Kannappa Movie : వీఎఫ్ఎక్స్ ద్వారానే మంచు విష్ణు అన్ని కోట్లు లాస్ అయ్యాడా…!

Kannappa Movie : టాలీవుడ్ డైనమిక్ హీరో మంచు విష్ణు తన ప్రతిష్ఠాత్మక చిత్రం ‘కన్నప్ప’ విడుదల సందర్భంగా తీవ్ర భావోద్వేగానికి గురయ్యారు. తాను ముంబైలో అడుగుపెట్టినట్లు తెలుపుతూ, ఈ సినిమాకు సంబంధించిన తన మనోభావాలను సోషల్ మీడియా వేదికగా పంచుకున్నారు. ఈ శుక్రవారం జూన్ 27న కన్నప్ప మీ ముందుకు వ‌స్తోంది. పరమశివుడి గొప్ప భక్తుడి కథను ప్రపంచం వీక్షించనుంది అని ఆయన తెలిపారు.

Kannappa Movie : వీఎఫ్ఎక్స్ ద్వారానే మంచు విష్ణు అన్ని కోట్లు లాస్ అయ్యాడా…!

Kannappa Movie : పెద్ద లాసే..

సినిమాపై తనకున్న మమకారాన్ని వివరిస్తూ “నా హృదయం, నా ఆత్మ – నా బేబీ – చివరికి ప్రపంచాన్ని కలవబోతోంది” అంటూ ఉద్విగ్నభరితమైన వ్యాఖ్యలు చేశారు. గత కొంతకాలంగా మంచు విష్ణు ‘కన్నప్ప’ సినిమాను అత్యంత శ్రద్ధతో భారీ బడ్జెట్‌తో నిర్మిస్తున్న సంగతి తెలిసిందే. ఈ చిత్రం ద్వారా శివుని పరమభక్తుడైన కన్నప్ప కథను వెండితెరపై ఆవిష్కరించేందుకు ఆయన సిద్ధమయ్యారు. సినిమా విడుదల తేదీ దగ్గర పడుతుండటంతో విష్ణు తన సంతోషాన్ని ఈ విధంగా అభిమానులతో పంచుకున్నారు. ఆయన ట్వీట్ ప్రస్తుతం సోషల్ మీడియాలో వైరల్ అవుతోంది.

మంచు విష్ణు డ్రీమ్ ప్రాజెక్ట్ అయిన ‘కన్నప్ప’ ఈ నెల 27న ప్ర‌పంచ వ్యాప్తంగా భారీ అంచనాల‌తో థియేట‌ర్ల లోకి వ‌స్తోంది. ఇప్ప‌టికే ఈ సినిమా ప్ర‌మోష‌న్లు శ‌ర‌వేగంగా న‌డుస్తున్నాయి. ఇక విష్ణు అయితే ఈ సినిమా పై భారీ న‌మ్మ‌కాలే పెట్టుకున్నాడు. భారీ క్యాస్టింగ్ తో పాటు బిగ్ బ‌డ్జెట్‌తో ఈ సినిమా తెర‌కెక్కింది. ఈ సినిమా ఆన్ లైన్ బుకింగ్స్ అప్పుడే ఓపెన్ అయ్యాయి. మ‌రీ ముఖ్యంగా ఓవర్సీస్ మార్కెట్‌లో ఈ సినిమాపై మంచి బజ్ క్రియేట్ కావడంతో అక్కడ భారీ ఎత్తున రిలీజ్ అవుతోంది. అమెరికాలో బుకింగ్స్ జోరు మామూలుగా లేదు. ఇక వ‌ర‌ల్డ్ వైడ్ గా క‌న్న‌ప్ప సినిమాను 5,400 స్క్రీన్లలో భారీ ఎత్తున రిలీజ్ చేస్తున్నారు. ఈ చిత్రంలో మేము చేసిన మిస్టేక్ వ‌ల‌న ప‌ది నుండి 15 కోట్ల వ‌ర‌కు లాస్ జ‌రిగింద‌ని మంచు విష్ణు అన్నారు.