Chityal Municipality : 07వ వార్డు అభివృద్ధికి పూర్తి భాద్య‌త నాదే : ఎమ్మెల్యే వేముల వీరేశం

Chityal Municipality : నకిరేకల్ నియోజకవర్గం : చిట్యాల మున్సిపాలిటీ ఎన్నికల ప్రచారంలో భాగంగా 07వ వార్డు కాంగ్రెస్ పార్టీ కౌన్సిలర్ అభ్యర్థి దేశపాలన లత – రాజేశ్ గారి చెయ్యి గుర్తుకు ఓటు వేసి గెలిపించాలని గౌరవ నకిరేకల్ ఎమ్మెల్యే శ్రీ వేముల వీరేశం గారు విస్తృత ప్రచారం నిర్వహించారు. ఈ సందర్భంగా ఎమ్మెల్యే గారు మాట్లాడుతూ 07వ వార్డును దత్తత తీసుకొని అన్ని విధాలుగా అభివృద్ధి చేస్తానని స్పష్టం చేశారు. ఇందిరమ్మ ఇండ్లు, డ్రెయినేజీ వ్యవస్థ, సీసీ రోడ్డు నిర్మాణ పనులను ప్రాధాన్యతగా చేపడతామని తెలిపారు.

Chityal Municipality : 07వ వార్డు అభివృద్ధికి పూర్తి భాద్య‌త నాదే : ఎమ్మెల్యే వేముల వీరేశం

వార్డు అభివృద్ధి బాధ్యత నాదే అని భరోసా ఇచ్చిన ఆయన, పేదరికంలో ఉన్న ప్రతి ఒక్కరికి ప్రభుత్వ సహాయం అందేలా కృషి చేస్తానన్నారు.  ప్రతి కుటుంబానికి ఏదో ఒక సమస్య ఉంది. ఆ సమస్యను పరిష్కరించే బాధ్యత నాదే అని ప్రజలకు ధైర్యం చెప్పారు.

అలాగే గౌరవ ముఖ్యమంత్రి శ్రీ రేవంత్ రెడ్డి గారు ఈ పట్టణ అభివృద్ధికి రూ.15 కోట్ల నిధులు మంజూరు చేసిన విషయంను గుర్తు చేశారు. చిట్యాల మున్సిపాలిటీలోని అన్ని వార్డుల్లో కాంగ్రెస్ పార్టీ ఘన విజయం సాధించబోతుందని ఎమ్మెల్యే గారు ధీమా వ్యక్తం చేశారు.