The Kerala Story Movie : కేరళ స్టోరీ సినిమా బ్లాక్ బస్టర్ అవ్వడానికి కారణం ఇదే !

The Kerala Story Movie: ప్రస్తుతం ఎవరి నోట చూసినా అదే మాట. ది కేరళ స్టోరీ సినిమా గురించే అందరూ చర్చిస్తున్నారు. ఆ సినిమాకు ఇంత రెస్పాన్స్ వస్తుందని ఎవ్వరూ ఊహించలేకపోయారు. ఆ సినిమాపై చాలా మంది రాజకీయ నాయకులు కూడా స్పందిస్తున్నారు. ఆ సినిమాపై కాంగ్రెస్ ఎంపీ శశిథరూర్ కూడా స్పందించారు. ఇది మీ కేరళ స్టోరీ. మా కేరళ స్టోరీ కాదంటూ ఆయన డిఫరెంట్ గా స్పందించారు. అయినప్పటికీ ఆ సినిమాను నిషేధించాలని అని నేను కోరుకోవడం లేదు అని అన్నారు.

why The Kerala Story Movie creating controversy

భావాప్రకటన స్వేచ్ఛను దుర్వినియోగం చేస్తూ దానికి అసలు విలువే ఉండదు. ఈ సినిమా వాస్తవ పరిస్థితులకు భిన్నంగా ఉంది. కేరళ వాసులు కూడా అదే చెబుతున్నారు. వాళ్లకు ఆ హక్కు కూడా ఉంది. కావాలని కేరళ వ్యతిరేక శక్తులు ఈ సినిమాను తీశారు అంటూ మరోవైపు కేరళ సీఎం పినరయి విజయన్ కూడా స్పందించారు. ఇది కేరళ ఖ్యాతినే తగ్గించే కుట్ర. మతాలను అడ్డం పెట్టుకొని ద్వేషాన్ని ప్రచారం చేసే ఉద్దేశంతో చేసిన సినిమా ఇది.. అని ముఖ్యమంత్రి మండిపడ్డారు. ఈ సినిమా కథ నచ్చి చేశా తప్పితే ఈ సినిమాలో నటించిన క్యారెక్టర్ కు నాకు ఎలాంటి సంబంధం లేదు.

The Kerala Story Movie : సినిమా కథ నచ్చడం వల్లనే చేశా

నాకు అలాంటి ఉద్దేశం కూడా లేదు అని ఈ సినిమాలో కీలక పాత్రలో నటించిన ఆదా శర్మ చెప్పుకొచ్చింది. ఈ సినిమా విడుదలైనప్పటి నుంచి సినిమాపై తీవ్రస్థాయిలో విమర్శలు వస్తున్నాయి. హిందువుల మీద ఎలా దాడులు జరుగుతున్నాయో ఈ సినిమాలో స్పష్టంగా వివరించినప్పటికీ.. కేరళలో అలాంటి పరిస్థితులు ఎక్కడా లేవని చాలామంది రాజకీయ నాయకులు కొట్టిపారేస్తున్నారు. అసలు ఈ సినిమాలో మతం అనేదే లేదు. మతాన్ని మీరు లాగుతున్నారు. ఇది కేవలం ఉగ్రవాదానికి సంబంధించిన సినిమా అంటూ సినిమా డైరెక్టర్ సుదీప్తో సేన్ చెప్పినా వినకుండా ఈ సినిమాకు మతం రంగును పూస్తున్నారు కొందరు.