Anjali : శ్రీలీల గురించి రిపోర్టర్ అడిగిన ప్రశ్నలకు సీరియస్ ఆన్సర్ ఇచ్చిన అంజలి…!

Anjali  : టాలీవుడ్ ఇండస్ట్రీలో హీరోయిన్ అంజలి తెలుగు అమ్మాయని అందరికి తెలుసు. ఫోటో సినిమాతో హీరోయిన్గా ఎంట్రీ ఇచ్చిన ఈ బ్యూటీ ప్రేమలేఖ రాశా అనే సినిమాతో హీరోయిన్గా పరిచయం అయ్యారు. ఈ రెండు సినిమాలు ఫ్లాఫ్ అవడంతో కోలీవుడ్ కి మకాం మార్చింది బ్యూటీ. ఇక అక్కడ షాపింగ్ మాల్, జర్నీ వంటి సినిమాలతో మంచి క్రేజ్ ను సంపాదించుకున్నారు. ఇక దీంతో తెలుగులో ‘ సీతమ్మ వాకిట్లో సిరిమల్లె చెట్టు ‘ అనే సినిమాతో రీ ఎంట్రీ ఇచ్చారు. ఈ సినిమా సక్సెస్ అవడంతో తెలుగులో ఆఫర్లు వచ్చాయి. ప్రస్తుతం ఈమె అడపాదడపా సినిమాలు చేస్తూ బిజీగా ఉన్నారు. ఇక 2014లో ఈమె ప్రధాన పాత్రలో నటించిన గీతాంజలి సినిమాకి ఇన్నేళ్ల తర్వాత సీక్వెల్ రాబోతుంది.

‘ గీతాంజలి మళ్లీ వచ్చింది ‘ అనే టైటిల్ తో ఈ సీక్వెల్ రూపొందనుంది. ఇక ఈ సినిమాకి శివ తుర్లపాటి దర్శకత్వం వహిస్తున్నారు. తాజాగా ఈ సినిమా ఫస్ట్ లుక్ పోస్టర్ను విడుదల చేశారు. ఈవెంట్ లో లేడీ రిపోర్టర్ అడిగిన ప్రశ్నలు అంజలికి చాలా కోపం తెప్పించినట్లుగా కనిపిస్తుంది. మీకు నేను పెద్ద అభిమానిని. మీరు తెలుగమ్మాయి అవడం వల్లే ఇంకా సరైన బ్రేక్ రాలేదు అని ఎప్పుడైనా అనిపించిందా అని రిపోర్టర్ అంజలిని ప్రశ్నించారు. దానికి అంజలి సమాధానమిస్తూ నాకు బ్రేక్ రాకపోతే మీరు నా అభిమాని ఎలా అవుతారు. నేను తెలుగులోనే కాకుండా తమిళ్ లో కూడా సినిమాలు చేస్తూనే ఉన్నాను అంటూ సీరియస్ గా సమాధానం ఇచ్చారు.

ఇక అనంతరం శ్రీలీల కూడా తెలుగమ్మాయి మరి ఆమె రేంజ్ లో మీకు సక్సెస్ రాలేదు కదా అంటూ అంజలీని మరింత చికాకు గురి చేశారు. ఇప్పటికీ బిజీగా సినిమాలు చేస్తూనే ఉన్నాను. ఆ నెంబర్ గేమ్స్ ని నేను పట్టించుకోను. నాకు నచ్చిన పాత్రలు చేస్తాను. తమిళ, మలయాళ, కన్నడ, తెలుగు సినిమాలలో ప్రతిరోజు ఏదో ఒక సినిమాలో నటిస్తూ ఉంటాను. అలాగే పలు వెబ్ సిరీస్ లలో కూడా నటిస్తున్నాను అంటూ ఫైర్ గా సమాధానం ఇచ్చారు . ఆ తర్వాత నా కెరియర్ లో ఫస్ట్ లేడీ ఓరియంటెడ్ మూవీ గీతాంజలి అని, ఈ సినిమాను హిట్ చేసిన ప్రేక్షకులకు నేను ఎప్పుడు రుణపడి ఉంటాను. ఆ నమ్మకంతోనే గీతాంజలి మళ్లీ వచ్చింది సెట్స్ పైకి వెళ్ళింది. ఈ సినిమా చూశాను బాగా వచ్చిందిష సినిమా మొత్తం ఒక ఎత్తు అయితే క్లైమాక్స్ మరో ఎత్తు అని అంజలి చెప్పుకొచ్చారు.