Coffee : కాఫీ తాగితే చర్మానికి లాభాలేమిటి? నష్టాలేమిటి?.. నిపుణులు చెబుతున్న నిజాలు ఇవే..!

Coffee : కాఫీ అంటే చాలామందికి రోజంతా శక్తినిచ్చే పానీయం. అలసట పోగొట్టి ఉత్సాహాన్ని పెంచే కాఫీ రుచితో పాటు ఆరోగ్యానికి కూడా మేలు చేస్తుందని ఆరోగ్య నిపుణులు చెబుతున్నారు. ముఖ్యంగా చర్మం, జుట్టు ఆరోగ్యంలో కాఫీ కీలక పాత్ర పోషిస్తుందని నిపుణుల అభిప్రాయం. ప్రముఖ వైద్యురాలు డాక్టర్ సహానా వెంకటేష్ తన ఇన్‌స్టాగ్రామ్ వేదికగా చేసిన పోస్ట్‌లో కాఫీని సరైన మోతాదులో తీసుకుంటే అనేక ప్రయోజనాలు పొందవచ్చని తెలిపారు.

Coffee : కాఫీ వల్ల చర్మానికి కలిగే లాభాలు

కాఫీలో సమృద్ధిగా యాంటీఆక్సిడెంట్లు, ఫైటోన్యూట్రియెంట్లు ఉంటాయి. ఇవి చర్మంలో ఏర్పడే ఫ్రీ రాడికల్స్‌ను తగ్గించి చర్మాన్ని లోపలి నుంచే రక్షిస్తాయి. రోజూ మితంగా కాఫీ తాగడం వల్ల చర్మ అలసట తగ్గి కాంతివంతంగా మారుతుంది. అంతేకాదు అకాల వృద్ధాప్య లక్షణాలైన ముడతలు, నల్ల మచ్చలు వంటి సమస్యలు తగ్గే అవకాశముంది. కాఫీ చర్మ కణాల పునరుత్పత్తికి సహాయపడటంతో పాటు రక్త ప్రసరణను మెరుగుపరుస్తుంది. దీని వల్ల ముఖానికి సహజమైన మెరుపు వస్తుంది. జుట్టు విషయంలో కూడా కాఫీ మంచి ప్రభావాన్ని చూపుతుంది. జుట్టు బలంగా పెరగడానికి అవసరమైన పోషకాలు కాఫీలో ఉండటంతో జుట్టు ఆరోగ్యం మెరుగవుతుంది.

Coffee : అధిక కాఫీ తాగితే వచ్చే సమస్యలు

కాఫీ ప్రయోజనాలు ఎంత ఉన్నా అధికంగా తాగితే మాత్రం సమస్యలు తప్పవు. కాఫీలో కెఫిన్ ఎక్కువగా ఉండటం వల్ల శరీరం డీహైడ్రేషన్‌కు గురవుతుంది. దీని ప్రభావం చర్మంపై స్పష్టంగా కనిపిస్తుంది. చర్మం పొడిగా మారడం, మొటిమలు రావడం వంటి సమస్యలు ఏర్పడవచ్చు. అలాగే అధిక కెఫిన్ వినియోగం వల్ల ఒత్తిడి హార్మోన్ అయిన కార్టిసాల్ స్థాయి పెరుగుతుంది. ఇది చర్మ ఆరోగ్యాన్ని దెబ్బతీసే అవకాశముంది. కొన్ని సందర్భాల్లో జుట్టు రాలడం, నిద్రలేమి వంటి సమస్యలు కూడా ఎదురవుతాయి. అందుకే కాఫీ తాగడంలో నియంత్రణ చాలా అవసరం.

Coffee : కాఫీ తాగితే చర్మానికి లాభాలేమిటి? నష్టాలేమిటి?.. నిపుణులు చెబుతున్న నిజాలు ఇవే..!

Coffee : కాఫీ తాగేటప్పుడు పాటించాల్సిన జాగ్రత్తలు

డాక్టర్ సహానా వెంకటేష్ సూచనల ప్రకారం కాఫీని పూర్తిగా మానేయాల్సిన అవసరం లేదు. కానీ మితంగా తీసుకోవడం చాలా ముఖ్యం. రోజుకు 2 కప్పులు లేదా గరిష్టంగా 3 కప్పుల వరకు కాఫీ తాగితే ఆరోగ్యానికి హానికరం కాదు. మీరు కాఫీ ప్రియులైతే నీళ్లు ఎక్కువగా తాగడం అలవాటు చేసుకోవాలి. ఉదాహరణకు ఒక కప్పు కాఫీ తాగితే రోజులో ఎప్పుడైనా రెండు గ్లాసుల నీరు అదనంగా తాగడం మంచిది. ఇది డీహైడ్రేషన్‌ను నివారించి కాఫీ దుష్ప్రభావాలను తగ్గిస్తుంది. అలాగే పాలతో కాఫీ తాగడం కన్నా బ్లాక్ కాఫీ తీసుకోవడం ఉత్తమం. పాలలో ఉండే కొన్ని పదార్థాలు చర్మానికి ఆరోగ్యానికి ప్రతికూలంగా మారే అవకాశం ఉందని నిపుణులు చెబుతున్నారు. కాగా, కాఫీ సరైన మోతాదులో తీసుకుంటే చర్మం, జుట్టుతో పాటు ఆరోగ్యానికి మేలు చేస్తుంది. కానీ మితిమీరితే అదే కాఫీ సమస్యలకు కారణమవుతుంది. కాబట్టి జాగ్రత్తలతో కాఫీని ఆస్వాదించండి.