Suresh Babu : సురేష్ బాబు చేసిన తప్పు వల్లే ఈ దారుణం జరిగింది ?
Suresh Babu : టాలీవుడ్ లో సురేష్ ప్రొడక్షన్స్ గురించి అందరికీ తెలిసే ఉంటుంది. దగ్గుబాటి రామానాయుడు నిర్మించిన ఈ సంస్థ ఇప్పటికీ సక్సెస్ ఫుల్ గా కొనసాగుతుంది. దగ్గుబాటి ఫ్యామిలీలో ప్రొడ్యూసర్ గా సురేష్ , హీరోగా విక్టరీ వెంకటేష్ సక్సెస్ అయ్యారు. కానీ వారి వారసులు అంతగా సక్సెస్ కాలేకపోయారు. ఇక సురేష్ పెద్ద కొడుకు రానా ఇండస్ట్రీలో స్టార్ హీరోగా సక్సెస్ కాలేకపోయాడు. మిగతా వాళ్లలా కాకుండా సురేష్ తన పెద్ద కొడుకు రానా లాంచింగ్ విషయంలో కొంచెం భిన్నంగా ఆలోచించారు. అతడిని మాస్ హీరోని చేయాలని అనుకోలేదు. శేఖర్ కమ్ముల రూపంలో ట్రెండీ డైరెక్టర్ నే ఎంచుకున్నాడు.
లీడర్ లాంటి కంటెంట్ ఉన్న సినిమాతో కొడుకుని ఇండస్ట్రీకి పరిచయం చేశాడు. మొదటి సినిమాలో రానా బాగా హైలైట్ అయ్యేలా తన క్యారెక్టర్ సాగింది. అలాగే నటనకు కూడా మంచి గుర్తింపు వచ్చింది. ఆ తరువాత వరుస సినిమాలు చేస్తూ బాహుబలి సినిమాతో పాన్ ఇండియా స్థాయిలో గుర్తింపు తెచ్చుకున్నాడు. అయితే సురేష్ చిన్న కొడుకు అభిరామ్ విషయంలో మాత్రం తప్పు జరిగిపోయింది. తేజా లాంటి సీనియర్ డైరెక్టర్ తో అభిరామ్ సినిమా చేయడం చాలా పెద్ద తప్పు. మనకు తెలిసిందే రానా తమ్ముడు అభిరామ్ ఇటీవల ‘ అహింస ‘ సినిమాతో ప్రేక్షకుల ముందుకు వచ్చాడు. ఈ సినిమా భారీ డిజాస్టర్ టాక్ ను సంపాదించుకుంది. ఇక ఈ సినిమాలో అభిరామ్ లుక్స్, పర్ఫామెన్స్ ఏమాత్రం ఆకట్టుకోలేదు.
Suresh Babu big mistake his son Abhiram
అసలే అభిరామ్ వ్యక్తిగత జీవితంలో కొన్ని విషయాల వల్ల అతడి మీద జనాలలో నెగటివ్ అభిప్రాయం ఏర్పడింది. అందులోనూ తన లుక్స్ అంతంత మాత్రం. అలాంటప్పుడు మంచి గెటప్ వేయించి తనం పాత్ర కోసం ఎలివేట్ అయ్యే ట్రెండీ కథ ఎంచుకోవాల్సింది. మొత్తం మీద మొదటి సినిమాకు సంబంధించి తప్పు మీద తప్పు జరిగిపోయి అతడి సినిమాను ప్రేక్షకులను పట్టించుకోవట్లేదు. సినిమా చూసిన వాళ్లు కూడా తీవ్రంగా విమర్శిస్తున్నారు. సురేష్ చేతిలో తరుణ్ భాస్కర్ లాంటి యంగ్ ట్రెండీ డైరెక్టర్స్ ఉన్నప్పటికీ తన చిన్న కొడుకుని తేజ లాంటి పాత డైరెక్టర్ చేతిలో పెట్టడం ఆయన చేసిన పెద్ద తప్పు.