Donald Trump on Iran : అమెరికా అధ్యక్షుడిగా మళ్ళీ పగ్గాలు చేపట్టబోతున్న డొనాల్డ్ ట్రంప్ కి ఇరాన్ రూపంలో ఒక ఊహించని షాక్ తగిలింది. ప్రపంచ దేశాల మీద తన ఆధిపత్యం నడుస్తుందని యుద్ధాలను ఆపేసే సత్తా తనకే ఉందని విర్రవీగుతున్న ట్రంప్ కి ఇరాన్ లో జరుగుతున్న రాజకీయ పరిణామాలు మింగుడు పడటం లేదు. ఇరాన్ అత్యున్నత నాయకుడు అలీ ఖమేనీ వారసుడిగా ఆయన కుమారుడు మొజ్తబా ఖమేనీని ఎంపిక చేయడం ఇప్పుడు అంతర్జాతీయంగా హాట్ టాపిక్ గా మారింది. ట్రంప్ గతంలో ఇరాన్ పై కఠినమైన ఆంక్షలు విధించి ఆ దేశాన్ని ఆర్థికంగా దెబ్బతీయాలని చూశారు. కానీ ఇప్పుడు ఇరాన్ లో అధికార మార్పిడి జరుగుతున్న తీరు చూస్తుంటే ట్రంప్ అంచనాలు తలకిందులయ్యేలా కనిపిస్తున్నాయి. మొజ్తబా ఖమేనీ రాకతో ఇరాన్ మరింత దూకుడుగా వ్యవహరించే అవకాశం ఉందని విశ్లేషకులు భావిస్తున్నారు.

Donald Trump on Iran అమెరికా ఆధిపత్యానికి ఇరాన్ సవాల్

ఇరాన్ లో కొత్త నాయకత్వం రావడం వల్ల అమెరికాకు ఎదురయ్యే ఇబ్బందులు మామూలుగా ఉండవు. మొజ్తబా ఖమేనీకి ఇరాన్ సైనిక దళాల మీద మరియు ఇంటెలిజెన్స్ విభాగాల మీద పూర్తి పట్టు ఉంది. ట్రంప్ తన రెండో విడత పాలనలో ఇరాన్ ని ఒంటరి చేయాలని ప్లాన్ చేస్తుంటే దానికి ప్రతిగా ఇరాన్ తన అణ్వాయుధ కార్యక్రమాలను మరింత వేగవంతం చేసే ఛాన్స్ ఉంది. యుద్ధం ఆపేస్తానని శాంతిని నెలకొల్పుతానని ప్రగల్భాలు పలుకుతున్న ట్రంప్ కి ఇరాన్ కొత్త బాస్ గట్టి పోటీ ఇచ్చేలా కనిపిస్తున్నారు. అమెరికా ఆంక్షలకు భయపడే ప్రసక్తే లేదని మొజ్తబా వర్గం ఇప్పటికే సంకేతాలు పంపింది. దీనివల్ల మధ్యప్రాచ్యంలో ఉద్రిక్తతలు తగ్గడం పక్కన పెడితే మరింత పెరిగే అవకాశం స్పష్టంగా కనిపిస్తోంది.

అమెరికా ఎన్నికల్లో విజయం సాధించిన తర్వాత ట్రంప్ తానూ ఏదో చేసేస్తానని విర్రవీగుతున్నారు. కానీ ఇరాన్ లో జరుగుతున్న ఈ మార్పు ఆయనకు పెద్ద తలనొప్పిగా మారింది. గతంలో ఖాసిం సులేమానీని చంపడం ద్వారా ఇరాన్ ని భయపెట్టామని ట్రంప్ భావించారు. అయితే ఇప్పుడు అదే ఇరాన్ మరింత బలపడి అమెరికా కళ్ళు గప్పి కొత్త నాయకుడిని ఎంచుకోవడం ట్రంప్ కి బిగ్ షాక్ అనే చెప్పాలి. ఈ పరిణామం వల్ల ప్రపంచ రాజకీయాల్లో అమెరికా పట్టు సడలే ప్రమాదం కూడా ఉంది. ఇరాన్ రష్యా మరియు చైనాతో మరింత దగ్గరైతే ట్రంప్ వేసిన మాస్టర్ ప్లాన్ లు అన్నీ అట్టర్ ఫ్లాప్ అవుతాయి. అందుకే ఇప్పుడు ట్రంప్ కి నిద్ర పట్టని పరిస్థితి ఎదురైంది. ఇరాన్ కొత్త నాయకత్వం ముందు ట్రంప్ వ్యూహాలు పారుతాయా లేక ఆయన పరువు పోతుందా అనేది వేచి చూడాలి.