Zodiac Signs : గ్రహాల స్థితిగతుల ఆధారంగా ఈ రోజు (శనివారం, జనవరి 31, 2026) ద్వాదశ రాశుల వారి ఫలితాలు ఎలా ఉన్నాయో చూద్దాం. ఈ రోజు ఏ రాశి వారికి అదృష్టం కలిసొస్తుంది? ఎవరు జాగ్రత్తగా ఉండాలి? నిరుద్యోగులకు, వ్యాపారులకు ఈ రోజు ఎలా గడుస్తుంది ?

Zodiac Signs : మేష రాశి (Aries)

స్నేహితులు లేదా కుటుంబ సభ్యులతో విహారయాత్రలకు వెళ్లడం వల్ల మీకు మానసిక ప్రశాంతత లభిస్తుంది. గతంలో చేసిన కష్టానికి ఫలితం దక్కుతుంది, మీ కోరికలు నెరవేరుతాయి. ఇరుగుపొరుగు వారితో గొడవలు మీ మూడ్ పాడుచేయవచ్చు, కాబట్టి కోపాన్ని అదుపులో ఉంచుకోవడం మంచిది. మీరు సహకరించకపోతే ఎవరూ మీతో గొడవపడలేరు. ప్రేమికులు తమ భాగస్వామి ఎమోషనల్ డిమాండ్లకు తలొగ్గవద్దు. మాట జారడం వల్ల కుటుంబ సభ్యుల మనసు నొప్పించే అవకాశం ఉంది, జాగ్రత్త. జీవిత భాగస్వామి వల్ల కొంత నష్టం జరగవచ్చు. నిరుద్యోగులు కోరుకున్న ఉద్యోగం కోసం మరింత కష్టపడాలి.

పరిహారం: ప్రేమ జీవితం బాగుండటానికి మీ పార్ట్‌నర్‌కు తెలుపు లేదా నలుపు గులాబీలను బహుమతిగా ఇవ్వండి.

Zodiac Signs :  వృషభ రాశి (Taurus)

మిమ్మల్ని నిరుత్సాహపరిచే భయం, కోపం వంటి ప్రతికూల ఆలోచనలను వదిలేయండి. ఇవి మీ విజయానికి అడ్డుగా నిలుస్తాయి. పెద్దల సలహా ఉద్యోగులకు ఉపయోగపడుతుంది. ఇంట్లోకి కొత్త సభ్యుల రాకతో కుటుంబంలో సంతోషం వెల్లివిరుస్తుంది. ఈ ఆనందాన్ని పార్టీ చేసుకుని జరుపుకుంటారు. పర్సనల్ జీవితం బాగుంటుంది. సామాజిక సేవా కార్యక్రమాల్లో పాల్గొంటారు. ఇది మీకు మంచి పేరు తెస్తుంది. జీవిత భాగస్వామి మీ కోసం ఈ రోజు ఏదో స్పెషల్ చేస్తారు. ప్రకృతి ఒడిలో కాసేపు గడపడం వల్ల మానసిక ప్రశాంతత లభిస్తుంది.

పరిహారం: మంచి ఆరోగ్యం కోసం స్నానం చేసే నీటిలో గోధుమలు, ఎర్ర కాయధాన్యాలు (కందిపప్పు), కుంకుమ వేసి స్నానం చేయండి.

Zodiac Signs : మిథున రాశి (Gemini)

మీ అసూయ గుణం మిమ్మల్ని విచారంలోకి నెట్టేస్తుంది. దీనిని వదిలించుకోండి. ఇతరుల ఆనందాన్ని పంచుకోవడం ద్వారా మీ మనసును ఉల్లాసంగా ఉంచుకోండి. ఇంటి నుంచి బయటకు వెళ్లే ముందు పెద్దల ఆశీర్వాదం తీసుకోండి. ఇది మీకు మేలు చేస్తుంది. మీ ప్రవర్తన వల్ల మీతో నివసించే వారు చిరాకు పడవచ్చు. వ్యక్తిగత మార్గదర్శకత్వం మీ బంధాన్ని మెరుగుపరుస్తుంది. ఈ రాశి వారు తమను తాము అర్థం చేసుకోవడానికి కొంత సమయం కేటాయించాలి. జీవిత భాగస్వామి ప్రేమతో మీ కష్టాలన్నీ మర్చిపోతారు. మీ సృజనాత్మకతను బయటకు తీయడానికి ఇది మంచి రోజు.

పరిహారం: సాధువులకు, పేదవారికి భోజనం పెట్టడం ఆరోగ్యానికి మంచిది.

కర్కాటక రాశి (Cancer)

ఆరోగ్యంగా ఉండటానికి ధూమపానానికి దూరంగా ఉండండి. తల్లిదండ్రుల ఆరోగ్యం కోసం ఈ రోజు ఎక్కువ డబ్బు ఖర్చు చేయాల్సి రావచ్చు. దీనివల్ల ఆర్థిక ఇబ్బంది కలిగినా బంధం బలపడుతుంది. మీ అనూహ్య ప్రవర్తన వల్ల ఇంట్లో వారు నిరాశ చెందుతారు. ఇంటికి దూరంగా ఉండే వారు ఖాళీ సమయంలో పార్కులో లేదా ప్రశాంతమైన ప్రదేశంలో గడపడానికి ఇష్టపడతారు. వైవాహిక జీవితంలో ప్రేమను ఆస్వాదిస్తారు. మీ మాట ఎవరూ వినకపోతే కోప్పడకండి. పరిస్థితిని అర్థం చేసుకుని స్పందించండి.

పరిహారం: ఆర్థిక లాభాల కోసం రాత్రిపూట గ్యాస్ స్టవ్‌ను పాలతో ఆర్పండి.

సింహ రాశి (Leo)

ఈ రోజు మీ ఆరోగ్యం బాగుంటుంది. స్నేహితులతో సరదాగా గడపడానికి ప్లాన్ చేసుకోవచ్చు. బెట్టింగ్ లేదా జూదంలో డబ్బు పెట్టిన వారు ఈ రోజు నష్టపోయే అవకాశం ఉంటుంది. కాబట్టి వాటికి దూరంగా ఉండండి. సాయంత్రం అతిథుల రాకతో ఇల్లు సందడిగా మారుతుంది. మీరు ప్రేమించిన వారితో మంచిగా ప్రవర్తిస్తే ఈ రోజు అద్భుతంగా ఉంటుంది. విద్యార్థులు స్నేహితులతో సమయం వృథా చేయకుండా చదువుపై దృష్టి పెట్టాలి. జీవిత భాగస్వామి అమాయకపు పనులు మీ రోజును అందంగా మారుస్తాయి. స్కూల్ లేదా ఆఫీసులో సీనియర్లతో గొడవ పడకండి.

పరిహారం: ఆర్థిక స్థితి మెరుగుపడటానికి తెల్ల కుందేలుకు ఆహారం పెట్టండి.

కన్యా రాశి (Virgo)

మిమ్మల్ని ప్రశాంతంగా ఉంచే పనుల్లో నిమగ్నం అవ్వండి. తల్లిదండ్రుల ఆరోగ్యం కోసం ఖర్చు చేయాల్సి రావచ్చు. స్నేహితులు మీ ఉదార స్వభావాన్ని ఆసరాగా తీసుకుని ఇబ్బంది పెట్టకుండా చూసుకోండి. మీ ప్రేమ జీవితం చాలా విలువైనది. ఈ రోజు పరిస్థితులు మీకు అనుకూలంగా ఉంటాయి. వైవాహిక జీవితంలో అత్యుత్తమ సమయాన్ని గడుపుతారు. మీ భాగస్వామి మీ కోసం ప్రత్యేకమైన వంటకం చేసి మీ అలసటను పోగొడతారు.

పరిహారం: ఆర్థిక పురోగతి కోసం వంటలో మితంగా ఎండుమిర్చిని వాడండి.

తులా రాశి (Libra)

బయట తిరగడం వల్ల అలసట, ఒత్తిడి కలగవచ్చు. అప్పు తీసుకుని తిరిగి ఇవ్వని బంధువులకు ఈ రోజు అప్పు ఇవ్వకండి. కుటుంబ సభ్యులతో ప్రేమగా గడపండి. ఈ రోజు ఎవరికైనా ప్రపోజ్ చేస్తే అది బెడిసికొట్టే అవకాశం ఉంది.. జాగ్రత్త. ఈ రాశి వారికి ఈ రోజు తమ కోసం ఖాళీ సమయం దొరుకుతుంది. పుస్తకం చదవడం లేదా పాటలు వినడం ద్వారా సమయాన్ని సద్వినియోగం చేసుకోండి. జీవిత భాగస్వామి ఆరోగ్యం కాస్త ఆందోళన కలిగించవచ్చు. కుటుంబంతో కలిసి ప్రయాణం చేసే అవకాశం ఉంది.

పరిహారం: ‘ఓం శం శనైశ్చరాయ నమః’ అని 11 సార్లు జపించండి.

వృశ్చిక రాశి (Scorpio)

మీ పురోగతిని అడ్డుకుంటున్న నిరాశను పారద్రోలండి. వినోదం లేదా అందం కోసం ఎక్కువ డబ్బు ఖర్చు చేయకండి. పిల్లలు మీ నుంచి ఎక్కువ సమయాన్ని కోరుకుంటారు, వారు మీకు అండగా ఉంటారు. ప్రపంచం ఒకవైపు, మీరు మీ భాగస్వామి ఒకవైపు అన్నట్టుగా ఈ రోజు ప్రేమలో మునిగిపోతారు. పని ఒత్తిడి ఉన్నా మీ కోసం సమయం కేటాయించుకోవడానికి ప్రయత్నిస్తారు కానీ విఫలం అవుతారు. మీ జీవిత భాగస్వామే మీ సోల్ మేట్ అని ఈ రోజు గ్రహిస్తారు. స్నేహితులు, బంధువుల వల్ల విశ్రాంతి లభించకపోవచ్చు.

పరిహారం: ఆదాయం పెరగడానికి కాకులకు రొట్టెలు తినిపించండి.

ధనుస్సు రాశి (Sagittarius)

మీ వ్యక్తిత్వాన్ని మెరుగుపరచుకోవడానికి ప్రయత్నించండి. భవిష్యత్తులో విలువ పెరిగే వస్తువులను కొనడానికి ఇది మంచి రోజు. కుటుంబ శ్రేయస్సు కోసం కొత్త ప్రాజెక్టులను చేపట్టండి. మీరు ప్రేమించేవారు తమ భావాలను మీతో పంచుకోలేకపోవడం వల్ల మీరు అసంతృప్తికి గురవుతారు. ఖాళీ సమయంలో ఆధ్యాత్మిక పుస్తకాలు చదవడం మంచిది. జీవిత భాగస్వామి ఆరోగ్యం మీ పనికి ఆటంకం కలిగించవచ్చు. మీ దేశానికి సంబంధించిన ఆసక్తికరమైన విషయాలు తెలుసుకుంటారు.

పరిహారం: ఆరోగ్యకరమైన జీవనశైలి కోసం వెండిని ఏదో ఒక రూపంలో ధరించండి.

మకర రాశి (Capricorn)

ఈ రోజు మీరు ఆశావహ దృక్పథంతో ఉంటారు. మీకు తెలిసిన వారి ద్వారా కొత్త ఆదాయ మార్గాలు ఏర్పడతాయి. కుటుంబ సభ్యులకు తగిన సమయం కేటాయించండి. వారికి మీపై నమ్మకం కలిగేలా చూసుకోండి. పాత జ్ఞాపకాలు మిమ్మల్ని బిజీగా ఉంచుతాయి. అందరితో మర్యాదగా ప్రవర్తించండి. వైవాహిక జీవితంలో మంచి మార్పును చూస్తారు. మంచి స్నేహితుల విలువ ఏంటో తెలిసేలా ఈ రోజు ఒక సంఘటన జరగవచ్చు.

పరిహారం: అలసట, ఒత్తిడి తగ్గడానికి గోధుమ పిండి ఉండలలో బెల్లం లేదా పంచదార కలిపి ఆవులకు తినిపించండి.

కుంభ రాశి (Aquarius)

యోగ, ధ్యానం చేయడం వల్ల శారీరక, మానసిక లాభాలు పొందుతారు. ప్రయాణాల్లో ఉన్నవారు తమ విలువైన వస్తువులను జాగ్రత్తగా చూసుకోవాలి, దొంగతనానికి ఆస్కారం ఉంది. కుటుంబానికి సమయం ఇవ్వండి. ప్రేమ వ్యవహారంలో బానిసలా ప్రవర్తించకండి. ఏదైనా సమస్యకు ఈ రోజు పరిష్కారం దొరుకుతుంది. చిన్న గొడవ జరిగినా, పాత జ్ఞాపకాలను గుర్తు చేసుకోవడం వల్ల మీ వైవాహిక జీవితంలో గొడవలు సద్దుమణుగుతాయి. మీరు ఆరోగ్యంగా ఉండటం చూసి మీ కుటుంబం సంతోషిస్తుంది.

పరిహారం: ఆర్థిక స్థితి మెరుగుపడటానికి పేదలకు స్వచ్ఛమైన నూలు వస్త్రాలు, కారంపూస (నమ్కీన్) దానం చేయండి.

మీన రాశి (Pisces)

మీ టెన్షన్లు తొలగిపోతాయి. ఆర్థిక లాభాలను తెచ్చే కొత్త పరిస్థితులు ఎదురవుతాయి. కుటుంబ సభ్యులతో నాణ్యమైన సమయాన్ని గడపండి. మీ ప్రియమైన వారు కాస్త చిరాకుగా ఉండవచ్చు, ఇది మీపై ఒత్తిడి పెంచుతుంది. పని ఒత్తిడి వల్ల మానసిక ఇబ్బంది కలగవచ్చు, కాబట్టి మీ కోసం కొంత సమయం కేటాయించుకోండి. పగలు చిన్న గొడవ జరిగినా, సాయంత్రం మీ జీవిత భాగస్వామితో అద్భుతంగా గడుపుతారు. కుటుంబంతో కలిసి ఒక ముఖ్యమైన నిర్ణయం తీసుకుంటారు. ఇది భవిష్యత్తులో మేలు చేస్తుంది.

పరిహారం: ప్రేమ బంధం బలపడటానికి మీ లవర్‌కు వైట్ చాక్లెట్లు గిఫ్ట్‌గా ఇవ్వండి.