Koilamma : ‘కోయిలమ్మ’ నటుడు జైలుకి.. అసలు కథ ఏంటి?
Koilamma : గత కొన్ని రోజులుగా కోయిలమ్మ సీరియల్ నటుడు అమర్ వ్యవహారం ఎటూ తేలకుండా అంతు చిక్కకుండా మలుపులు తిరుగుతోంది. రాత్రి పూట తాగి వచ్చి తమపై దౌర్జన్యం చేశాడని ఇద్దరు యువతులు ఫిర్యాదు చేసిన సంగతి తెలిసిందే. అయితే ఇందులో తమ తప్పేమి లేదని అమర్ కూడా కేసులు పెట్టాడు. కానీ చివరకు అటు తిరిగి ఇటు తిరిగా అమర్ చర్లపల్లి జైల్లోకి వెళ్లాడని తెలుస్తోంది. రెండు మూడు రోజుల క్రితమే ఈ వ్యవహారం గురించి, ఆ రాత్రి జరిగిన దాని గురించి క్లారిటీగా చెప్పాడు. మేరకు రాయదుర్గం పోలీసులు అమర్ని అరెస్ట్ చేసినట్టు తెలుస్తోంది. బొటిక్ వ్యవహారంలో స్నేహితుల మధ్య తలెత్తిన వివాదం ముదరడంతో ఒకరిపై ఒకరు కేసులు పెట్టుకున్న విషయం తెలిసిందే.
Koilamma fame Amar in cherlapally jail
జనవరి 27న అమర్ రాత్రివేళ తమ ఇంటికి వచ్చి దౌర్జన్యం చేయడమే కాకుండా తనని లైంగికంగా వేధిస్తున్నాడంటూ రాయదుర్గం పోలీసుల్ని ఆశ్రయించింది శ్రీ విద్య అనే యువతి. అమర్తో పాటు ముగ్గురు ఆకతాయిలు.. స్వాతి అనే బొటిక్ పార్టనర్ తనపై దౌర్జన్యానికి పాల్పడ్డారని ఆరోపించింది శ్రీ విద్య. అమర్, స్వాతిల నుంచి తమకు ప్రాణహాని ఉందంటూ శ్రీవిద్యతో పాటు అపర్ణ అనే మరో యువతి కూడా పోలీసులకు ఫిర్యాదు చేసింది.
Koilamma :‘కోయిలమ్మ’ నటుడు జైలుకి..
అసలు ఈ గొడవకు తనకు సంబంధం లేదని.. తామంతా స్నేహితులమే అని.. కుట్రప్రకారమే తనని ఇందులో ఇరికించారని.. ఓ టీవీ జర్నలిస్ట్ కుట్ర పన్ని ఇలా చేసిందని.. ఆమె తనను చెంపపై కొట్టడమే కాకుండా రౌడీ షీటర్లతో తమపై దాడి చేయించిందంటూ సంచలన విషయాలను చెప్పాడు అమర్. వారే రౌడీలతో మాపై దాడికి దిగారని అమర్ చెప్పుకొచ్చాడు. అయితే ఇప్పుడు మాత్రం అమర్ను చర్లపల్లి జైలుకు తరలించినట్టు తెలుస్తోంది. అయితే ఇందులో ఎవరిది నిజం? ఏది నిజం? అన్నది ఇంకా తెలియాల్సి ఉంది.