Wolf : ఈ రోజుల్లో జనాలు చేష్టలు మరి వింతగా తయారవుతున్నాయి. ఒక్కోసారి వాళ్లకు పిచ్చి పట్టిందా అని అనిపిస్తుంటుంది. మనిషికి రోజురోజుకీ తెలివితేటలు మితిమీరి పోతున్నాయి. అది తెలివి అనుకోవాలా వెర్రి అనుకోవాలా అర్థం కావట్లేదు. అసలు వివరాల్లోకెళితే జపాన్ కి చెందిన ఒక వ్యక్తి 18 లక్షలు ఖర్చుపెట్టి తనని తాను తోడేలుగా మార్చుకున్నాడు. ఇతను కొద్దిరోజుల క్రితం జెప్పెట్ అనే కంపెనీని సంప్రదించి తనకు తోడేలు లా ఉండే ఓ కాస్ట్యూమ్ తయారుచేసి ఇవ్వమన్నాడు.

దీంతో వారు హైపర్ రియాలిస్టిక్ టెక్నాలజీతో తోడేలు తొడుగులను తయారుచేసి ఇచ్చారు. దీనికి ఆ వ్యక్తి 18 లక్షల రూపాయలను చెల్లించాడు. దాదాపుగా 50 రోజులపాటు కష్టపడి దీనిని తయారు చేశారు. ఆ వ్యక్తి తోడేలు తొడుగు తన చేతిలోకి రాగానే సంతోషం వ్యక్తం చేశాడు. ప్రతిరోజు దాన్ని వేసుకుని తిరుగుతూ తెగ సంబరపడిపోతున్నాడు. చూసిన జనం ఎందుకు నువ్వు ఇలా తోడేలు తొడుగు ధరించి తిరుగుతున్నావని అడిగారు.

దానికి బదులుగా అతడు నాకు చిన్నప్పటి నుంచి జంతువులు అంటే ఇష్టం. టీవీలో హైపర్ రియలిస్టిక్ ట్ కాస్ట్యూమ్ ను చూసినప్పుడు నాకు ఇష్టం మొదలైంది. అలా నేను ఓ జంతువు కాస్ట్యూమ్ లో తిరగాలని కలలు కనే వాడిని అని చెప్పాడు. సోషల్ మీడియాలో తోడేలు తొడుగు వేసుకుని తిరుగుతున్న ఈ వ్యక్తి ఫోటోలు బాగా వైరల్ అవుతున్నాయి. నెటిజన్లు వివిధ రకాలుగా కామెంట్లు చేస్తున్నారు. తోడేలు లా కనిపించడానికి 18 లక్షల రూపాయలు ఖర్చు పెట్టాడా.. వీడికి ఏమైనా పిచ్చా అని కామెంట్ల రూపంలో తెలియజేస్తున్నారు.

Remember the Japanese man who spent Rs 12 lakh to look like a #dog?

Another Japanese man has wished for a hyper-realistic #wolf costume. He said – “Because of my love for animals since childhood & some realistic animal suits appearing on TV, I dreamed of ‘being one someday’.” pic.twitter.com/ZrtKvhh31k

— Mirror Now (@MirrorNow) December 31, 2022