NTR : దర్శకుడు మారాడని షాకింగ్‌ ప్రకటన వినబోతున్నామా? – ఎన్టీఆర్‌ 30

NTR : యంగ్ టైగర్ ఎన్టీఆర్ 30వ సినిమా విషయంలో సస్పెన్స్ కొనసాగుతోంది. ఈ సినిమాకి కొరటాల శివ దర్శకత్వం వహించబోతున్నట్లు గా గత ఏడాది ప్రకటన వచ్చింది. కానీ తాజాగా అందుతున్న సమాచారం ప్రకారం ఎన్టీఆర్ 30 సినిమాకు కొరటాల శివ దర్శకత్వం వహించక పోవచ్చు అనే వార్తలు వస్తున్నాయి. సినీ వర్గాల్లో కూడా ఈ విషయమై తెగ చర్చ జరుగుతోంది. ఆచార్య సినిమా పరాజయం తర్వాత కొరటాల శివ తో సినిమా అంటే కాస్త ఇబ్బంది అంటూ ఎన్టీఆర్ అభిమానులు ఆందోళన వ్యక్తం చేస్తున్నారు. ఈ సమయం లో ఎన్టీఆర్ కూడా కొరటాల శివ తో సినిమా విషయంలో కాస్త వెనుకడుగు వేశాడు అనే వార్తలు అందుతున్నాయి.

కొరటాల శివ తో కాకుండా వెంటనే ఎన్టీఆర్ ఎవరితో సినిమా చేస్తాడా అంటూ ఎదురు చూస్తున్న సమయంలో ఉప్పెన దర్శకుడు బుచ్చిబాబు కనిపిస్తున్నాడు. గత ఏడాది ఉప్పెన సినిమా తో ప్రేక్షకుల ముందుకు వచ్చిన బుచ్చి బాబు సూపర్ హిట్ దక్కించుకున్నాడు. గత ఏడాది నుండి ఎన్టీఆర్ డేట్ల కోసం ఎదురు చూస్తున్నాడు. ఇప్పటికే వీరిద్దరి కాంబోలో సినిమా కన్ఫర్మ్ అయింది. కానీ ఎన్టీఆర్ కొరటాల శివ తో ఓ సినిమా చేయాల్సి రావడంతో బుచ్చిబాబు వెయిటింగ్ లో ఉన్నాడు. ప్రస్తుతం కొరటాల శివ వద్ద సరైన స్క్రిప్ట్ లేకపోవడంతో ఎన్టీఆర్ బుచ్చిబాబు వైపు ఎన్టీఆర్‌ అడుగులు వేసే అవకాశాలు లేకపోలేదని గతంలోనే వార్తలు వచ్చాయి.

koratala shiva may be out from NTR 30 movie

ఇప్పుడు వార్తలు నిజమయ్యేలా ఉన్నాయి, బుచ్చిబాబు ఇటీవల తన గురువు సుకుమార్ తో కలిసి ఎన్టీఆర్ కోసం ఫైనల్ స్క్రిప్ట్ ను ఫైనల్‌ చేశాడు. అతి త్వరలోనే ఆ స్క్రిప్టుని వినిపించి ఎన్టీఆర్ తో ఓకే చెప్పించి వెంటనే షూటింగ్ కూడా మొదలు పెట్టే అవకాశాలు పుష్కలంగా ఉన్నాయని సినీ వర్గాల ద్వారా సమాచారం అందుతోంది. ఒకవేళ అదే జరిగితే ఎన్టీఆర్ 31వ సినిమా దర్శకుడు ప్రశాంత్ నీల్ అవ్వబోతున్నాడు. ఇక ఎన్టీఆర్ 32 కొరటాల శివ దర్శకత్వం వహిస్తాడు ఏమో చూడాలి. ఇప్పటికే ప్రీ లుక్ ను కూడా విడుదల చేయడం వల్ల ఎన్టీఆర్‌ మాట తప్పుతాడా అనేది కూడా ఒకింత చర్చకు తెర తీస్తుంది. ఏం జరుగుతుందో కాలమే నిర్ణయించాలి.