Samantha : సమంత కొటేషన్ ఉద్దేశ్యం ఏంటి?.. మంచిదాన్ని అని చెప్పుకుంటోందా?

Samantha : సమంత ప్రస్తుతం ఎంత బిజీగా ఉన్నా కూడా సోషల్ మీడియాను మాత్రం వదలదు. నిత్యం ఏదో ఒక పోస్ట్ చేస్తూనే ఉంటుంది. తనలోని భావాలను, తాను చెప్పదలుచుకున్న విషయాలను ఇలా ఏదో ఒక కొటేషన్ రూపంలో షేర్ చేస్తుంటుంది. గత ఏడాది విడాకులు తీసుకున్న సంగతి తెలిసిందే. ఆ సమయంలోనూ ఇలా పరోక్షంగా ఏవేవో కొటేషన్లు షేర్ చేస్తూ వచ్చేది. ప్రేమ, మోసం అంటూ రకరకాల కొటేషన్లను షేర్ చేసింది. వాటిని సమంత మూడ్ ఏంటో అర్థమయ్యేది.

అసలు సమంత చెప్పదలుచుకున్న సంగతులేంటో తెలిసేది. అయితే సమంత విడాకుల అనంతరం మాత్రం ఎదుటి వాళ్లకు గట్టిగా గుచ్చుకునేలా సెటైర్లు వేసేలా కొటేషన్లు షేర్ చేస్తూ ఉండేది. తాజాగా మరో కొటేషన్ షేర్ చేసింది. ఇందులో సమంత తనది తాను మంచిదాన్ని అని చెప్పుకున్నట్టుగా ఉంది. మనం ఎదుటివారిలో మంచిదనాన్ని ఎందుకు చూస్తామంటే.. మనలో మంచిదనం ఉంది కాబట్టి అంటూ ఓ ఆంగ్ల కొటేషన్‌ను షేర్ చేసింది.

Samantha Quotes About Goodness And Beauty

దీన్ని బట్టి సమంత తనలో మంచితనం ఉంది కాబట్టే.. ఎదుటివారిలోని మంచిని గుర్తిస్తున్నాను అని చెప్పినట్టుగా ఉంది. మొత్తానికి సమంత కొటేషన్లు మాత్రం ఓ పట్టాన అంతు పట్టవు. ఎప్పుడు ఎందుకు ఎలాంటి కొటేషన్లు పెడుతుందో చెప్పలేం. ఇక సమంత ప్రస్తుతం శాకుంతలం, యశోద, ఖుషి వంటి సినిమాలతో ఫుల్ బిజీగా ఉంది. ఇక బాలీవుడ్ ప్రాజెక్ట్ అయితే ఇంత వరకు ఓకే కాలేదు. వాటికోసమే సమంత తెగ ప్రయత్నాలు చేస్తోంది.