Alcohol | మందు ప్రియులందరికీ ఒకేలా అభిరుచి ఉండదు. ఒకరు స్ట్రైట్ విస్కీని ఇష్టపడతారు, మరొకరు నీటితో కలిపి తాగుతారు, ఇంకొందరు ఐస్ వేస్తారు. అయితే సైన్స్ ప్రకారం, విస్కీకి కొద్దిగా నీరు కలపడం వల్ల దాని రుచి మరింత మెరుగవుతుంది. ఇటీవల స్వీడన్‌ లో జరిగిన ఒక అధ్యయనంలో, విస్కీని 20 శాతం ABV (Alcohol By Volume) వరకూ నీటితో కలపడం వల్ల దాని రుచి, వాసన మరింతగా బయటపడుతుందని తేలింది. అంటే సుమారుగా సగం విస్కీ – సగం నీరు నిష్పత్తిలో కలిపితే, మంచి అనుభూతిని కలిగిస్తుందన్నమాట.

ఇలా చేయండి..!

అదే విషయాన్ని వాషింగ్టన్ స్టేట్ యూనివర్సిటీ పరిశోధకులూ ధృవీకరించారు. వారి అధ్యయనాల ప్రకారం, నీరు జోడించడంలో ఒక హద్దు ఉండాలి. ఎక్కువగా కలిపితే విస్కీలోని సున్నితమైన రుచి భాగాలు కలిసి పోతాయి. 60 మిల్లీలీటర్ల విస్కీకి గరిష్టంగా 12 మిల్లీలీటర్ల నీటిని మాత్రమే కలపడం మంచిదని సూచించారు. అంటే ఇది సుమారు 20% నీటి మోతాదుని సూచిస్తుంది.

ఐస్ కలపడం కొంత మందికి అభిరుచి విషయంలో ప్రాధాన్యం కలిగి ఉన్నా, ఇది కాస్త వివాదాస్పద అంశం కూడా. చలికాలాల్లో లేదా చల్లటి వాతావరణాల్లో ఐస్ తాగేవారికి అంతగా అవసరం ఉండకపోవచ్చు. కానీ వేడి వాతావరణంలో, ఉదాహరణకు మనదేశంలో, కొంచెం ఐస్ వేసుకోవడం సహజమే. ఇది ఆల్కహాల్ వేడి ప్రభావాన్ని తగ్గించడంలో ఉపయోగపడుతుంది.