Mega 157 Pooja : మెగాస్టార్ చిరంజీవి ఇప్పుడు టాలీవుడ్‌లో బిజీ హీరోగా మారాడు. ఇవాళ ఉగాది శుభముహూర్తాన మెగాస్టార్ చిరంజీవి, యువ దర్శకుడు అనిల్ రావిపూడి కలయికలో కొత్త చిత్రం లాంఛనంగా ప్రారంభమైంది. దీనిపై చిరంజీవి సోషల్ మీడియాలో స్పందించారు. ఈ ఉగాది సందర్భంగా అద్భుతమైన దర్శకుడు అనిల్ రావిపూడి, నిర్మాతలు సాహు గారపాటి, సుస్మిత కొణిదెల బృందంతో ప్రయాణాన్ని ప్రారంభించడం సంతోషంగా ఉందని తెలిపారు.

Mega 157 Pooja క్రేజీ కాంబో..

ఈ సినిమా ప్రారంభోత్సవానికి విచ్చేసిన ప్రియమైన వెంకీ మామా, ఇతర సినీ స్నేహితులందరికీ ధన్యవాదాలు తెలుపుతున్నానని వెల్లడించారు. సంక్రాంతికి రఫ్ఫాడిద్దాం అంటూ తన ట్వీట్ లో పేర్కొన్నారు.సోషియో-ఫాంటసీ విశ్వంభర విడుదలకు రెడీ అవుతుండగా, మెగాస్టార్, బ్లాక్ బస్టర్ హిట్ మెషిన్ అనిల్ రావిపూడితో కలిసి ఒక ఎక్సయిటింగ్ న్యూ ఎంటర్టైనర్ కోసం చేతులు కలిపారు.

8 చిత్రాలకు 8 బ్లాక్ బస్టర్లతో అద్భుతమైన విజయ పరంపరను కొనసాగించిన అనిల్ రావిపూడి..లేటెస్ట్ రిలీజ్ సంక్రాంతికి వస్తున్నాం భారీ విజయాన్ని సాధించడమే కాకుండా, రికార్డులను బద్దలు కొట్టి, 300 కోట్ల గ్రాస్‌ను దాటింది.ఇప్పుడు చిరంజీవితో ఎలాంటి సినిమా చేస్తాడా అని మెగా ఫ్యాన్స్ ఎంతో ఆశ‌గా ఎదురు చూస్తున్నారు. ఈ వేడుకకు విక్టరీ వెంకటేష్ క్లాప్ ఇచ్చారు, అల్లు అరవింద్ కెమెరా స్విచ్చాన్ చేశారు. లెజెండరీ దర్శకుడు కె. రాఘవేంద్రరావు ఫస్ట్ షాట్‌కు దర్శకత్వం వహించారు.