Pooja Hegde : యూటర్న్ తీసుకున్న పూజా హెగ్డే..బాలీవుడ్ను ఎంత మాటనేసింది…!
Pooja Hegde : ప్రస్తుతం ఓ రేంజ్లో వెలుగుతున్న హీరోయిన్స్లో పొడుగు కాళ్ళ సుందరి పూజా హెగ్డే ఒకరు. కన్నడ భామ అయినప్పటికీ టాలీవుడ్, బాలీవుడ్లోనే ఎక్కువగా అవకాశాలు అందుకుంటూ సత్తా చాటుతోంది. అయితే, ఎందుకనో అమ్మడు కెరీర్ గ్రాఫ్ హై రేంజ్కు పెరగడం లేదు. కెరీర్ ముందు నుంచి ఇదే పద్ధతిన సాగుతోంది. హీరోయిన్గా సినిమాలు చేసిన పూజా మొదట్లో నిలదొక్కుకోవడానికి చాలా సమయమే పట్టింది. తమిళంలో హీరోయిన్గా చేసిన మొదటి సినిమా ఫ్లాప్. ఆ తర్వాత తెలుగులో చేసిన మొదటి సినిమా మాత్రమే కాకుండా ఆ తర్వాత సినిమాలు ఫ్లాపే.
ఇక హిందీలో తన డ్రీం అయిన హృతిక్ రోషన్ సరసన నటించిన మొదటి సినిమా మొహంజాదారో కూడా ఫ్లాపే. ఇలా పూజా కెరీర్ ఫ్లాపులతోనే మొదలైనప్పటికీ తెలుగులో మహర్షి, అరవింద సమేత వీర రాఘవ, అల వైకుంఠపురములో, మోస్ట్ ఎలిజిబుల్ బ్యాచ్లర్ లాంటి 4 సినిమాలతో బ్యాక్ టు బ్యాక్ హిట్స్ అందుకుంది. దాంతో ఏకంగా టాలీవుడ్ బాలీవుడ్లలో మోస్ట్ వాంటెడ్ హీరోయిన్గా మారింది. హిందీ, తెలుగు సినిమాలలో వరుసగా అవకాశాలు అందిపుచ్చుకుంది. కానీ, మోస్ట్ ఎలిజిబుల్ బ్యాచ్లర్ తర్వాత పూజా చేసిన పాన్ ఇండియన్ సినిమాలు రాధే శ్యామ్, బీస్ట్ అట్టర్ ఫ్లాప్గా మిగిలాయి.
is pooja-hegde-has taken u turn
Pooja Hegde: కొత్త చిత్రాలతో హిట్ అందుకొని మళ్ళీ ఫాంలోకి వస్తుందేమో..!
అంతేకాదు మెగా మల్టీస్టారర్గా వచ్చిన ఆచార్య కూడా డిజాస్టర్గా మిగిలింది. దాంతో పూజా పరిస్థితి ఏంటీ అనే కామెంట్స్ మొదలయ్యాయి. వాస్తవంగా అమ్మడు బాలీవుడ్ మీద బాగా ఫోకస్ పెట్టింది. అందుకే ఏడాది క్రితం టాలీవుడ్ ప్రేక్షకుల మీద మేకర్స్ మీద కామెంట్స్ చేసింది. కానీ, ఇప్పుడు యూ టర్న్ తీసుకొని బాలీవుడ్లో హీరోయిన్కు అంతగా ప్రాధాన్యం ఉండే పాత్రలు దక్కడం చాలా కష్టమని ..తెలుగులోనే హీరోయిన్స్కు బలమైన పాత్రలు దక్కుతాయని ఇటీవల ఈ ఇంటర్వ్యూలో చెప్పుకొచ్చింది. దాంతో యూ టర్న్ తీసుకొని పూజా ఇలా బాలీవుడ్ పై కామెంట్స్ చేస్తుందంటూ నెటిజన్స్ మాట్లాడుకుంటున్నారు. అంతేకాదు, ఎలాగైనా ఇక్కడ క్రేజ్ పోకుండా అవకాశాలు దక్కించుకునేందుకే ఇలా మాట్లాడిందనే మాటలు వినిపిస్తున్నాయి. చూడాలి మరి పూజా కొత్త చిత్రాలతో హిట్ అందుకొని మళ్ళీ ఫాంలోకి వస్తుందేమో.