Bigg Boss Telugu 7 : మీరంతా బఫూన్స్.. కంటెస్టెంట్లపై విరుచుకుపడ్డ రతిక.. మాయాస్త్ర టాస్క్‌ పూర్తి కాకుండా రచ్చ రచ్చ చేసిన రతిక

Bigg Boss Telugu 7 : రతిక రతిక రతిక.. వామ్మో ఈ అమ్మాయి మామూలు పిల్ల కాదు. డేర్ అండ్ డాషింగ్. హౌస్ మొత్తం ఒకవైపు.. తన ఇంకో వైపు అన్నట్టుగా చేస్తోంది. ప్రతి ఒక్కరిపై నేరుగానే మాటలు అంటోంది. ఏమాత్రం భయపడటం లేదు. మహాబలిలో టీమ్ లో తను టీమ్ మెంబర్. నిజానికి ఆ టీమ్ ఓడిపోయింది. అయితే.. మాయాస్త్ర టాస్క్ లో భాగంగా బిగ్ బాస్ మరో టాస్క్ ఇస్తాడు. రణధీర టీమ్ మెంబర్స్ దగ్గర మాయాస్త్రలోని 5 భాగాలు ఉంటాయి. అయితే.. రెండో పవరాస్త్ర కోసం ఈ టాస్క్ జరుగుతోంది. రెండో పవరాస్త్ర పొందిన ఒక వ్యక్తికి నాలుగు వారాల ఇమ్యూనిటీ లభిస్తుందని.. ఇప్పుడు ఆ రెండో పవరాస్త్ర సాధించే వాళ్లలో రణధీర టీమ్ వాళ్లే అర్హులు అని చెబుతాడు బిగ్ బాస్.

అయితే.. రణధీర టీమ్ లో ఉన్నవాళ్లలో మాయాస్త్ర భాగాలు ఎవరి దగ్గర ఎక్కువ ఉంటాయో వాళ్లే రెండో పవరాస్త్ర కోసం పోరాడుతారు అని చెబుతాడు బిగ్ బాస్. అయితే.. మహాబలి టీమ్ లో ఉన్నవాళ్లు ఒకరి దగ్గర ఉన్న మాయాస్త్ర భాగాన్ని తీసుకొని ఇంకొకరికి ఇవ్వాలి. అలా.. చివర్లో ఏ ఇద్దరి దగ్గర ఎక్కువ మాయాస్త్రాలు ఉంటే వాళ్లే రెండో పవరాస్త్ర కోసం పోటీ పడతారు అని చెబుతాడు. ఇదంతా పక్కన పెడితే ఎవరికి మాయాస్త్రాలు ఇవ్వాలి అనే దానిపై మహాబలి టీమ్ లో గొడవలు జరుగుతాయి. రతిక, దామిని మధ్య పెద్ద చర్చ నడుస్తుంది. రతిక చివర్లో వెళ్లి ఇస్తానని మొండి పట్టు పట్టుకుంటుంది. ముందు శుభశ్రీ, ఆ తర్వాత ప్రశాంత్ వెళ్తారు. శుభశ్రీ.. శోభా నుంచి తీసుకొని ప్రిన్స్ కు ఇస్తుంది. ఆ తర్వాత రెండో సారి వెళ్లిన ప్రశాంత్.. అమర్ దీప్ నుంచి తీసుకొని శివాజీకి ఇస్తాడు. ఇక మూడో వ్యక్తిగా వెళ్లాలంటూ రతికకు టీమ్ మెంబర్స్ చెప్పినా కూడా రతిక వినదు. అస్సలు వెళ్లను అంటుంది. అది తన సీక్రెట్ టాస్క్ కావచ్చు కానీ.. తను మాత్రం చివర్లోనే వెళ్తా అని మొండి పట్టు పట్టుకుంటుంది.

Bigg Boss Telugu 7 : చెండాలం, మా టీమ్ లో వాళ్లంతా బఫూన్స్ అనేసిన రతిక

మూడో ప్లేస్ లో రతికను వెళ్లాలని.. నాలుగు, ఐదో ప్లేసుల్లో తేజ, గౌతమ్ వెళ్తా అని చెబుతాడు. కానీ.. రతిక అస్సలు వినదు. అస్సలు పోనంటే పోను.. చివర్లోనే వెళ్తా అంటుంది. ఇక ఈమెతో గొడవ ఎందుకు అని మూడో ప్లేస్ లో వెళ్తుంది. ప్రియాంక నుంచి తీసుకొని షకీలాకు ఇచ్చేస్తుంది దామిని. ఆ తర్వాత నాలుగు, ఐదో ప్లేస్ గురించి గొడవ జరుగుతుంది. అయినా కూడా వెళ్లను అంటుంది. రతిక, తేజ, గౌతమ్ ఈ ముగ్గురు ఎవరు కూడా నాలుగో ప్లేస్ లో వెళ్లడానికి ఇష్టపడకపోవడంతో టైమ్ అయిపోతుంది. దీంతో బిగ్ బాస్ మహాబలి టీమ్ ను పక్కకు తప్పించే ఆ నిర్ణయం రణధీర టీమ్ తీసుకోవాలని చెబుతాడు. అంతకుముందే నాకు ఈ టీమ్ లో ఉండాలని లేదు. మీరంతా బఫూన్స్, చెండాలం. అసలు వీళ్లంతా బఫూన్స్ అంటూ రతిక రెచ్చిపోతుంది. ఇక.. బిగ్ బాస్ కూడా చివరకు టైమ్ వేస్ట్ కాకుండా రణధీర టీమ్ నే డిసైడ్ చేసుకోవాలని చెప్పడంతో అమర్ దీప్, శోభాశెట్టికి కోపం వస్తుంది. ఎందుకంటే.. వాళ్లు పవరాస్త్ర పోటీ నుంచి తప్పుకోవడంతో అమర్ దీప్ ఏడ్చేస్తాడు. రతిక మీద అరిచేస్తాడు.