Oriental Jobs  : కేంద్ర ప్రభుత్వానికి చెందిన ప్రముఖ పబ్లిక్ సెక్టార్ జనరల్ ఇన్సూరెన్స్ సంస్థ ఒరియంటల్ ఇన్సూరెన్స్ కంపెనీ లిమిటెడ్ (OICL), 500 క్లాస్-3 అసిస్టెంట్ పోస్టుల భర్తీకి నోటిఫికేషన్ విడుదల చేసింది.దేశవ్యాప్తంగా ఖాళీలను భర్తీ చేయనుండగా, తెలుగు రాష్ట్రాల్లో 26 పోస్టులు ఉన్నాయి. ఆన్‌లైన్ దరఖాస్తు ప్రారంభం: 2025 ఆగస్టు 2, ఆఖరి తేదీ: 2025 ఆగస్టు 17. టైర్-1 (ప్రిలిమ్స్) పరీక్ష: సెప్టెంబర్ 7న‌, టైర్-2 (మెయిన్స్) పరీక్ష: అక్టోబర్ 28.

Oriental Jobs  : మంచి అవ‌కాశం..

అర్హతలు చూస్తే.. అభ్యర్థులు ఏదైనా విభాగంలో గ్రాడ్యుయేషన్ పూర్తి చేసి ఉండాలి. ఎస్‌ఎస్‌సీ / ఇంటర్ / డిగ్రీలో ఇంగ్లిష్ సబ్జెక్ట్‌లో ఉత్తీర్ణత తప్పనిసరి. దరఖాస్తు చేసే రాష్ట్రం / యూనియన్ టెరిటరీ ప్రాదేశిక భాషలో చదవడం, రాయడం, మాట్లాడడం వచ్చి ఉండాలి. వయస్సు 21 నుంచి 30 సంవత్సరాల మధ్య (2025 జూలై 31 నాటికి), వయోపరిమితిలో ఎస్సీ/ఎస్టీకి 5 ఏళ్లు, ఓబీసీలకు 3 ఏళ్లు, దివ్యాంగులకు 10 ఏళ్ల సడలింపు ఉంటుంది.

దరఖాస్తు ఫీజు చూస్తే.. ఎస్సీ / ఎస్టీ / దివ్యాంగులు / ఎక్స్-సర్వీస్‌మెన్: ₹100, ఇతర వర్గాల అభ్యర్థులు: ₹850. ఎంపిక ప్రక్రియ టైర్-1 (ప్రిలిమినరీ పరీక్ష): మొత్తం 100 మార్కులకు, 1 గంట వ్యవధిలో రాయాలి, అంశాలు: ఇంగ్లిష్ లాంగ్వేజ్, రీజనింగ్, న్యూమరికల్ ఎబిలిటీ, టైర్-2 (మెయిన్స్ పరీక్ష): మొత్తం 250 మార్కులకు, 2 గంటల వ్యవధిలో. అంశాలు: ఇంగ్లిష్, రీజనింగ్, న్యూమరికల్ ఎబిలిటీ, కంప్యూటర్ నాలెడ్జ్, జనరల్ అవేర్‌నెస్.రీజనల్ లాంగ్వేజ్ టెస్ట్ తర్వాత తుది ఎంపిక జరుగుతుంది. ఎంపికైన అభ్యర్థులకు నెల జీతం ₹22,405 నుంచి ₹62,265 వరకు చెల్లిస్తారు. ఇతర అలవెన్సులతో కలిపి వేతనం మరింతగా పెరుగుతుంది. మ‌రిన్ని వివ‌రాల‌కి వెబ్‌సైట్: https://orientalinsurance.org.in చూడండి.