Allu Aravind : అల్లు అరవింద్ కు షాక్ ఇచ్చిన రేవంత్ సర్కార్..వెంటనే కూల్చేయాలని ఆదేశాలు
Allu Business Park faces GHMC Notice : ప్రముఖ సినీ నిర్మాత, గీతా ఆర్ట్స్ అధినేత అల్లు అరవింద్కు జీహెచ్ఎంసీ అధికారులు ఊహించని షాక్ ఇచ్చారు. హైదరాబాద్ జూబ్లీహిల్స్ రోడ్ నంబర్ 45లో ఉన్న ఆయన బిజినెస్ పార్క్లో అక్రమ నిర్మాణం చేపట్టినట్లు గుర్తించారు. వెయ్యి గజాల విస్తీర్ణంలో నిర్మించబడిన ఈ భవనానికి అధికారికంగా గ్రౌండ్ ఫ్లోర్తో పాటు నాలుగు అంతస్తుల వరకు మాత్రమే అనుమతులు మంజూరయ్యాయి. అయితే, తాజాగా నాలుగో అంతస్తుపై ఎలాంటి అనుమతులు లేకుండానే పెంట్హౌస్ నిర్మించడం నిబంధనలకు విరుద్ధమని అధికారులు నిర్ధారించారు.
Allu Aravind : అల్లు అరవింద్ కు షాక్ ఇచ్చిన రేవంత్ సర్కార్..వెంటనే కూల్చేయాలని ఆదేశాలు
టౌన్ ప్లానింగ్ విభాగం ఈ అక్రమ నిర్మాణంపై చర్యలు ప్రారంభించింది. అనుమతి లేకుండా నిర్మాణం చేపట్టడమే కాకుండా, భవనం వాణిజ్య అవసరాల కోసం వినియోగించడం కూడా నిబంధనలకు విరుద్ధమని పేర్కొంది. ఉన్నత స్థాయిలో ఉన్న ప్రముఖులే ఇలాంటి అక్రమాలకు పాల్పడటం తీవ్రమైన అంశమని అధికారులు స్పష్టం చేశారు. దీంతో అల్లు అరవింద్కు నోటీసులు జారీ చేసి, ఎందుకు చర్యలు తీసుకోకూడదో వివరణ ఇవ్వాలని ఆదేశించారు.
ప్రస్తుతం ఈ విషయం నగరంలో పెద్ద చర్చనీయాంశమైంది. సినీ రంగంలో ప్రముఖుడైన అల్లు అరవింద్ ఇలాంటి ఆరోపణల్లో చిక్కుకోవడం హాట్ టాపిక్గా మారింది. ఆయన నుంచి వచ్చే సమాధానంపై ఆధారపడి జీహెచ్ఎంసీ తదుపరి చర్యలు చేపట్టనుంది. వివరణ సంతృప్తికరంగా లేకపోతే పెంట్హౌస్ కూల్చివేతకు అవకాశం ఉందని అధికారులు సంకేతాలు ఇస్తున్నారు. అల్లు అరవింద్ వివరణతోనే ఈ అక్రమ నిర్మాణ భవితవ్యం తేలనుంది.
Also read
