JR NTR : కొరటాల శివ ఏమైంది.. జూనియర్ ఎన్టీఆర్ సినిమాని అలా వెనక్కు తీసుకెళుతున్నావేంటి?
JR NTR : ఆర్ఆర్ఆర్ సినిమాలో జూనియర్ ఎన్టీఆర్, రామ్ చరణ్ ప్రధాన పాత్రలు పోషించగా, ఈ సినిమా పెద్ద హిట్ అయింది. ఈ సినిమా విడుదలైన కొద్ది రోజుల తర్వాత రామ్ చరణ్ తన కొత్త ప్రాజెక్ట్ చేస్తూ బిజీబిజీగా ఉంటున్నాడు. ఎన్టీఆర్ సినిమా షూటింగ్ మాత్రం ఇంతవరకు మొదలు కాలేదు. దీనిపై అభిమానులు ఆందోళన చెందుతున్నారు. ‘జనతా గ్యారేజ్’ వంటి బ్లాక్ బస్టర్ తర్వాత జూనియర్ ఎన్టీఆర్ – కొరటాల శివ కాంబినేషన్లో వస్తున్న […]
JR NTR : ఆర్ఆర్ఆర్ సినిమాలో జూనియర్ ఎన్టీఆర్, రామ్ చరణ్ ప్రధాన పాత్రలు పోషించగా, ఈ సినిమా పెద్ద హిట్ అయింది. ఈ సినిమా విడుదలైన కొద్ది రోజుల తర్వాత రామ్ చరణ్ తన కొత్త ప్రాజెక్ట్ చేస్తూ బిజీబిజీగా ఉంటున్నాడు. ఎన్టీఆర్ సినిమా షూటింగ్ మాత్రం ఇంతవరకు మొదలు కాలేదు. దీనిపై అభిమానులు ఆందోళన చెందుతున్నారు. ‘జనతా గ్యారేజ్’ వంటి బ్లాక్ బస్టర్ తర్వాత జూనియర్ ఎన్టీఆర్ – కొరటాల శివ కాంబినేషన్లో వస్తున్న ఈ సినిమాపై ఆరంభం నుంచే అంచనాలు తారాస్థాయిలో నెలకొన్నాయి. అందుకు అనుగుణంగానే ఈ సినిమా నుంచి ఎన్నో రకాల ఆసక్తికరమైన విషయాలు బయటకు వస్తూనే ఉన్నాయి.
ఇలాంటి పరిస్థితుల్లో ఈ సినిమా జూలై నుంచి రెగ్యూలర్ షూటింగ్ జరుపుకోబోతుందని కూడా డైరెక్టర్ కొరటాల శివ కొద్ది రోజుల క్రితమే ఓ ఇంటర్వ్యూలో వెల్లడించారు. అప్పటి నుంచి దీనికోసం నందమూరి అభిమానులు వేయి కళ్లతో వేచి చూస్తున్నారు. ఇలాంటి పరిస్థితుల్లో ఇప్పుడు జూలై నెల కూడా వచ్చేసింది. కానీ, సినిమా ప్రారంభం గురించి ఎలాంటి ప్రకటనా రాలేదు. ఇండస్ట్రీ వర్గాల సమాచారం ప్రకారం.. ఎన్టీఆర్ – కొరటాల శివ కలయికలో రాబోయే ఈ సినిమాను జూలైలో ప్రారంభించడం లేదట. సెప్టెంబర్ నెల నుంచి మొదలు పెట్టబోతున్నారని తెలిసింది. ఇందుకు గల కారణాలు మాత్రం బయటకు రాలేదు.
JR NTR : మళ్లీ వాయిదానా..
కానీ, ఈ సినిమా అంతకంతకూ ఆలస్యం అవడంతో నందమూరి ఫ్యాన్స్లో మాత్రం అనుమానాలు వ్యక్తం అవుతున్నాయి. మరి ఈ వార్తలో ఎంత నిజముందో తెలియాలంటే చిత్ర యూనిట్ స్పందించాల్సిన అవసరం ఎంతైనా ఉంది. పల్లెటూరి నుంచి వచ్చిన యువకుడు.. అన్ని సిస్టమ్లను ఎదురించే శక్తిలా ఎలా ఎదిగాడు అన్న కథతో ఇది రాబోతుందని వార్తలు వస్తున్నాయి. ఇక, ఈ సినిమాను నందమూరి తారక రామారావు ఆర్ట్స్, యువసుధ ఆర్ట్స్ బ్యానర్లు సంయుక్తంగా నిర్మిస్తున్నాయి. దీనికి కోలీవుడ్ యంగ్ సెన్సేషన్ అనిరుథ్ మ్యూజిక్ అందిస్తున్నాడు.