Zodiac Signs : మార్చి 22 మంగళవారం ఈ రోజు మీ రాశిఫ‌లాలు ఎలా ఉన్నాయంటే..?

మేష రాశి ఫలాలు : శుభవార్తలు వింటారు. అనుకోని ధనలాభాలు వస్తాయి. శుభకార్యాలకు హాజరవుతారు. ఆర్థిక పరిస్థితి బాగుంటుంది. మనోల్లాసంతో చక్కగా గడుపుతారు. మహిళలకు శుభం. ఇష్టదేవతారాధన చేయండి. వృషభ రాశి ఫలాలు : మీరు చేసే పనులలో వేగం పెరుగుతుంది. సకాలంలో అన్ని సమకూరుతాయి. మంచి వార్తలు వింటారు,. దేవాలయాల దర్శనం, విహార యాత్రలకు ప్లాన్ చేస్తారు. మానసిక ప్రశాంతత లభిస్తుంది. శ్రీ దుర్గాదేవి దగ్గర దీపారాధన చేయండి.

మిథున రాశి ఫలాలు : కొత్త కొత్త అవకాశాలు వస్తాయి. ఆర్థికంగా మంచి స్థితి కలుగుతుంది, ఆప్పులు తీరుస్తారు. ఆనందంగా ముందుకు పోతారు. కుటుంబంలో శుభకార్య యోచన. అన్నింటా జయం. కనకదుర్గాదేవి ఆరాధన చేయండి. కర్కాటక రాశి ఫలాలు : పని భారం పెరుగుతుంది. శారీరక బడలికతో ఇబ్బంది పడుతారు. పెద్దల ద్వారా ముఖ్య విషయాలు తెలుస్తాయి. కొత్త పెట్టుబడులు పెట్టకండి. తల్లి తరుపు బంధువుల నుంచి శుభవార్తలు వింటారు. లలితా సహస్రనామాలను పారాయణం చేయండి.

సింహ రాశి ఫలాలు : సకల వృత్తుల వారికి శుభ ఫలితాలు. అన్నింటా జయం. విద్యా, ఉద్యోగ, వ్యాపారాలు సాఫీగా సాగుతాయి. బంధువుల రాక సంతోషం కలిగిస్తుంది. వివాహ ప్రయత్నాలు కలసి వస్తాయి. శ్రీలక్ష్మీదేవి ఆరాధన చేయండి.

కన్య రాశి ఫలాలు : మిశ్రమంగా ఉంటుంది. అప్పుల బాధలు పెరుగుతాయి. వ్యాపారాలు సాధారణంగా ఉంటాయి. కుటుంబంలో సంతోషం, ఖర్చులు పెరగడం జరుగుతాయి. ప్రయాణాల వల్ల అలసట. మహిలలకు పని భారం. నవగ్రహాలకు ప్రదక్షణలు, స్తోత్రం చదవడం మంచి ఫలితాన్నిస్తుంది.

తులారాశి ఫలాలు : కొంచెం శ్రమతో కూడిన రోజు,. ధైర్యంతో ముందుకుపోవాలి. అనుకోని నష్టాలు రావచ్చు. ధన లాభాలు కనిపిస్తున్నాయి. పెట్టుబడులు పెట్టే వారు కొంచెం ఆలోచించండి. మహిళలకు అనవసర వివాదాలు. ఆంజనేయస్వామి ఆరాధన చేయండి.

వృశ్చిక రాశి ఫలాలు : కుటుంబ సభ్యుల సహకారం అందుతుంది. అనుకున్న పనులు సకాలంలో పూర్తిచేస్తారు. అప్పులు తీరుస్తారు. పాత బాకీలు వసూలు అవుతాయి. అత్తమామల నుంచి సహాయం అందుతుంది. అందరినీ కలుపుకొని పోతారు. గోసేవ చేయండి మంచి జరుగుతుంది.

ధనుస్సు రాశి ఫలాలు : దూర బంధువుల రాకతో సంతోషం. శుభవార్తలు అందడంతో ఆనందం. ఆర్థిక పురోగతి కనిపిస్తుంది. మహిలలకు వస్త్రలాభాలు. అనుకున్నదాని కంటే ఎక్కువ లాభాలతో ఉత్సాహంగా ఉంటుంది. ఇష్టదేవతరాధన చేయండి.

మకర రాశి ఫలాలు : అందరి మన్ననలు పొందుతారు. శుభకరమైన ఫలితాలతో సంతోషంగా ఉంటుంది. ఆర్థికంగా చక్కటి లాభాలు వస్తాయి. అన్నదమ్ముల నుంచి సహాయసహకారాలు అందుతాయి. ఆరోగ్య విషయం మాత్రం జాగ్రత్త. హనుమాన్ చాలీసా పారాయణం చేయండి.

కుంభ రాశి ఫలాలు : కొంచెం ప్రతికూలంగా ఈరోజు గడుస్తుంది. ఏ పని చేసినా ఈరోజు కొంచెం జాగ్రత్తగా చేయండి. వాహనాలను నడిపేటప్పుడు జాగ్రత్త. ఎవరికి అప్పులు ఇవ్వవద్దు. మహిళలకు అనారోగ్య సమస్య రావచ్చు. అమ్మవారి ఆరాధన చేయండి.

మీన రాశి ఫలాలు : మీరు చేసే పనులు నెమ్మదిగా సాగుతాయి. ఉల్లాసంగా ఉంటారు. గత పెట్టుబడులు లాభాలను తెస్తాయి. మంచి మిత్రుల పరిచయం కలుగుతుంది. కుటుంబంలో మార్పులు మీకు మంచి చేస్తాయి. ఆంజనేయారాధన చేయండి.