10th New Rules : 10వ తరగతి విద్యార్థులకు గుడ్‌న్యూస్.. మ్యాథ్స్, సైన్స్‌లో ఫెయిలైనా పాస్ అయ్యే ఛాన్స్!
Authored By Ramu Tandu Ramalingaiah
| The Telugu News |
Published on: October 31, 2026, 2:30 pm
10th New Rules పదో తరగతి పరీక్షలంటే చాలామంది విద్యార్థుల్లో ఆందోళన మొదలవుతుంది. ముఖ్యంగా గణితం, సైన్స్‌, సాంఘిక శాస్త్రం వంటి సబ్జెక్టుల్లో మంచి మార్కులు…
10th New Rules : పదో తరగతి పరీక్షలంటే చాలామంది విద్యార్థుల్లో ఆందోళన మొదలవుతుంది. ముఖ్యంగా గణితం, సైన్స్‌, సాంఘిక శాస్త్రం వంటి సబ్జెక్టుల్లో మంచి మార్కులు సాధించలేకపోతే ఏమవుతుందోనన్న భయం ఉంటుంది. ఇలాంటి విద్యార్థులకు ఊరటనిచ్చేలా సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE) కీలక నిర్ణయం తీసుకుంది. 2028 నుంచి పదో తరగతి బోర్డు పరీక్షల విధానంలో కొత్త మార్పులను అమలు చేయనుంది. ఈ విధానం ప్రకారం గణితం, సైన్స్‌, సాంఘిక శాస్త్రం సబ్జెక్టుల్లో ఏదైనా ఒకదానిలో ఫెయిల్ అయినప్పటికీ, అదనంగా ఎంచుకున్న గుర్తింపు పొందిన స్కిల్ సబ్జెక్టులో ఉత్తీర్ణత సాధిస్తే పాస్ అయినట్లుగా పరిగణించే అవకాశం కల్పించనుంది. హైదరాబాద్, అక్టోబర్ 30: సీబీఎస్‌ఈ తీసుకొచ్చిన ఈ కొత్త విధానం 2027-28 విద్యాసంవత్సరం నుంచి అమల్లోకి రానుంది. ఇందులో భాగంగా విద్యార్థులు ఐదు తప్పనిసరి సబ్జెక్టులతోపాటు అదనంగా ఒక నైపుణ్య ఆధారిత సబ్జెక్టును కూడా ఎంచుకోవచ్చు. ఈ మార్పులపై సీబీఎస్‌ఈ అక్టోబర్ 29న స్పష్టత ఇచ్చింది. అయితే ఈ వెసులుబాటు అన్ని సబ్జెక్టులకు వర్తించదు. బోర్డు గుర్తించిన స్కిల్ సబ్జెక్టుల్లో పరీక్ష రాసి ఉత్తీర్ణులైన విద్యార్థులకు మాత్రమే ఈ అవకాశం అందుబాటులో ఉంటుంది. ప్రస్తుతం తొమ్మిదో తరగతి చదువుతున్న విద్యార్థులకు ఈ కొత్త నిబంధనలు ఎలా ఉపయోగపడతాయో తెలుసుకుందాం.
10th New Rules : 10వ తరగతి విద్యార్థులకు గుడ్‌న్యూస్.. మ్యాథ్స్, సైన్స్‌లో ఫెయిలైనా పాస్ అయ్యే ఛాన్స్!
10th New Rules స్కిల్ సబ్జెక్టులో పాస్ అయితే.. ప్రధాన సబ్జెక్టులో ఫెయిలైనా ఉత్తీర్ణత!
కొత్త విధానం ప్రకారం పదో తరగతి విద్యార్థులు రెండు భాషలు, గణితం, సైన్స్‌, సాంఘిక శాస్త్రం కలిపి మొత్తం ఐదు తప్పనిసరి సబ్జెక్టులకు బోర్డు పరీక్షలు రాయాల్సి ఉంటుంది. అయితే విద్యార్థులు మొత్తం తొమ్మిది తప్పనిసరి పాఠ్యాంశాలను అభ్యసించాలి. వీటిలో మూడో భాష, కళా విద్య, శారీరక విద్య, ఆరోగ్యం, వృత్తి విద్య వంటి అంశాలు కూడా ఉంటాయి. అంటే ఐదు సబ్జెక్టులకు బోర్డు పరీక్షలు రాసినప్పటికీ, పాఠశాల స్థాయిలో చదవాల్సిన మొత్తం పాఠ్యాంశాల సంఖ్య తొమ్మిదిగా ఉంటుంది. ఈ విధానంలో ముఖ్యమైన మార్పు ఏమిటంటే.. గణితం, సైన్స్‌, సాంఘిక శాస్త్రం వంటి ప్రధాన సబ్జెక్టుల్లో ఏదైనా ఒకదానిలో విద్యార్థి ఫెయిల్ అయితే, అదనంగా ఎంచుకున్న స్కిల్ సబ్జెక్టులో ఉత్తీర్ణత సాధించడం ద్వారా పాస్ అయ్యే అవకాశం ఉంటుంది. అయితే ఈ నిబంధన సీబీఎస్‌ఈ గుర్తించిన నైపుణ్య ఆధారిత సబ్జెక్టులకు మాత్రమే వర్తిస్తుంది. కౌశల్ వికాస్ సబ్జెక్టును ఎంచుకున్న విద్యార్థులకు మాత్రం ఈ వెసులుబాటు ఉండదు. అందువల్ల విద్యార్థులు అదనపు సబ్జెక్టును ఎంపిక చేసుకునే సమయంలో ఈ నిబంధనను గుర్తుంచుకోవాలి.వృత్తి విద్యను తప్పనిసరి పాఠ్యాంశంగా కొనసాగించనున్న సీబీఎస్‌ఈ.. విద్యార్థులకు రెండు రకాల మార్గాలను అందుబాటులో ఉంచింది. మొదటి మార్గం కౌశల్ వికాస్. ఈ సబ్జెక్టును ఎంచుకున్న విద్యార్థులకు పాఠశాల స్థాయిలోనే అంతర్గత మూల్యాంకనం నిర్వహిస్తారు. అందులో కనీసం 33 శాతం మార్కులు సాధిస్తే పాఠశాల ధ్రువీకరణ పత్రాన్ని అందజేస్తారు. అయితే కౌశల్ వికాస్‌లో ఉత్తీర్ణత సాధించడం ద్వారా ప్రధాన సబ్జెక్టులో ఫెయిలైన విద్యార్థికి పాస్ అయ్యే వెసులుబాటు లభించదని బోర్డు స్పష్టం చేసింది.
రెండో మార్గంలో భాగంగా సీబీఎస్‌ఈ నోటిఫై చేసిన 22 నైపుణ్య ఆధారిత సబ్జెక్టుల్లో విద్యార్థులు తమకు నచ్చిన ఒకదాన్ని ఎంచుకోవచ్చు. ఈ జాబితాలో ఆర్టిఫిషియల్ ఇంటెలిజెన్స్ (AI), డేటా సైన్స్‌, ఇన్ఫర్మేషన్ టెక్నాలజీ (IT), ఫైనాన్షియల్ మార్కెట్స్‌, హెల్త్‌కేర్ వంటి సబ్జెక్టులు ఉన్నాయి. వీటిలో ఏదైనా ఒకదాన్ని ఎంచుకున్న విద్యార్థులు పదో తరగతిలో సంబంధిత బోర్డు పరీక్షకు హాజరై ఉత్తీర్ణత సాధించాల్సి ఉంటుంది. పరీక్షలో వచ్చిన మార్కులు, గ్రేడ్లను మార్కుల జాబితాలో నమోదు చేస్తారు. అంతేకాకుండా నేషనల్ స్కిల్స్ క్వాలిఫికేషన్స్ ఫ్రేమ్‌వర్క్ (NSQF) కింద నైపుణ్య ధ్రువీకరణ పత్రాన్ని కూడా అందజేస్తారు.ఈ మార్పులతోపాటు 2026-27 విద్యాసంవత్సరంలో తొమ్మిదో తరగతి చదువుతున్న విద్యార్థుల పాఠ్య ప్రణాళికలోనూ కొన్ని మార్పులు ఉంటాయని సీబీఎస్‌ఈ వెల్లడించింది. ఇందులో భాగంగా ‘ఇండివిడ్యూవల్స్ ఇన్ సొసైటీ’ అనే అంతరశాస్త్ర పాఠ్యాంశం, కంప్యూటేషనల్ థింకింగ్, ఆర్టిఫిషియల్ ఇంటెలిజెన్స్ మాడ్యూళ్లు ఉండవని స్పష్టం చేసింది. అలాగే 2027-28 విద్యాసంవత్సరంలో పదో తరగతి చదివే ఈ బ్యాచ్ విద్యార్థులకు ఎన్విరాన్‌మెంటల్ ఎడ్యుకేషన్ కూడా వర్తించదు. ఈ విధంగా కొత్త పరీక్షా విధానంతోపాటు పాఠ్య ప్రణాళికలోనూ మార్పులు తీసుకొస్తోంది.
Also Read : Telangana Weather : తెలంగాణ ప్రజలకు గుడ్‌న్యూస్.. హైదరాబాద్ సహా పలు జిల్లాల్లో వర్షాలు..!
10th New Rules 2028లో పదో తరగతి పరీక్షలు రాసేవారికే కొత్త నిబంధనలు!
సీబీఎస్‌ఈ ప్రకటించిన కొత్త మార్పులు అందరికీ వర్తించవు. ప్రస్తుతం అంటే 2026-27 విద్యాసంవత్సరంలో తొమ్మిదో తరగతి చదువుతున్న విద్యార్థులు మాత్రమే ఈ విధానం పరిధిలోకి వస్తారు. వీరు 2027-28 విద్యాసంవత్సరంలో పదో తరగతికి చేరుకుని, 2028లో బోర్డు పరీక్షలు రాయనున్నారు. కాబట్టి ఈ బ్యాచ్ విద్యార్థులకే కొత్త స్కిల్ సబ్జెక్టు నిబంధనలు వర్తిస్తాయి. ప్రస్తుతం పదో తరగతి చదువుతున్న విద్యార్థులకు మాత్రం ఈ మార్పులతో ఎలాంటి సంబంధం ఉండదని సీబీఎస్‌ఈ స్పష్టం చేసింది.విద్యార్థులపై పరీక్షల ఒత్తిడిని తగ్గించడం, సాధారణ విద్యతోపాటు వృత్తి నైపుణ్యాలను పెంపొందించడం ఈ మార్పుల ప్రధాన ఉద్దేశమని బోర్డు వర్గాలు తెలిపాయి. కేవలం పుస్తక పరిజ్ఞానానికే పరిమితం కాకుండా, భవిష్యత్తులో ఉద్యోగాలు, ఇతర రంగాల్లో ఉపయోగపడే నైపుణ్యాలను కూడా విద్యార్థులు నేర్చుకునేలా ఈ విధానం రూపొందించినట్లు వెల్లడించింది. మొత్తంగా 2028 నుంచి అమల్లోకి రానున్న కొత్త నిబంధనలు పదో తరగతి విద్యార్థులకు అదనపు అవకాశాలను కల్పించనున్నాయి. ముఖ్యంగా ప్రధాన సబ్జెక్టుల్లో ఒకదానిలో వెనుకబడిన విద్యార్థులకు గుర్తింపు పొందిన స్కిల్ సబ్జెక్టు ద్వారా ఉత్తీర్ణత సాధించే అవకాశం లభించనుంది.CBSE Class 10, CBSE Board Exam 2028, CBSE New Rules, Skill Based Education, Class 10 Exam Updates
Also read
