Gas Cylinders : నదిలో కొట్టుకొచ్చిన గ్యాస్ సిలిండర్ల కోసం ప్రజల పరుగులు.. వైరల్ వీడియో..!
ప్రధానాంశాలు:
Gas Cylinders : నదిలో కొట్టుకొచ్చిన గ్యాస్ సిలిండర్ల కోసం ప్రజల పరుగులు.. వైరల్ వీడియో..!
Gas Cylinders : మహారాష్ట్రలో ఎడతెరిపి లేకుండా కురుస్తున్న భారీ వర్షాలు అనేక ప్రాంతాల్లో తీవ్ర ప్రభావం చూపిస్తున్నాయి. వరదలతో నదులు ఉప్పొంగి ప్రవహిస్తుండగా, రాయగఢ్ జిల్లాలో చోటుచేసుకున్న ఒక ఘటన స్థానికులతో పాటు అధికారులను కూడా తీవ్ర ఆందోళనకు గురిచేసింది. భారీ వర్షాల కారణంగా హెచ్పీసీఎల్ (HPCL) గ్యాస్ ప్లాంట్ జలమయం కావడంతో వేల సంఖ్యలో గ్యాస్ సిలిండర్లు వరద నీటిలో కొట్టుకుపోయాయి. ప్రాథమిక సమాచారం ప్రకారం, సుమారు 3,000 ఎల్పీజీ గ్యాస్ సిలిండర్లు వరద ప్రవాహంలో కొట్టుకుపోయి సమీపంలోని నదిలోకి చేరాయి. వరద నీటి ఉద్ధృతికి కొంత దూరం ప్రయాణించిన ఈ సిలిండర్లు నది ఒడ్డుకు చేరడంతో వాటిని చూసిన స్థానికులు తమ ఇళ్లకు తీసుకెళ్లడం ప్రారంభించారు. ఈ ఘటనకు సంబంధించిన వీడియోలు సోషల్ మీడియాలో వైరల్ అవుతుండటంతో ప్రజల్లో మరింత ఆసక్తి నెలకొంది.
Gas Cylinders : నదిలో కొట్టుకొచ్చిన గ్యాస్ సిలిండర్ల కోసం ప్రజల పరుగులు.. వైరల్ వీడియో..!
Gas Cylinders సిలిండర్లను తాకొద్దని అధికారుల హెచ్చరిక
అయితే, నది ఒడ్డుకు కొట్టుకొచ్చిన ఈ గ్యాస్ సిలిండర్లను తీసుకెళ్లడం అత్యంత ప్రమాదకరమని జిల్లా అధికారులు హెచ్చరిస్తున్నారు. వరద నీటిలో కొట్టుకుపోయిన సమయంలో సిలిండర్లు దెబ్బతినే అవకాశం ఉందని, వాటిలో గ్యాస్ లీకేజీ జరిగే ప్రమాదం కూడా ఉండవచ్చని అధికారులు పేర్కొన్నారు. రాయగఢ్ జిల్లా కలెక్టర్ ప్రజలకు ప్రత్యేక విజ్ఞప్తి చేస్తూ, నదిలో కొట్టుకొచ్చిన గ్యాస్ సిలిండర్లు కనిపిస్తే వాటిని ఎట్టి పరిస్థితుల్లోనూ తాకవద్దని సూచించారు. వెంటనే స్థానిక రెవెన్యూ అధికారులు, పోలీసులకు లేదా విపత్తు నిర్వహణ అధికారులకు సమాచారం అందించాలని కోరారు.
Gas Cylinders గ్యాస్ లీకేజీ, పేలుళ్ల ప్రమాదం
ఎల్పీజీ సిలిండర్లు బలమైన లోహంతో తయారవుతాయి. అయినప్పటికీ వరదల్లో రాళ్లు, చెట్లు, ఇతర భారీ వస్తువులు ఢీకొనడం వల్ల వాల్వ్ లేదా ఇతర భాగాలు దెబ్బతినే అవకాశం ఉంటుంది. అలాంటి సిలిండర్లలో గ్యాస్ లీక్ అయితే చిన్న నిర్లక్ష్యం కూడా పెద్ద ప్రమాదానికి దారితీయొచ్చని నిపుణులు హెచ్చరిస్తున్నారు.ముఖ్యంగా ఎలాంటి పరీక్షలు చేయకుండా లేదా అధికారుల అనుమతి లేకుండా సిలిండర్లను ఇళ్లకు తీసుకెళ్లడం ప్రాణాపాయ పరిస్థితులకు దారితీయవచ్చని పేర్కొంటున్నారు.
రికవరీ చర్యలు ప్రారంభించిన అధికారులు
వరదల్లో కొట్టుకుపోయిన సిలిండర్లను గుర్తించి తిరిగి సేకరించేందుకు అధికారులు ప్రత్యేక బృందాలను రంగంలోకి దించారు. నది పరివాహక ప్రాంతాల్లో డ్రోన్లు, రెస్క్యూ సిబ్బంది సహాయంతో గాలింపు చర్యలు కొనసాగుతున్నాయి. స్థానిక ప్రజలు సహకరించాలని అధికారులు కోరుతున్నారు. భారీ వర్షాల నేపథ్యంలో మహారాష్ట్రలోని పలు జిల్లాల్లో అప్రమత్తత కొనసాగుతోంది. వరద ప్రభావిత ప్రాంతాల్లో నివసించే ప్రజలు అధికారుల సూచనలు తప్పనిసరిగా పాటించాలని విపత్తు నిర్వహణ శాఖ సూచించింది.
మహారాష్ట్రలో వర్షానికి కొట్టుకోపోయిన 3000 సిలిండర్లు
రాయఘడ్ ప్రాంతంలోని పాతాళగంగ వద్ద ఉన్న HPCL బాట్లింగ్ ప్లాంట్లోకి వరద నీరు రావడంతో కొట్టుకుపోయిన 3000 సిలిండర్లు pic.twitter.com/ZCdOHtAtzs
— Telugu Scribe (@TeluguScribe) July 9, 2026
Also read
