Trisha – Vijay : తమిళ రాజకీయాల్లో ప్రస్తుతం దళపతి విజయ్ పేరు మారుమోగిపోతోంది. తన సొంత పార్టీ తమిళగ వెట్రి కజగంను స్థాపించి ఆయన ఎన్నికల బరిలోకి దిగుతుండటంతో అందరి దృష్టి ఆయనపైనే ఉంది. ముఖ్యంగా సినిమా గ్లామర్ రాజకీయాల్లో ఎంతవరకు ప్రభావం చూపుతుందనే చర్చ జరుగుతున్న తరుణంలో సౌత్ ఇండియా స్టార్ హీరోయిన్ త్రిష తీసుకున్న నిర్ణయం ఇప్పుడు హాట్ టాపిక్ గా మారింది. విజయ్, త్రిషల జోడీకి వెండితెరపై ఎంతటి క్రేజ్ ఉందో ప్రత్యేకంగా చెప్పక్కర్లేదు. వీరిద్దరూ కలిసి నటించిన సినిమాలు సూపర్ హిట్ అవ్వడమే కాకుండా వీరి మధ్య మంచి స్నేహం కూడా ఉంది. దీంతో విజయ్ రాజకీయ ప్రచారంలో త్రిష కీలక పాత్ర పోషిస్తుందని అందరూ భావించారు.

ఎన్నికలకు కేవలం మూడు వారాల సమయం మాత్రమే ఉండటంతో విజయ్ తన ప్రచారాన్ని హోరెత్తిస్తున్నారు. ఈ సమయంలో తన స్నేహితురాలు త్రిషను ప్రచార బరిలోకి దింపితే మహిళా ఓటర్లను సులభంగా ఆకట్టుకోవచ్చని విజయ్ భావించినట్లు వార్తలు వచ్చాయి. అయితే త్రిష నుంచి అనూహ్యమైన స్పందన రావడంతో విజయ్ కి పెద్ద ట్విస్ట్ ఎదురైనట్లయింది. రాజకీయాలకు తాను దూరంగా ఉండాలని నిర్ణయించుకున్నట్లు త్రిష స్పష్టం చేసినట్లు తెలుస్తోంది. కేవలం సినిమాలపైనే దృష్టి పెట్టాలని ప్రస్తుతానికి ఏ రాజకీయ పార్టీకి మద్దతు ఇచ్చే ఆలోచన లేదని ఆమె తేల్చి చెప్పడం విజయ్ కు గట్టి షాక్ ఇచ్చిందనే చెప్పాలి.

దళపతి విజయ్ కి మద్దతుగా ప్రచారం సాధారణంగా స్టార్ హీరోలు రాజకీయాల్లోకి వచ్చినప్పుడు వారికి తోటి నటీనటులు మద్దతు తెలపడం సహజం. కానీ త్రిష వంటి అగ్ర కథానాయిక ప్రచారానికి నో చెప్పడం తమిళ రాజకీయ వర్గాల్లో చర్చనీయాంశమైంది. విజయ్ పార్టీ తరపున స్టార్ క్యాంపెయినర్ గా త్రిష కనిపిస్తుందని ఆశించిన అభిమానులకు ఇది నిరాశ కలిగించే విషయమే. ఎన్నికల సమయం దగ్గరపడుతున్న తరుణంలో ఇలాంటి పరిణామాలు పార్టీ మైలేజీపై ప్రభావం చూపుతాయని విశ్లేషకులు భావిస్తున్నారు. విజయ్ కు సన్నిహితురాలిగా పేరున్న త్రిష ఇలా తప్పుకోవడం వెనుక అసలు కారణం ఏంటా అని అందరూ ఆరా తీస్తున్నారు.

అయితే త్రిష ప్రస్తుతం వరుస సినిమాలతో బిజీగా ఉండటం వల్ల సమయం కేటాయించలేక పోయిందా లేక రాజకీయ వివాదాల్లో ఇరుక్కోవడం ఇష్టం లేక ఇలా చేసిందా అనేది స్పష్టంగా తెలియదు. ఏది ఏమైనా ఎన్నికలకు మూడు వారాల ముందు త్రిష ఇచ్చిన ఈ ట్విస్ట్ విజయ్ రాజకీయ ప్రయాణంలో ఒక చిన్న అడ్డంకిగానే చూడాలి. ప్రచారంలో గ్లామర్ టచ్ ఇచ్చి ఓటర్లను ఆకర్షించాలనుకున్న విజయ్ వ్యూహానికి త్రిష నిర్ణయం కొంత మేర బ్రేక్ వేసినట్లయింది. మరి ఈ లోటును విజయ్ ఎలా పూడుస్తారో వేచి చూడాలి. త్రిష రాకపోయినా విజయ్ తనదైన శైలిలో ప్రజల్లోకి వెళ్తూ పార్టీని బలోపేతం చేసే పనిలో నిమగ్నమయ్యారు. ఒకపక్క ప్రత్యర్థి పార్టీలు విమర్శలు గుప్పిస్తున్నా మరోపక్క త్రిష వంటి సన్నిహితులు దూరంగా ఉంటున్నా విజయ్ మాత్రం వెనక్కి తగ్గకుండా పోరాడుతున్నారు.