Actor Ali : పవన్ కళ్యాణ్ కి ఛాలెంజ్ విసిరిన ఆలీ…!!
Actor Ali : శుక్రవారం చిత్తూరు జిల్లాలోని వెంకటగిరి నియోజకవర్గంలో వైసీపీ నిర్వహించిన భారీ బహిరంగ సభలో సినీ నటుడు ఆలీ పాల్గొన్నారు. ఆయన మాట్లాడుతూ ప్రజలకు ఇచ్చిన హామీలన్నీ అమలు చేసిన ఘనత వై.యస్.జగన్మోహన్ రెడ్డికి చెందుతుందని అన్నారు. ఎక్కడ అమలు చేయని సంక్షేమ పథకాలను ఆంధ్రప్రదేశ్లో అమలు చేసి చూపించిన పార్టీ వైసీపీ దేనని కొనియాడారు. మరోసారి వై.యస్.జగన్మోహన్ రెడ్డిని గెలిపించాలని కోరారు. ఈ ప్రాంత ఎమ్మెల్యేగా బరిలో ఉన్న నెదురుమల్లి రామ్ కుమార్ రెడ్డిని గెలిపించాలని అన్నారు. వై.యస్.రాజశేఖర్ రెడ్డి పాదయాత్ర చేసి ప్రజల కష్టాలను తెలుసుకొని మీ వెంట ఉంటానని ధైర్యం ఇచ్చారు. అదేవిధంగా ప్రజలు కూడా ఆయనను అత్యధిక మెజారిటీతో గెలిపించారు.
ఇప్పుడు వై.యస్.రాజశేఖర్ రెడ్డి తనయుడుగా వై.యస్.జగన్మోహన్ రెడ్డి కూడా పాదయాత్ర చేసి ప్రజలను హత్తుకున్నారు. ఆయనను ఆదరించి గెలిపించారు. నవరత్నాలు అని సంక్షేమ పథకాలు పెట్టి ప్రజల కష్టాలను దూరం చేశారు. ఇంకా పేద ప్రజలకు సంక్షేమ పథకాలు అందించాలని వై.యస్.జగన్మోహన్ రెడ్డికి బాగా ఉంది కానీ ఆయనను అణగదొక్కెందుకు ప్రయత్నిస్తున్నారు. ఎంత బాధ ఉన్నా వై.యస్.జగన్మోహన్ రెడ్డి పైకి చిరునవ్వుతోనే కనిపిస్తారు. తన ఫ్యామిలీ దూరం అవుతున్న ఎప్పుడు చికాకు చూపించలేదు. ప్రజలు నన్ను గెలిపిస్తారని నమ్మకంతో ఉన్నారు అని ఆలీ వ్యాఖ్యానించారు. ఇక వెంకటగిరి నియోజకవర్గ ఎమ్మెల్యేగా పోటీ చేస్తున్న నెదురమల్లి రాంకుమార్ రెడ్డి మాజీ ముఖ్యమంత్రి కొడుకు అని ఎప్పుడు చెప్పుకోలేదు.
మొదటిసారిగా ఎన్నికల్లో పోటీ చేస్తున్నారు. కచ్చితంగా రామన్నను ఎమ్మెల్యేగా నిలబెట్టాలని ప్రజలను ఆలీ కోరారు. వై.యస్.జగన్మోహన్ రెడ్డి అన్ని వర్గాల వారిని ఆదరిస్తారు. ఏ పార్టీలో లేని విధంగా ఎస్సీ, ఎస్టీ, మైనారిటీ వర్గాలకు కూడా పార్టీలో స్థానం కల్పించారు. అందుకే వై.యస్.జగన్మోహన్ రెడ్డి గొప్ప నాయకుడు అని ఆలీ అన్నారు. ప్రతిపక్ష పార్టీలు ఎంత ప్రయత్నించినా వైయస్ జగన్మోహన్ రెడ్డిని ఓడించలేరు అని అన్నారు. ఇకపోతే జనసేన అధ్యక్షుడు పవన్ కళ్యాణ్ ఆలీ స్నేహితులు అన్న సంగతి తెలిసిందే. అయితే పవన్ కళ్యాణ్ జనసేన పార్టీని పెడితే ఆలీ అధికార పార్టీ వైసీపీలో చేరారు. ఈ క్రమంలోనే పవన్ కళ్యాణ్ కి ఆలీ మధ్య స్నేహం చెడిందని వార్తలు వచ్చాయి. వైసిపి ప్రభుత్వంను సపోర్ట్ చేస్తున్న ఆలీకి పవన్ కళ్యాణ్ మధ్య గాసిప్స్ వస్తూనే ఉన్నాయి.