Chicken : మటన్‌కి మించిన ధర .. ఈ కోడి మాంసం కోసంకు పెరుగుతున్న డిమాండ్ .. ప్రత్యేకతలు తెలిస్తే ఇక వదలరు ..!
Authored By Sudheer Ramanujam
| The Telugu News |
Published on: March 26, 2026, 8:00 am
Chicken : మటన్‌కి మించిన ధర .. ఈ కోడి మాంసం కోసంకు పెరుగుతున్న డిమాండ్ .. ప్రత్యేకతలు తెలిస్తే ఇక వదలరు ..!
Chicken : ఇప్పటి వరకు మార్కెట్లో మటన్ అధిక ధరకు అమ్ముడవుతుండటం మనం చూసే ఉంటాం. కానీ ఇప్పుడు కోళ్లలో ఒక ప్రత్యేక జాతి మటన్‌కే పోటీ ఇస్తూ ధరలో దానిని మించిపోతోంది. ఎంత రేటైనా సరే కొనాలని ప్రజలు ఉత్సాహంగా ఎదురుచూస్తున్న ఈ కోడి జాతి గురించి తెలుసుకుంటే ఆశ్చర్యం కలుగుతుంది. ఆ కోడే నల్లకోడి లేదా కడక్‌నాథ్‌ జాతి.
Chicken : మటన్‌కి మించిన ధర .. ఈ కోడి మాంసం కోసంకు పెరుగుతున్న డిమాండ్ .. ప్రత్యేకతలు తెలిస్తే ఇక వదలరు ..!
Chicken : నల్లకోడి ప్రత్యేకత ఏమిటి?
నల్లకోడి పేరు చెప్పినట్టే పూర్తిగా నల్లరంగులో ఉంటుంది. దీని రెక్కలు, చర్మం మాత్రమే కాదు అంతర్గత అవయవాలు కూడా నల్లగా ఉండటం దీని ప్రత్యేక లక్షణం. సాధారణంగా మనం తినే నాటుకోడి కంటే ఇది రుచిలో ప్రత్యేకంగా ఉండటంతో పాటు ఆరోగ్యానికి కూడా ఎంతో మేలు చేస్తుంది. అందుకే మార్కెట్లో ఈ మాంసానికి భారీగా డిమాండ్ పెరిగింది. అయితే ఈ కోడి అందుబాటులో ఉండటం చాలా అరుదు కావడంతో దాన్ని కొనడం కూడా అంత సులభం కాదు.
Chicken : పోషక విలువలు, ఆరోగ్య ప్రయోజనాలు
నల్లకోడి మాంసంలో అధిక పోషకాలు ఉండటం దీని ప్రధాన ఆకర్షణ. సాధారణ కోడి మాంసంతో పోలిస్తే ఇందులో ప్రోటీన్లు, ఖనిజాలు ఎక్కువగా ఉంటాయి. ముఖ్యంగా యాంటీఆక్సిడెంట్లు అధికంగా ఉండటం వల్ల శరీరంలో ఏర్పడే అనేక రకాల సమస్యలను తగ్గించడంలో సహాయపడుతుంది. ఇది రోగనిరోధక శక్తిని పెంచి శరీరాన్ని బలంగా ఉంచుతుంది. ఇంకా ఈ మాంసంలో కొవ్వు శాతం తక్కువగా ఉంటుంది. కొలెస్ట్రాల్ కూడా చాలా తక్కువగా ఉండటంతో గుండె ఆరోగ్యానికి ఇది మంచిదిగా భావిస్తున్నారు. వారంలో ఒకసారి నల్లకోడి మాంసం తీసుకోవడం గుండె జబ్బులు, గుండెపోటు వంటి సమస్యల నుంచి రక్షణ కల్పిస్తుందని నిపుణులు చెబుతున్నారు. అంతేకాదు, ఆస్తమా బాధపడుతున్న వారికి ఇది సహజమైన ఔషధంలా పనిచేస్తుందని కూడా అంటున్నారు.
Chicken : ధరలు ఆకాశాన్నంటుతున్నాయి
సాధారణంగా మార్కెట్లో కోడి మాంసం ధర రూ.100 నుంచి రూ.200 మధ్యలో ఉంటుంది. కానీ నల్లకోడి విషయంలో మాత్రం పరిస్థితి పూర్తిగా భిన్నంగా ఉంది. దీని మాంసం ధర రూ.700 నుంచి ప్రారంభమై రూ.1000 వరకు చేరుతోంది. కొన్ని ప్రాంతాల్లో దీనికంటే ఎక్కువ ధరకు కూడా అమ్ముడవుతున్న సందర్భాలు ఉన్నాయి. ఈ భారీ డిమాండ్ కారణంగా నల్లకోడి పెంపకం రైతులకు మంచి ఆదాయ వనరుగా మారుతోంది. తక్కువ పెట్టుబడితో ప్రారంభించి, మంచి లాభాలు పొందే అవకాశం ఉండటంతో చాలా మంది రైతులు ఈ కోళ్ల పెంపకంపై ఆసక్తి చూపిస్తున్నారు. రుచితో పాటు ఆరోగ్య ప్రయోజనాలు కూడా అందించే నల్లకోడి మాంసం ఇప్పుడు మార్కెట్లో ప్రత్యేక స్థానాన్ని సంపాదించుకుంది. ధర ఎక్కువైనా, ఆరోగ్యాన్ని దృష్టిలో పెట్టుకుని ప్రజలు దీనిని కొనడానికి ముందుకు వస్తున్నారు.
Also read
