Hara Veera Mallu Movie : పవన్ కళ్యాణ్‌ ప్రధాన పాత్రలో తెరకెక్కుతున్న పీరియాడికల్‌ యాక్షన్‌ ఎంటర్టైనర్ హరిహర వీరమల్లు’ సినిమాపై అభిమానుల్లో ఆశలు పెరిగిపోతుండగా, సినిమాకు సంబంధించి ఎలాంటి స్పష్టత లేకపోవడం వారిని తీవ్రంగా నిరాశపరుస్తోంది.ఈ సినిమా షూటింగ్‌ ఇప్పటికే పూర్తయినప్పటికీ రిలీజ్ డేట్‌పై క్లారిటీ లేదు. జూలైలో 24న మూవీ విడుద‌ల కానుంద‌ని ప్ర‌క‌టించిన క‌న్‌ఫాం చేయ‌క‌పోవ‌డంతో అభిమానులు సోషల్ మీడియాలో ఆగ్రహం వ్యక్తం చేస్తున్నారు.

Hara Veera Mallu Movie  :  ఫ్యాన్స్ నిరాశ‌..

ఈ వారం ట్రైలర్ అప్‌డేట్ వస్తుందని చిత్రబృందం తెలియజేయగా, అది కూడా ఆలస్యం కావడం మరింత అసహనానికి కారణమైంది.అనేకసార్లు రిలీజ్ వాయిదా పడడం, తాజాగా ప్రమోషనల్‌ కంటెంట్ విషయంలోనూ స్పష్టత లేకపోవడం అభిమానుల్లో విసుగు కలిగిస్తోంది. సినిమాపై మొదటి నుంచి ఉన్న భారీ హైప్‌ను సరైన సమయంలో వినియోగించుకోవడంలో చిత్రబృందం పూర్తిగా విఫలమైందని సినీ వర్గాలు చెబుతున్నాయి.

ఇప్పుడు అభిమానులు ఒక్కటే కోరుతున్నారు ..మూవీ రిలీజ్‌పై క్లారిటీతో పాటు, కనీసం ఓ ట్రైలర్‌ అయినా విడుదల చేయాలని. పవన్ కళ్యాణ్ రాజకీయ బిజీ షెడ్యూల్ మధ్య సినిమాకు మరింత ఆలస్యం కాకుండా చూసుకోవాల్సిన బాధ్యత దర్శకుడిపై ఉంద‌ని అంటున్నారు.