Chiranjeevi : చిరంజీవితో చిందేసే లక్కీ చాన్స్ కొట్టేసిన రష్మి గౌతమ్..!

Chiranjeevi : బుల్లితెరపై ‘జబర్దస్త్’ షోతో మంచి పాపులారిటీ సంపాదించుకున్న యాంకర్ రష్మి గౌతమ్ వెండితెరపైనా మెరిసింది. కెరీర్ స్టార్టింగ్ డేస్‌లో రష్మి గౌతమ్ సిల్వర్ స్క్రీన్‌పైన మెరిసినప్పటికీ తర్వాత బుల్లితెరకే పరిమితమైంది. అయితే, మంచి ఆఫర్ వస్తే మాత్రం వెండితెరపైన కనిపించేందుకు రష్మి గౌతమ్ సిద్ధంగానే ఉంది.‘జబర్దస్త్’ షోతో బాగా పాపులారిటీ సంపాదించుకున్న రష్మి గౌతమ్.. టాప్ యాంకర్‌గా దూసుకుపోతోంది.కాగా, ఈ అందాల ముద్దుగుమ్మకు మెగాస్టార్ చిరంజీవి సినిమాలో చాన్స్ వచ్చిందని సినీ వర్గాల టాక్.

Chiranjeevi : ‘భోళా శంకరుడి’తో రష్మి గౌతమ్ నాట్యం.. !

మెహర్ రమేశ్ డైరెక్షన్‌లో వస్తున్న తమిళ్ సూపర్ హిట్ ఫిల్మ్ ‘వేదాళం’ రీమేక్.. ‘భోళా శంకర్’లో రష్మి గౌతమ్ స్పెషల్ సాంగ్ చేయబోతున్నట్లు తెలుస్తోంది. ఇటీవల ‘భోళా శంకర్’ ఫిల్మ్ షూటింగ్ ప్రారంభమైన సంగతి తెలిసిందే. ఇందులో మెగా‌స్టార్ చిరంజీవికి జోడీగా మిల్కీ బ్యూటీ తమన్నా భాటియా నటిస్తోంది.జనరల్‌గా మెగాస్టార్ సినిమాల్లో చిన్న పాత్ర వస్తే చాలు.. అని భావించే సందర్భంలో యాంకర్ రష్మి గౌతమ్‌కు స్పెషల్ సాంగ్‌లో కనిపించే అవకాశం వచ్చిందన్న వార్త విని చాలా మంది ఆనందం వ్యక్తం చేస్తున్నారు. పైగా ఈ సాంగ్‌ను శేఖర్ మాస్టర్ కొరియోగ్రఫీ చేస్తున్నట్లు సమాచారం.

ఈ సాంగ్‌లో ఫుల్ మాస్ స్టెప్స్ ఉండబోతున్నాయని టాలీవుడ్‌లో టాక్ నడుస్తోంది. చూడాలి మరి.. ఈ వార్తల్లో నిజమెంత ఉందో.. ఈ విషయమై అఫీషియల్ అనౌన్స్‌మెంట్ అయితే రాలేదు. ఇకపోతే మెగాస్టార్ చిరు.. టాలీవుడ్ రీ ఎంట్రీ తర్వాత వరుస సినిమాలు చేస్తున్నారు. కొరటాల శివ డైరెక్షన్‌లో ‘ఆచార్య’ ఫిల్మ్ షూట్ పూర్తి చేసుకున్న చిరంజీవి..ప్రస్తుతం ‘గాడ్ ఫాదర్, భోళాశంకర్’ చిత్రాల షూటింగ్‌లో ప్యారలల్‌గా పాల్గొంటున్నారు. ఈ సినిమాల తర్వాత చిరు బాబీ డైరెక్షన్‌లో ‘మెగా 154’చిత్రంలో నటించనున్నారు. ‘ఆచార్య’ చిత్రంలో మెగాపవర్ స్టార్ రామ్ చరణ్ తేజ్ ‘సిద్ధ’ అనే ఫుల్ లెంగ్త్ రోల్ ప్లే చేశారు. చిరుకు జీడీగా కాజల్ అగర్వాల్ నటించగా, రామ్ చరణ్ సరసన పూజా హెగ్డే నటించింది.