Serial Actress Nakshathra : బ‌స్సులో అస‌భ్య ప్ర‌వ‌ర్త‌న‌.. ముఖ్య‌మంత్రుల‌ని ట్యాగ్ చేస్తూ…

Serial Actress Nakshathra : సాధార‌ణంగా బ‌స్సులో రాత్రి ప్ర‌యాణాలు మ‌హిళ‌ల‌కు కాస్త ఇబ్బందిక‌ర‌మే. అంద‌రు ప‌డుకున్న త‌ర్వాత కొంద‌రు ఆక‌తాయిలు ప‌క్క‌న కూర్చున్న మ‌హిళ‌ల‌తో అస‌భ్యంగా ప్ర‌వ‌ర్తిస్తూ ఉంటారు. కొంద‌రు త‌మ బాధ‌ల‌ని ఓపెన్‌గా చెప్పుకున్నా, మ‌రి కొంద‌రికి చెప్పుకోలేని ప‌రిస్థితి ఉంటుంది. అయితే తాజాగా బుల్లితెర సీరియల్ నటి సోదరిపై ఓ బస్సు డ్రైవర్ అసభ్యంగా ప్రవర్తించాడు. బస్సులో ప్రయాణం చేస్తున్న ఆమె పట్ల అందరు నిద్రపోయాకా అసభ్యంకగా తాకాడు. ఈవిషయాన్ని సోషల్ మీడియా ద్వారా తెలియజేస్తూ రెండు రాష్ట్రాల ముఖ్యమంత్రులను ట్యాగ్ చేసింది. వివరాల్లోకెలితే.. మలయాళ బుల్లితెరపై పలు సీరియల్లలో నటించి తనకంటూ ప్రత్యేక గుర్తింపు తెచ్చుకుంది నటి నక్షత్ర. వల్లి తిరుమనం, యారది నీ మోహని వంటి సీరియల్స్ ద్వారా టెలివిజన్ ఆడియన్స్ కు చేరువయ్యింది. ఇటీవల ఆమె సోదరి చెన్నై నుంచి కేరళలోని తమ స్వస్థలం అలువా వెళ్లేందుకు ఓ ప్రైవేటు బస్సు ఎక్కింది.

Serial Actress Nakshathra : న‌క్ష‌త్ర ఫైర్..

అర్ధరాత్రి అందరూ నిద్రలోకి జారుకున్న సమయంలో బస్సులో ఉన్న రెండో డ్రైవర్‌ ఆమెను అసభ్యంగా తాకాడు. వెంటనే తేరుకున్న ఆమె ఏం చేస్తున్నావని నిలదీయగా పొరపాటున చేయి తగిలిందంటూ తప్పును కప్పి పుచ్చే ప్రయత్నం చేశాడు. కానీ అతడు కావాలనే తప్పుగా ప్రవర్తించాడని అర్థమైన నక్షత్ర సోదరి బస్సులో ఉన్న మిగతా ప్రయాణిలకు జరిగిన విషయాన్ని చెప్పింది. దీంతో అక్కడి కొందరు ప్రయాణికులు సైతం తమతోనూ అతడు అలాగే ప్రవర్తించాడని ఆరోపించారు. తన చెల్లిని లైంగిక వేధింపులకు గురిచేసిన వ్యక్తి ఫొటోను షేర్‌ చేస్తూ నక్షత్ర ఇన్‌స్టాగ్రామ్‌లో స్టోరీ పెట్టింది. ఆ బస్సు డ్రైవర్‌పై చర్యలు తీసుకోవాలంటూ తమిళనాడు ముఖ్యమంత్రి ఎంకే స్టాలిన్‌, కేరళ సీఎం పినరయ్‌ విజయన్‌లను ట్యాగ్‌ చేసింది.

నక్షత్రకు మద్దతుగా సోషల్ మీడియాలో నెటిజన్స్ కామెంట్స్ చేస్తున్నారు. మహిళల పట్ల అసభ్యంగా ప్రవర్తించేవారి పట్ల చర్యలు తీసుకోవాలని కోరుతున్నారు. వల్లి తిరుమనం, యారది నీ మోహని వంటి సీరియల్స్ లో ఈమె త‌న న‌ట‌న‌తో ఎంత‌గానో మెప్పించింది. సోష‌ల్ మీడియాలోను చాలా యాక్టివ్‌గా ఉండే ఈమె ఎప్ప‌టిక‌ప్పుడు త‌న బాధ‌ల‌ను వ్య‌క్త ప‌రుస్తూ ఉంటుంది. అలానే త‌న ప్రాజెక్ట్ సంగ‌తుల‌ని కూడా షేర్ చేస్తుంటుంది. తాజాగా షేర్ చేసిన విష‌యంతో న‌క్ష‌త్ర ఒక్క‌సారిగా అంద‌రి దృష్టిని ఆకర్షించింది.