నుంచి భోగిపళ్ల వరకు… సంక్రాంతిలో కనిపించే ప్రతి ఆచారానికీ ఓ కథ ఉంది. ఈ పండుగ చిన్నా పెద్ద, ఆడ,మగ అందరికీ పండుగే. అంతేకాదు మన చుట్టూ ఉండే జీవరాశులకు ఇదొక ప్రత్యేకమైన పండుగ.