Sudigali Sudheer : అంతా సుడిగాలి సుధీర్ జపమే.. రష్మీని చూడలేకపోయిన జనాలు
Sudigali Sudheer : సుడిగాలి సుధీర్ క్రేజ్, ఫాలోయింగ్ గురించి ప్రత్యేకంగా చెప్పాల్సిన పని లేదు. సుధీర్ అంటే ఓ రేంజ్ డిమాండ్ ఉంటుంది. బుల్లితెరపై తిరుగులేని స్టార్‌గా దూసుకుపోతోన్నాడు. అయితే ఈ మధ్యే సుధీర్ వ్యవహారం కాస్త తేడా కొడుతోంది.మెల్లిమెల్లిగా మల్లెమాలకు దూరంగా జరుగుతున్నాడు. మొదటగా ఢీ నుంచి తప్పుకున్నాడు. ఆ తరువాత కొన్ని రోజులకు ఎక్స్ ట్రా జబర్దస్త్ నుంచి తప్పుకున్నాడు. అయితే సినిమా అవకాశాలు వస్తుండటంతో ఇలా దూరమయ్యాడని అంతా అనుకున్నారు. కానీ ఇంతలోనే స్టార్ మాలో ప్రారంభమైన కొత్త పాటల ప్రోగ్రాంకు హోస్ట్‌గా మారిపోయాడు. దీంతో మల్లెమాలలో విబేధాలు వచ్చాయని అర్థమైంది.
ఇక ఉన్నట్టుండి శ్రీదేవీ డ్రామా కంపెనీ నుంచికూడా బయటకు వచ్చేశాడు. సుధీర్ బయటకు రావడమే కాదు.. ఇంద్రజను కూడా బయటకు పట్టుకొచ్చినట్టు కనిపిస్తోంది. ఇంద్రజ ఇక మొత్తానికి జబర్దస్త్,ఎక్స్ ట్రా జబర్దస్త్ షోకే పరిమితం కానట్టుంది. శ్రీదేవీ డ్రామా కంపెనీకి పూర్ణ వచ్చేసింది. అలా మొత్తానికి ఈ ఆదివారం నాడు ప్రసారమైన షోలో మాత్రం రష్మీ, పూర్ణ కనిపించారు. ఇకపై వారే కనిపించనున్నట్టు తెలుస్తోంది.కానీ సుధీర్ అభిమానులు మాత్రం తెగ హర్ట్ అవుతున్నారు. సుధీర్ లేని షోను మేం చూడలేము.. సుధీరే యాంకర్‌గా రావాలంటూ అభిమానులు కోరుతున్నారు.
Netizen Wants Sudigali Sudheer As Anchor For Sridevi Drama Company
శ్రీదేవీ డ్రామా కంపెనీ ఎపిసోడ్ కింద యూట్యూబ్‌లో సుధీర్ ఫ్యాన్స్ హంగామా చేస్తున్నారు. వీ వాంట్ సుధీర్ అంటూ కామెంట్లు పెడుతున్నారు. మొత్తానికి రష్మీని కూడా జనాలు అంగీకరించడం లేదు. వారికి కేవలం సుధీర్ మాత్రం కావాలనే కోరుతున్నారు. మొత్తానికి సుధీర్ అభిమానులు మాత్రం బాగానే అసంతృప్తిని వ్యక్తం చేస్తున్నారు. మరి సుధీర్ మళ్లీ కమ్ బ్యాక్ ఇవ్వడం అన్నది సాధ్యమేనా? మల్లెమాల టీంతో ఏర్పడిన గ్యాప్ తగ్గేనా? స్టార్ మా వాళ్లు సుధీర్‌ను వదులుతారా?. ఇక మరో వైపు సుధీర్ తన సినిమా మీదే ఫోకస్ పెడతాడు కాబట్టి బుల్లితెరను అంతగా పట్టించుకోడా? అనే అనుమానాలు అయితే వ్యక్తమవుతున్నాయి.
Also read
