Cheyutha Pension : తెలంగాణ చేయూత పింఛన్లపై గుడ్‌న్యూస్.. వారికి వెంటనే పెన్షన్ !
Authored By Ramu Tandu Ramalingaiah
| The Telugu News |
Published on: October 31, 2026, 12:06 pm
Cheyutha Pension - తెలంగాణ ప్రభుత్వం చేయూత పింఛన్లకు సంబంధించి కీలక నిర్ణయం తీసుకుంది. పింఛన్లు పొందుతున్న వారి కుటుంబాలకు ఊరటనిచ్చేలా కొత్త విధానాన్ని అమల్లోకి…
Cheyutha Pension : తెలంగాణ ప్రభుత్వం చేయూత పింఛన్లకు సంబంధించి కీలక నిర్ణయం తీసుకుంది. పింఛన్లు పొందుతున్న వారి కుటుంబాలకు ఊరటనిచ్చేలా కొత్త విధానాన్ని అమల్లోకి తీసుకురావాలని ఆదేశించింది. ముఖ్యంగా చేయూత పింఛను పొందుతున్న భర్త మరణిస్తే, ఆయన భార్యకు ఏమాత్రం ఆలస్యం చేయకుండా వెంటనే పింఛను మంజూరు చేయాలని నిర్ణయించింది. దీంతో ఇప్పటివరకు భర్త మరణించిన తర్వాత పింఛను కోసం ఎదురుచూడాల్సి వస్తున్న మహిళలకు ఉపశమనం కలగనుంది. మరోవైపు కొత్త చేయూత పింఛన్ల కోసం చాలా కాలంగా అర్హులైన లబ్ధిదారులు ఎదురుచూస్తున్నారు. ప్రభుత్వం ఇప్పటికే దరఖాస్తులను స్వీకరించి, వాటిలో అర్హులను గుర్తించే ప్రక్రియ చేపట్టింది. దసరా నుంచే కొత్త పింఛన్లు మంజూరు చేస్తారని చాలామంది ఆశించారు. ఈ నేపథ్యంలో ప్రభుత్వం తాజాగా చేయూత పింఛన్లపై కీలక ప్రకటన చేసింది. అయితే ఈ నిర్ణయం ముఖ్యంగా ఇప్పటికే పింఛను పొందుతున్న వ్యక్తి మరణించినప్పుడు ఆయన భార్యకు తక్షణమే పింఛను మంజూరు చేసే విధానానికి సంబంధించింది.
Cheyutha Pension : తెలంగాణ చేయూత పింఛన్లపై గుడ్‌న్యూస్.. వారికి వెంటనే పెన్షన్ !
Cheyutha Pension భర్త మరణిస్తే భార్యకు ఇన్‌స్టంట్ చేయూత పింఛను
చేయూత పింఛను పొందుతున్న భర్త మరణిస్తే, ఆయన స్థానంలో భార్యకు వెంటనే పింఛను మంజూరు చేయాలని ప్రభుత్వం అధికారులను ఆదేశించింది. గతంలో వృద్ధాప్య పింఛను పొందుతున్న వ్యక్తి మరణించినప్పుడు మాత్రమే ఆయన భార్యకు తక్షణమే పింఛను బదిలీ చేసే విధానం అమల్లో ఉండేది. ఇప్పుడు అదే విధానాన్ని ఇతర చేయూత పింఛను కేటగిరీలకు కూడా విస్తరించాలని నిర్ణయించారు. తాజా నిర్ణయం ప్రకారం దివ్యాంగులు, గీత కార్మికులు, చేనేత కార్మికులు, డయాలసిస్ రోగులు, హెచ్‌ఐపీ, ఫైలేరియా కేటగిరీలకు చెందిన పింఛనుదారులకూ ఈ సదుపాయం వర్తించనుంది. ఈ కేటగిరీల్లో పింఛను పొందుతున్న భర్త మరణిస్తే, ఆయన భార్యకు ఎలాంటి అనవసర జాప్యం లేకుండా పింఛను మంజూరు చేయాలని స్పష్టం చేశారు. ఈ మేరకు రాష్ట్ర పంచాయతీరాజ్, గ్రామీణాభివృద్ధి శాఖ అధికారిక ఉత్తర్వులు జారీ చేసింది. పింఛనుదారులు మరణించిన తర్వాత వారి భార్యలు ఆర్థికంగా తీవ్ర ఇబ్బందులు ఎదుర్కొంటున్న విషయాన్ని పంచాయతీరాజ్ శాఖ మంత్రి సీతక్క దృష్టికి తీసుకెళ్లారు. ఈ సమస్యను పరిగణనలోకి తీసుకున్న మంత్రి, నిబంధనల్లో వెంటనే మార్పులు చేసి బాధిత మహిళలకు ఊరట కల్పించేలా చర్యలు తీసుకోవాలని సూచించారు. దీంతో ప్రభుత్వం తాజా నిర్ణయం తీసుకుంది.
Also Read : Gold Price : దీపావళికి ముందే భారీ ఊరట.. రూ.50,000 తగ్గిన బంగారం ధరలు..!
Cheyutha Pension భార్య వయస్సును బట్టి పింఛను కేటగిరీ.. ఎక్కడ దరఖాస్తు చేయాలి?
భర్త మరణించిన సమయంలో భార్య వయస్సు ఎంత ఉందనే అంశం ఆధారంగా ఆమెకు ఏ కేటగిరీలో పింఛను మంజూరు చేయాలనేది నిర్ణయిస్తారు. భర్త చనిపోయేనాటికి భార్య వయస్సు 57 సంవత్సరాల కంటే తక్కువగా ఉంటే ఆమెకు వితంతు పింఛను మంజూరు చేస్తారు. ఒకవేళ ఆమె వయస్సు 57 సంవత్సరాలు లేదా అంతకంటే ఎక్కువగా ఉంటే వృద్ధాప్య పింఛను కింద క్రమం తప్పకుండా ఆర్థిక సాయం అందిస్తారు. ఈ విధానాన్ని అధికారులు స్పష్టం చేశారు. ఇక దరఖాస్తు చేసుకునే విధానం కూడా ప్రభుత్వం వెల్లడించింది. గ్రామీణ ప్రాంతాల్లో నివసించే మహిళలు తమ పరిధిలోని గ్రామ పంచాయతీ కార్యదర్శికి దరఖాస్తు సమర్పించాలి. పట్టణ ప్రాంతాల్లోని మున్సిపాలిటీలు, కార్పొరేషన్ల పరిధిలో నివసించే వారు సంబంధిత బిల్ కలెక్టర్‌కు తమ అప్లికేషన్ అందజేయాల్సి ఉంటుంది. మొత్తంగా చేయూత పింఛను పొందుతున్న భర్త మరణించినప్పుడు ఆయన భార్యకువెంటనే పింఛను మంజూరు చేసేలా ప్రభుత్వం నిబంధనలను విస్తరించింది. వృద్ధాప్య పింఛన్లకే పరిమితమైన ఈ వెసులుబాటును ఇతర కేటగిరీలకు కూడా వర్తింపజేయడంతో పింఛనుదారుల కుటుంబాలకు ఆర్థిక భరోసా కలగనుంది. Telangana Cheyutha Pension, Cheyutha Pension Latest News, Telangana Pension Rules, Widow Pension Telangana, Instant Pension Sanction
Also read
