Toxic Movie Advance Booking : రిలీజ్కు ముందే యశ్ ఊచకోత.. రూ.50 కోట్లకు పైగా వసూళ్లు!
Authored By Ramu Tandu Ramalingaiah
| The Telugu News | Updated on :
25 August 2026,
1:00 pm 
Toxic Movie Advance Booking కన్నడ రాక్స్టార్ యశ్ హీరోగా, గీతూ మోహన్దాస్ దర్శకత్వంలో తెరకెక్కిన భారీ యాక్షన్ మూవీ **‘టాక్సిక్’**పై అంచనాలు రోజురోజుకూ పెరుగుతున్నాయి. ‘కేజీఎఫ్’ సిరీస్ తర్వాత యశ్ చాలా కాలం గ్యాప్
Toxic Movie Advance Booking : కన్నడ రాక్స్టార్ యశ్ హీరోగా, గీతూ మోహన్దాస్ దర్శకత్వంలో తెరకెక్కిన భారీ యాక్షన్ మూవీ **‘టాక్సిక్’**పై అంచనాలు రోజురోజుకూ పెరుగుతున్నాయి. ‘కేజీఎఫ్’ సిరీస్ తర్వాత యశ్ చాలా కాలం గ్యాప్ తీసుకుని చేస్తున్న సినిమా కావడంతో ఈ మూవీపై కర్ణాటకలోనే కాకుండా దేశవ్యాప్తంగా భారీ హైప్ నెలకొంది. ఎన్నో వాయిదాల తర్వాత ఎట్టకేలకు ఈ నెల 26న తెలుగు, తమిళ, కన్నడ, హిందీ, ఇంగ్లీష్, మలయాళ భాషల్లో ప్రపంచవ్యాప్తంగా విడుదలకు సిద్ధమైంది. టాక్సిక్కు అడ్వాన్స్ బుకింగ్స్ ఇప్పటికే ఓపెన్ అయ్యాయి. బుకింగ్ ప్రారంభమైనప్పటి నుంచి పలు ప్రాంతాల్లో టికెట్లు హాట్ కేకుల్లా అమ్ముడవుతున్నాయి. ముఖ్యంగా భారత్తో పాటు ఓవర్సీస్ మార్కెట్లలోనూ యశ్ క్రేజ్ ఏ స్థాయిలో ఉందో అడ్వాన్స్ బుకింగ్ గణాంకాలు స్పష్టం చేస్తున్నాయి. రిలీజ్కు ముందే ఈ సినిమా అరుదైన రికార్డులను నమోదు చేస్తుండటంతో ట్రేడ్ వర్గాల్లో ఆసక్తి మరింత పెరిగింది.
Toxic Movie Advance Booking : రిలీజ్కు ముందే యశ్ ఊచకోత.. రూ.50 కోట్లకు పైగా వసూళ్లు!
Toxic Movie Advance Booking టాక్సిక్ ప్రీ రిలీజ్ బిజినెస్నే షేక్ చేసిన యశ్ మూవీ
కేవీఎన్ ప్రొడక్షన్స్, మోన్స్టర్ మైండ్ క్రియేషన్స్ బ్యానర్లపై వెంకట్ కే నారాయణ, యశ్ సంయుక్తంగా ‘టాక్సిక్’ చిత్రాన్ని నిర్మిస్తున్నారు. ఈ సినిమాలో నయనతార, కియారా అద్వానీ, హ్యుమా ఖురేషీ, తారా సుతారియా, రుక్మిణీ వసంత్లు కీలక పాత్రల్లో నటిస్తున్నారు. అక్షయ్ ఒబెరాయ్, డారెల్ డిసిల్వ, సుదేవ్ నాయర్, సంజీదా షేక్, కైల్ పాల్, అమిత్ తివారీ, సుర్జీత్ గోపీనాథ్ తదితరులు కూడా ముఖ్యమైన పాత్రలు పోషించారు. ఈ చిత్రానికి రాజీవ్ రవి సినిమాటోగ్రాఫర్గా పనిచేస్తుండగా.. ఉజ్వల్ కులకర్ణి ఎడిటింగ్ బాధ్యతలు నిర్వహిస్తున్నారు. విశాల్ మిశ్రా, రవి బస్రూర్, తన్శిక్ బాగ్చి, ఫహీమ్ అబ్దుల్లా, అబ్దుల్లా, అర్సలాన్ నిజామీలు సంగీతాన్ని అందిస్తున్నారు. రవి బస్రూర్ నేపథ్య సంగీతం సమకూరుస్తున్నారు. ఇక టాక్సిక్ థియేట్రికల్ రిలీజ్ విషయంలోనూ భారీ స్థాయిలో బిజినెస్ జరిగినట్లు ట్రేడ్ వర్గాల సమాచారం. తెలుగు రాష్ట్రాల్లో ప్రముఖ నిర్మాత దిల్రాజుకు చెందిన శ్రీ వెంకటేశ్వర క్రియేషన్స్ ఈ సినిమాను విడుదల చేస్తోంది. నార్త్ ఇండియాలో ఏఏ ఫిల్మ్స్, ఓవర్సీస్లో పార్శ్స్ ఫిలింస్, కేరళలో పనోరమా స్టూడియోస్, తమిళనాడులో ట్రైడెంట్ ఆర్ట్స్, థింక్ స్టూడియోస్, ఎస్ పిక్చర్స్, ఫైవ్ స్టార్ సెంథిల్, కర్ణాటకలో కేవీఎన్ ప్రొడక్షన్స్ సంస్థలు టాక్సిక్ను ప్రేక్షకుల ముందుకు తీసుకురానున్నాయి.
సినిమాపై ఉన్న భారీ అంచనాల కారణంగా టాక్సిక్కు థియేట్రికల్, నాన్ థియేట్రికల్ బిజినెస్ కలిపి రూ.600 కోట్లకు పైగా ప్రీ రిలీజ్ బిజినెస్ జరిగినట్లు ట్రేడ్ వర్గాలు చెబుతున్నాయి. ఇందులో ఓవర్సీస్ థియేట్రికల్ రైట్స్ విలువ సుమారు రూ.105 కోట్లు కాగా.. తెలుగు రాష్ట్రాల హక్కులు రూ.120 కోట్లకు పైగా పలికినట్లు సమాచారం. ఆంధ్రా, నైజాం ఏరియాల్లో టాక్సిక్ బ్రేక్ఈవెన్ సాధించాలంటే రూ.250 కోట్లకు పైగా వసూళ్లు రాబట్టాల్సిన పరిస్థితి ఉందని ట్రేడ్ వర్గాలు పేర్కొంటున్నాయి.
అమెరికాలోనూ టాక్సిక్ హవా.. అడ్వాన్స్ బుకింగ్స్లో భారీ రెస్పాన్స్
టాక్సిక్ సినిమా కోసం నార్త్ అమెరికాలోని ప్రవాస భారతీయులు ఆసక్తిగా ఎదురుచూస్తున్నారు. ఈ క్రేజ్ అడ్వాన్స్ బుకింగ్స్లోనూ స్పష్టంగా కనిపిస్తోంది. ముఖ్యంగా అమెరికాలో ప్రీమియర్ షోల అడ్వాన్స్ సేల్స్లో యశ్ తన సత్తా చూపిస్తున్నాడు. ట్రేడ్ వర్గాల ప్రకారం.. అమెరికాలో 362 సెంటర్లలో 873 షోలకు ఇప్పటివరకు 13,834 టికెట్లు అమ్ముడయ్యాయి. వీటి ద్వారా సుమారు 2,92,541 అమెరికన్ డాలర్లు, అంటే దాదాపు రూ.2.80 కోట్ల వసూళ్లు వచ్చినట్లు చెబుతున్నారు. సినిమా విడుదలకు ఇంకా సమయం ఉండగానే ఈ స్థాయి బుకింగ్స్ నమోదవడం యశ్కు ఉన్న క్రేజ్ను మరోసారి చాటుతోంది. అటు భారత్లోనూ టాక్సిక్ అడ్వాన్స్ బుకింగ్ జోరు కొనసాగుతోంది. ముఖ్యంగా హిందీ వెర్షన్కు మల్టీప్లెక్స్ థియేటర్లలో సుమారు 1.50 లక్షల వరకు టికెట్లు బుక్ అయినట్లు గణాంకాలు సూచిస్తున్నాయి.
ఇప్పటివరకు అందుతున్న సమాచారం ప్రకారం.. దేశవ్యాప్తంగా తొలి రోజు కోసం 17,692 షోలకు 8,94,629 టికెట్లు అమ్ముడైనట్లు, వీటి ద్వారా సుమారు రూ.31.89 కోట్ల వసూళ్లు వచ్చినట్లు సాక్నిక్ పేర్కొంది. ఇక బ్లాక్ చేసిన టికెట్లను కూడా కలుపుకుంటే ఈ మొత్తం రూ.41 కోట్లకు పైగా ఉండొచ్చని ట్రేడ్ వర్గాల్లో అంచనాలు వినిపిస్తున్నాయి. మొత్తంగా ఓవర్సీస్, ఇండియా అడ్వాన్స్ బుకింగ్స్ను కలిపి చూస్తే.. టాక్సిక్ ఇప్పటికే రూ.50 కోట్లకు పైగా వసూళ్లు రాబట్టినట్లు ట్రేడ్ పండితులు చెబుతున్నారు. అయితే ఈ అడ్వాన్స్ బుకింగ్ గణాంకాలపై చిత్ర నిర్మాతల నుంచి అధికారిక ప్రకటన రావాల్సి ఉంది. విడుదలకు ముందే ఈ స్థాయిలో టికెట్ సేల్స్ నమోదవుతుండటంతో యశ్ అభిమానుల్లో ఉత్సాహం మరింత పెరిగింది. ‘కేజీఎఫ్’ తర్వాత యశ్ చేస్తున్న సినిమా కావడం, భారీ తారాగణం, పాన్ ఇండియా స్థాయిలో రిలీజ్ కావడం వంటి అంశాలు టాక్సిక్కు కలిసొస్తున్నాయి. ఇక ఈ అడ్వాన్స్ బుకింగ్ జోరు విడుదల తర్వాత బాక్సాఫీస్ వసూళ్లలో ఎంతవరకు ప్రతిబింబిస్తుందో చూడాలి.
Also read
