Liger Movie : లైగ‌ర్‌ని బాయ్‌కాట్ చేయాలంటూ డిమాండ్.. అంత త‌ప్పు ఏం చేశాడు?

Liger Movie : విజ‌య్ దేవ‌ర‌కొండ చివ‌రిగా వ‌ర‌ల్డ్ ఫేమ‌స్ ల‌వ‌ర్ అనే చిత్రంతో ప్రేక్ష‌కుల‌ని ప‌ల‌క‌రించిన విష‌యం తెలిసిందే. ఈ మూవీ బాక్సాఫీస్ ద‌గ్గ‌ర దారుణంగా నిరాశ‌ప‌రిచింది. ఈ సినిమా త‌ర్వాత తెలుగు ప్రేక్ష‌కుల‌ని ప‌ల‌క‌రించింది లేదు. రౌడీ బాయ్ కొన్నాళ్లుగా లైగ‌ర్ అనే సినిమాతో బిజీగా ఉన్నాడు. ఆగ‌స్ట్ 25న చిత్రం విడుద‌ల కాబోతుంది. మూవీకి సంబంధించి జోరుగా ప్ర‌మోష‌న‌ల్ కార్య‌క్ర‌మాలు సాగుతున్నాయి.ఈ క్ర‌మంలో విజ‌య్ ప‌లు విష‌యాల‌పై ఆస‌క్తికర కామెంట్స్ చేస్తున్నారు. అయితే రిలీజ్‌ డేట్‌ దగ్గరపడుతున్న ఈ సమయంలో లైగర్‌కు బాయ్‌కాట్‌ సెగ తగిలింది. దీనికి కరణ్‌జోహార్‌ ఒక కారణమైతే, విజయ్‌ దేవరకొండ యాటిట్యూడ్‌ మరో కారణంగా తెలుస్తుంది.

Liger Movie : విజ‌య్‌కి ప‌లు స‌మ‌స్య‌లు..

పూరి కనెక్ట్స్‌తో కలిసి కరణ్‌ జోహార్‌ ఈ చిత్రాన్ని నిర్మించడంతో లైగర్‌ బాయ్‌కట్‌ చేయాలంటూ పిలుపునిస్తున్నారు. ఇక మరోవైపు ఓ ఇంటర్వ్యూలో లాల్‌సింగ్‌ చడ్డా బాయ్‌కాట్‌ చేయడంపై విజయ్‌ స్పందిస్తూ.. ఇలా చేయడం వల్ల చాలామంది కార్మికులు నష్టపోతారని కామెంట్స్‌ చేసి అమీర్‌ఖాన్‌కు మద్దతు తెలపడంతో ట్రోలింగ్‌ స్టార్ట్‌ అయ్యింది. అయితే సినిమా రిలీజ్ కు ముందే వాళ్లకు పేమెంట్ ఇచ్చేస్తారు కదా..వాళ్లు నష్టపోయేదేముంది..ఇలా అమీర్ ఖాన్ ని సపోర్ట్ చేయటానికి సంభంధం లేని లాజిక్ లు తీస్తున్నారని కొందరు ఈ పిలుపు ఇస్తున్నారు. ఇదిలా ఉంటే విజయ్ దేవరకొండ టూర్ పూర్తయ్యాక ఇంట్లో పూజలు జరిపించుకున్నారు. ఆ పూజ ఫొటోలు ట్వీట్ చేసారు. అవి చూసిన జనం..పూజ చేయటానకి వచ్చిన ముగ్గురు అర్చకులు నిలబడి ఉంటే విజయ్, హీరోయిన్ మాత్రం సోఫాలో కూర్చున్నారని బోయ్ కాట్ కి పిలుపు ఇస్తున్నారు.

టాలెంటెడ్ హీరో సుశాంత్ సింగ్ రాజ్‌పుత్‌ మరణం తర్వాత ఆయనపై చాలా తీవ్ర విమర్శలు వ్యక్తం అయ్యాయి. స్టార్ హీరోలు, హీరోయిన్లు ఇంకా సినిమా ఇండస్ట్రీకి చెందిన పిల్లల వారసుల్ని ఎంకరేజ్ చేస్తున్నారని ఉత్తరాది ప్రేక్షకులు ఆయన సినిమాలను బాయ్‌కాట్‌ చేయడం స్టార్ట్ చేస్తున్నారు. ‘లైగర్’ సినిమా నిర్మాతల్లో కరణ్ జోహార్ ఒకరు కావడంతో ఈ సినిమాపై ఆగ్రహం వ్యక్తం చేస్తున్నారు. బాయ్‌కాట్‌ చేయమని ట్విట్టర్ సాక్షిగా కూడా పిలుపు ఇస్తున్నారు. ఏదేమైన ప్ర‌స్తుతం బాయ్‌కాట్ లైగ‌ర్ ట్రెండింగ్‌లో ఉంది. దీనిని విజ‌య్ ఎలా సాల్వ్ చేసుకుంటాడో చూడాలి మ‌రి.