Karthika Deepam 27 Sep Tomorrow Episode Highlights: కార్తీక దీపం సీరియల్ లేటెస్ట్ ఎపిసోడ్ సోమవారం రిలీజ్ కానుంది. ఆదివారం ఎపిసోడ్ ఉండదు. శనివారం రోజు ఏం జరిగిందో తెలుసు కదా. స్కూల్ లో షైనీ అన్నమాటలకు శౌర్య, హిమ బాగా బాధపడి తన తండ్రి కార్తీక్ తో మాట్లాడరు. కారు ఎక్కేటప్పుడు కూడా ఒక్క మాట కూడా మాట్లాడరు. కారులోనూ మాట్లాడరు. చివరకు ఇంటికి వచ్చాక కూడా తనతో మాట్లాడుకుండా వెళ్లిపోతారు.
పిల్లలు నాతో సరిగ్గా ప్రవర్తించడం లేదంటూ తల్లి సౌందర్య దగ్గరికి వెళ్లి కార్తీక్ మొర పెట్టుకుంటాడు. ఏమైంది పిల్లలకు. వెళ్లేటప్పుడు బాగానే ఉన్నారు కదరా. ఇప్పుడు ఏమైంది అని అడుగుతుంది. అదే నాకు అర్థం కావడం లేదమ్మా. వెళ్లేటప్పుడు బాగానే ఉన్న పిల్లలు.. ఇప్పుడు నాతో మాట్లాడటానికి కూడా భయపడతున్నారు. చివరకు కారులో నా పక్కన కూడా కూర్చోవడం లేదంటూ బాధపడతాడు కార్తీక్.
దీప మాత్రం ఇంకా వారణాసి చెప్పిన దాని గురించే ఆలోచిస్తూ ఉంటుంది. వారణాసి చెప్పిన విషయం గురించి, మోనిత గురించి ఆలోచిస్తుంటుంది. మీ అక్క మొగుడు పెద్ద గ్రంధమే నడిపాడట కదా అంటూ బస్తీలో అందరూ హేళన చేస్తున్నారక్క అంటూ వారణాసి దీప ముందు బోరుమన్న విషయం తెలిసిందే.
ఇంటికి వచ్చాక ఆ విషయాన్ని సౌందర్యకు కూడా చెబుతుంది దీప. ఏంటి దీప నువ్వు.. ఎవరో ఏదో అన్నారని బాధపడుతూ కూర్చుంటామా? లోకం అన్నాక ఏదో ఒకటి మాట్లాడుతూనే ఉంటారు. అవన్నీ పట్టించుకుంటామా? వద్దు.. నువ్వు ముందు ఇవన్నీ వదిలేయ్. దీపను నేను ఎప్పుడూ ఇలా చూడాలనుకోలేదు. వద్దు.. నువ్వు అలా చేయకు. ధైర్యంగా ఉండు. నువ్వే ధైర్యంగా లేకపోతే ఎలా.. అని సౌందర్య దీపకు సర్ధి చెబుతుంది.
పిల్లలు ఇంటికి వచ్చాక విచిత్రంగా ప్రవర్తించడం సౌందర్య కూడా గమనిస్తుంది. కార్తీక్, సౌందర్య.. ఇద్దరూ మాట్లాడుతుంటే అక్కడికి వచ్చిన రౌడీని చూసి.. సౌందర్య పిలుస్తుంది. దీంతో పట్టించుకోకుండా వెళ్లిపోతుంది శౌర్య. ఏమైంది వీళ్లకు అని సౌందర్య కూడా అనుకుంటుంది.
మొత్తం మీద మోనిత పీడ విరగడ అయిందని అందరూ అనుకున్నారు కానీ.. మోనిత జైలులో కూర్చొని ప్లాన్లను బాగానే వర్కవుట్ చేస్తోంది. జైలులో కూడా మోనితకు అందరూ ఫ్యాన్స్ అయిపోయారు. ఎవరికైనా ఏదైనా ఆరోగ్య సమస్య వస్తే.. మోనితే దగ్గరుండి అన్ని ట్రీట్ మెంట్స్ చేస్తుండటంతో మోనితకు అక్కడున్న సిబ్బంది అందరూ మద్దతు ఇస్తున్నారు. ఏం కావాలన్నా చేసి పెడుతున్నారు. అందుకే.. తన ఫ్రెండ్ ను కలవాలని.. ఒకసారి ఇక్కడికి పిలవమని చెబుతుంది. దీంతో కానిస్టేబుల్ కూడా ఓకే చెబుతుంది.
మరోవైపు కార్తీక్ కు టెన్షన్ మొదలవుతుంది. అసలు.. తన విషయంలో ఏం జరుగుతుందోనని టెన్షన్ పడుతుంటాడు. బయటికి వెళ్లలేకపోతున్నా అని తనలో తానే మధనపడిపోతాడు. ఎలాగైనా యూఎస్ వెళ్లిపోవాలని కార్తీక్ అనుకున్నప్పటికీ.. దీప, సౌందర్య ఒప్పుకుంటారో లేదో అనే విషయం మాత్రం తెలియదు.
సౌందర్య ముందు పిల్లలు ఎందుకు అలా అయ్యారో తెలుసుకుందాం అని అనుకుంటుంది. పిల్లల దగ్గరికి వెళ్లే సరికి.. పిల్లలు తనకు జరిగిన విషయం మొత్తం చెబుతారు. షైనీ.. నాన్నకు, మోనితకు ఏదో ఉందని చెప్పిందని అంటారు. ఆ విషయం విన్న సౌందర్య షాక్ కు గురవుతుంది. వెంటనే వాళ్లను కార్తీక్, దీప దగ్గరికి తీసుకొస్తుంది.
ఏంటే మీ బాధ. ఏంటి అసలు.. ఏం కావాలి మీకు. మా బాధలు మాకుంటే.. మీ బాధలు ఏంటి.. అని ప్రశ్నిస్తుంది దీప. కార్తీక్ కూడా ఏంటి బంగారం.. ఏమైంది చెప్పు అని హిమను అడుగుతాడు.
అప్పుడు హిమ జరిగిన విషయం మొత్తం చెబుతుంది. స్కూల్ లో తన ఫ్రెండ్ షైనీ.. నువ్వు బ్యాడ్ బాయ్ వి అని చెప్పిందని చెబుతారు. దీంతో అందరూ షాక్ అవుతారు. నీకు, మోనిత ఆంటీకి మధ్య ఏదో ఉందంట కదా.. అసలు.. మోనిత ఆంటీ జైలుకు ఎందుకు వెళ్లింది అంటూ మళ్లీ ప్రశ్నల మీద ప్రశ్నలు వేస్తారు. దీంతో కార్తీక్ షాక్ అవుతాడు.
పిల్లలకు ఏం సమాధానం చెప్పాలో తెలియక సతమతమవుతాడు కార్తీక్. మరి.. పిల్లలకు జరిగిన విషయాన్ని కార్తీక్ చెబుతాడా? లేక మళ్లీ అబద్ధం చెబుతాడా? అబద్ధం చెబితే పిల్లలు నమ్ముతారా? అనే విషయాలు తెలియాలంటే సోమవారం ఎపిసోడ్ కోసం వెయిట్ చేయాల్సిందే.
Devara Trailer Review : ఎన్ టీ ఆర్ కొరటాల శివ కాంబోలో వస్తున్న దేవర మరో ఐదు రోజుల్లో…
Nagarjuna : బిగ్ బాస్ సీజన్ 8 రోజురోజుకి రసవత్తరంగా మారుతుంది. కంటెస్టెంట్స్ వయోలెంట్గా మారుతుండడంతో షో మంచి మజా…
Brinjal : మనం ప్రతిరోజు ఎన్నో రకాల కూరగాయలను తింటూ ఉంటాం. వీటిల్లో ఒకటి వంకాయ. అయితే వంకాయ అంటే చాలామందికి…
Jobs in LIC : లైఫ్ ఇన్సూరెన్స్ కార్పొరేషన్ ఆఫ్ ఇండియా (Life Insurance Corporation of India) లో…
Walking : మనం ప్రతిరోజు కొద్దిసేపు చెప్పులు లేకుండా నడవడం వలన అద్భుతమైన ఆరోగ్య ప్రయోజనాలు ఉన్నాయి. అంటే చెప్పులు…
Liquor in AP : ఆంధ్రప్రదేశ్ లో గత ప్రభుత్వం అంతా నాసిరకమైన మద్యం అందుబాటులో ఉంచింది. అందుకే ప్రభుత్వం…
Kalonji Seeds Water : ప్రతి ఒక్కరి వంట గదులలో ఉండే మసాలా దినుసులలో జీలకర్ర కూడా ఒకటి. అయితే సాధారణ…
Ration Cards : తెలంగాణలో కొత్త రేషన్కార్డుల జారీకి అర్హత ప్రమాణాలను పరిశీలించి సిఫార్సు చేసేందుకు ఏర్పాటైన మంత్రివర్గ ఉపసంఘం…
This website uses cookies.