Intinti Gruhalakshmi : తులసి వల్లే నందు జాబ్ పోయిందని తులసి ఇల్లు వదిలేసి అనసూయ నందు, లాస్య ఇంటికి వెళ్లిపోతుందా? పరందామయ్య ఏం చేస్తాడు?

Intinti Gruhalakshmi : ఇంటింటి గృహలక్ష్మి సీరియల్ లేటెస్ట్ ఎపిసోడ్ ఈరోజు ప్రసారం కాదు. తిరిగి సోమవారం ప్రసారం అవుతుంది. 17 అక్టోబర్ 2022, సోమవారం ఎపిసోడ్ 765 హైలైట్స్ ఏంటో ఇప్పుడు చూద్దాం. నువ్వు నా కొడుకువు కాదురా.. ఆ నంద గోపాల్ గారి కొడుకువు అంటూ ప్రేమ్ తో అంటుంది తులసి. ఆడాళ్లకు ఎన్నో సమస్యలు ఉంటాయి. తను నీకోసం పనిమనిషిగా పని చేస్తే నువ్వు మెచ్చుకోవాల్సింది పోయి.. తనను తిడతావా అని ప్రేమ్ కు గడ్డి పెడుతుంది. దీంతో నన్ను క్షమించు అమ్మ.. అని చెప్పి తులసి కాళ్లు పట్టుకుంటాడు ప్రేమ్. దీంతో నా కాళ్లు కాదు పట్టుకోవాల్సింది.. శృతి కాళ్లు పట్టుకో.. క్షమించు అని అడుగు అంటుంది తులసి. దీంతో శృతి కాళ్లు పట్టుకుంటాడు ప్రేమ్. ఆ తర్వాత శృతి క్షమిస్తుంది. రెండు జంటలకు మళ్లీ ఫస్ట్ నైట్ నిర్వహిద్దామని అంటుంది అనసూయ.

దీంతో కరెక్టే అని అనుకొని వాళ్ల రూమ్ లు డెకరేట్ చేసి శృతి, అంకిత ఇద్దరినీ రెడీ చేస్తారు. ఆ తర్వాత రెండు జంటలు ఏకాంతంగా కాసేపు గడుపుతాయి. రాత్రంతా రెండు జంటలు రొమాన్స్ లో మునిగిపోతాయి. మొత్తానికి మరోసారి రెండు జంటలకు తులసి ఫస్ట్ నైట్ జరిపిస్తుంది. ప్రేమ్, శృతి జంటతో పాటు అభి, అంకిత జంటల మధ్య ఉన్న మనస్పర్థలన్నీ తొలగిపోతాయి. దీంతో రెండు జంటలు ఒక్కటవుతాయి.

కట్ చేస్తే మీ అబ్బాయి జాబ్ వదిలేశాడు అని అనసూయకు ఫోన్ చేసి చెబుతుంది లాస్య. దీంతో అనసూయ షాక్ అవుతుంది. సామ్రాట్ ను రెచ్చగొట్టి నందును అవమానించేలా చేసింది ఆ తులసి అని తులసి మీద లేనిపోనివి కలిపి అనసూయకు చెప్పి తనకు తులసి మీద కోపం వచ్చేలా చేస్తుంది లాస్య.

Intinti Gruhalakshmi :  అనసూయను రెచ్చగొట్టిన లాస్య

పస్తులతో మాడితే కాళ్ల బేరానికి వస్తామని తులసి ఐడియా అనుకుంటా అంటుంది లాస్య. దీంతో ఇంత జరిగినా ఆ తులసి నాకు ఒక్క మాట కూడా చెప్పలేదు అంటుంది అనసూయ. ఇప్పుడు మనమందరం తనకు శత్రువులం అయ్యాం అంటుంది లాస్య.

సామ్రాట్ అండ చూసుకొని తన ఆట తను ఆడుతుంది అంటూ ఇంకా రెచ్చిపోయి మాట్లాడుతుంది లాస్య. దీంతో అనసూయకు చాలా కోపం వస్తుంది. అనసూయను రెచ్చగొట్టి ఫోన్ పెట్టేస్తుంది లాస్య. ఇంతలోనే అత్తయ్య అంటూ తన దగ్గరికి వస్తుంది అనసూయ.

తులసిని కోపంగా చూస్తుంది అనసూయ. దీంతో తులసికి భయం వేస్తుంది. తులసి అప్పుడే ఆఫీసుకు వెళ్లేందుకు రెడీ అయి బయటికి వస్తుంది. లాస్య చెప్పుడు మాటలు విని కోపంతో తులసిని అనసూయ ఏం చేస్తుంది? సామ్రాట్ ఆఫీసుకు వెళ్లొద్దని వారిస్తుందా? లేక.. లాస్య ఇంటికే వెళ్లిపోతుందా.. అనేది తెలియాలంటే తరువాయిభాగం కోసం వెయిట్ చేయాల్సిందే.