Sarkaru Vaari Paata : స‌ర్కారు వారి పాట సినిమాకి భారీ ఓటీటీ డీల్… ఎందులో స్ట్రీమింగ్ అంటే..!

Sarkaru Vaari Paata : సరిలేరు నీకెవ్వరు తర్వాత మహేష్ బాబు హీరోగా నటించిన మూవీ ‘సర్కారు వారి పాట’. పరశురామ్ దర్శకత్వం వహించిన ఈ సినిమాపై ట్రేడ్‌లో భారీ అంచనాలే ఉన్నాయి. మైత్రి మూవీ మేకర్స్ 14 రీల్స్ సంయుక్తంగా నిర్మించిన ఈ సినిమాకు మహేష్ బాబు జిఎంబి ప్రొడక్షన్స్ కూడా సహ నిర్మాతగా వ్యవహరించడం జరిగింది. అయితే ఈ సినిమా విడుదలైన మొదటి రోజు నుండే పాజిటివ్ టాక్ తో ముందుకు సాగుతోంది. సర్కారు వారి పాట మహేష్ బాబు కెరీర్ లోనే అత్యధిక థియేటర్స్ లో విడుదలైన సినిమాగా నిలిచింది. ఇక ఈ సినిమా ప్రీమియర్ షోల నుంచి కాస్త భిన్నమైన టాక్ ను అందుకుంది.

ఈ సినిమా కోసం మహేష్ బాబు అభిమానులు గత ఏడాది నుంచి ఎంతో ఆతృతగా ఎదురుచూస్తున్నారు. ఇక మొత్తానికి ఒక విధంగా పాజిటివ్ టాక్ రావడంతో ఘట్టమనేని అభిమానులు అయితే సంబరాలు చేసుకుంటున్నారు..కాగా ఈ సినిమాకు సంబంధించి తాజాగా ఓ ఇంట్రెస్టింగ్ వార్త సోషల్ మీడియాలో చక్కర్లు కొడుతోంది. ఈ సినిమా ఓటీటీ హక్కులను ప్రముఖ ఓటీటీ ప్లాట్‌ఫాం అమెజాన్ ప్రైమ్ వీడియో సొంతం చేసుకున్నట్లు తెలుస్తోంది. ఈ సినిమా హక్కులను భారీ రేటుకు అమెజాన్ ప్రైమ్ వీడియో దక్కించుకుందని చిత్ర వర్గాల్లో టాక్ వినిపిస్తోంది. అంతేగాక ఈ సినిమా రిజల్ట్‌ను బట్టి ఓటీటీ స్ట్రీమింగ్ ఉండబోతుందని వారు చిత్ర యూనిట్‌తో ఒప్పందం చేసుకున్నారట.

Sarkaru Vaari Paata huge ott deal

Sarkaru Varri Paata : ఓటీటీ భారీ డీల్..

‘సర్కారు వారి పాట’ సినిమాకు సంబంధించిన ఓటీటీ రైట్స్‌ను ప్రైమ్ దాదాపు రూ. 50 కోట్లకు కొనుగోలు చేసినట్టు సమాచారం. కేవలం తెలుగుకే కాకుండా.. హిందీ మిగతా భాషల్లో ఈ సినిమా డబ్ చేసి స్ట్రీమింగ్ చేయాలనే ఆలోచనతోనే ఇంత భారీ మొత్తంలో అమెజాన్ ప్రైమ్ ఈ సినిమాను కొనుగోలు చేసినట్టు సమాచారం. ఇక ఈ సినిమా చూసిన ప్రముఖ దర్శకుడు కే.రాఘవేంద్రరావుతో పాటు మా అధ్యక్షుడు మంచు విష్ణు పాటు నేత విజయ సాయి రెడ్డి ఈ సినిమాపై ప్రశంసల జ‌ల్లు కురిపిస్తున్నారు. ఈ సినిమా థియేటర్‌లో విడుదలైన నాలుగు వారాలకు అంటే జూన్ 10న స్ట్రీమింగ్ కానుందని అంటున్నారు. అయితే ఈ విషయంలో అధికారిక ప్రకటన చేయనున్నారు. .