Tollwood : ఇప్పుడు కథ, స్క్రీన్ ప్లే మారిపోయింది. ఒకే ఒక్క బ్లాక్ బస్టర్ పడితే చాలు. మాకు కోటి కావాల్సిందే.,అంటున్నారు కుర్ర హీరోయిన్లు.

Tollwood: ఉప్పెన సినిమాతో హీరోయిన్‌గా అడుగుపెట్టిన కృతి శెట్టి ఇప్పుడు యంగ్ హీరోయిన్స్‌లో క్రేజీ ఆఫర్స్ అందుకుటున్న లక్కీ గాళ్ అని చెప్పాలి. ఈ సినిమాకి ముందు అమ్మడు అవకాశాల కోసం బాగానే తిరిగింది. ఇప్పుడు అవకాశాలిచ్చేందుకు మేకర్స్‌ను తన వెంట తిప్పుకుంటుంది. వరుసగా మూడు సినిమాలతో హ్యాట్రిక్ హిట్స్ అందుకున్న ఈ భామ చేతిలో ఇప్పుడు అరడజను సినిమాలున్నాయి. మొత్తంగా వచ్చిన రెండేళ్ళలోపే చేతిలో 10 సినిమాలను పెట్టుకుంది. దాంతో తన రెమ్యునరేషన్ ఇప్పుడు కోటిన్నరకు పైగానే ఉంది. అంతకు తగ్గితే నిర్మొహమాటంగా నో అంటుందట.

కేతిక శర్మ..పూరి జగన్నాథ్ సినిమాతో పరిచయమైన హీరోయిన్ అంటే ఆయన రాసిన డైలాగ్ మాదిరిగా వెనకా మూందు చూస్తేనే మెంటలెక్కిపోద్ది. ఆ రేంజ్‌లో యమా హాట్‌గా ఉంటారు పూరి పరిచయం చేసే హీరోయిన్స్. అలా రొమాంటిక్ సినిమా ద్వారా ఇండస్ట్రీకి పరిచయమైన కేతిక ఓ మాదిరిగా సత్తా చాటుతోంది. ఇదే బ్యూటీకి భారీ హిట్స్ పడితే మాత్రం మోత మరోలా మోగేది. కానీ, రొమాంటిక్..లక్ష్య సినిమాలు ఆశించిన సక్సెస్ సాధించలేదు. ఇప్పుడు ఈమె చేతిలో వైష్ణవ్ తేజ్ సినిమా ఒక్కటే ఉంది. అయినా రెమ్యునరేషన్ బాగానే అందుతోందట. ఎంత లేదన్నా రూ 75 లక్షల నుంచి కోటి డిమాండ్ చేస్తున్నట్టు టాక్ ఉంది.

Tollywood : శ్రీలీల కూడా ఇదే లిస్ట్‌లో చేరింది.

ఇక దర్శకేంద్రుడు ముద్ర వేసిన ఏ హీరోయిన్ అయినా కొన్నేళ్ళు ఇండస్ట్రీలో అంద చందాలతో అరుపులు అరిపించాల్సిందే. శ్రీలీల కూడా ఇదే లిస్ట్‌లో చేరింది. ఈ కుర్ర భామ కన్నడ, తెలుగు సినిమాలలో అవకాశాలు అందుకుంటోంది. ఇప్పుడు రవితేజ, నితిన్ సినిమాలు చేస్తోంది. చేతిలో మరికొన్ని సినిమాలున్నాయి. ఉప్పెన బ్యూటీ రేంజ్ కాకపోయినా కూడా శ్రీలీలకు కోటి కావాలని చెబుతుందట. ప్రాజెక్ట్ పెద్దదైతే కోటిన్నర వరకు డిమాండ్ చేస్తున్నట్టు చెప్పుకుంటున్నారు.మరి మన మేకర్స్ ఒక్క హిట్ దక్కితే సూట్‌కేసులు పట్టుకుని క్యూ కడుతున్నారు. వాళ్లకు కావాల్సిన రిక్వైర్‌మెంట్స్ వారికుంటే వీరికి ఉండాల్సిన డిమాండ్స్ వీరికున్నాయి. మొత్తానికి అలా సర్దుకుపోతున్నారు. ఏదేమైనా కృతిశెట్టి, శ్రీలీల ఈ ఏడాదిలో పెద్ద హీరోయిన్స్ లిస్ట్‌లో చేరడం ఖాయం.