Anu Emmanuel : ఫోటోలు తీస్తూనే ఉన్నాడట.. అల్లు శిరీష్‌పై హీరోయిన్ అసహనం!

Anu Emmanuel : అల్లు శిరీష్ సోషల్ మీడియాలో ఎంత ఫన్నీగా ఉంటాడో అందరికీ తెలిసిందే. వెండితెరపై ఎలా ఉన్నా కూడా సోషల్ మీడియాలో మాత్రం అల్లు వారబ్బాయి పంచ్‌లు, కామెడీ టైమింగ్ మాత్రం హైలెట్ అవుతుంటాయి. ట్రోల్స్ జరిగినా కూడా, నెగెటివ్ కామెంట్స్ వచ్చినా కూడా ఎంతో కూల్‌గా రిప్లై ఇస్తుంటాడు. మరీ ముఖ్యంగా ఆడుకోవాలని చూసే నెటిజన్లను తనదైన స్టైల్లో కౌంటర్లతో నోర్మూయిస్తుంటాడు.

అల్లు శిరీష్ టైమింగ్‌ గురించి చెప్పే పోస్ట్‌లు ఎన్నో ఉన్నాయి. ప్రతీ రోజూ అల్లు శిరీష్ ఏదో ఒక పోస్ట్ చేస్తూనే ఉంటాడు. అందులో ఎంతో సెన్సాఫ్ హ్యూమర్ ఉంటుంది. ఆ మధ్య లాక్డౌన్‌లో అల్లు శిరీష్ రకరకాల పోస్ట్‌లు చేశాడు. క్వారంటైన్‌లొ ఒంటరిగా ఉండటంపై తన బాధలు చెబుతూ ఫన్నీ వీడియోలు పోస్ట్ చేశాడు. అమెజాన్, నెట్ ఫ్లిక్స్ అకౌంట్ డీటైల్స్ అడిగిన నెటిజన్లకు అదిరిపోయేలా పంచ్‌లు ఇచ్చాడు.

Anu Emmanuel : అల్లు శిరీష్‌పై హీరోయిన్ అసహనం

అల్లు శిరీష్ తనతో పని చేసే హీరోయిన్లతోనూ ఎంతో చనువుగా ఉంటాడు. దాదాపు యంగ్ హీరోయిన్లందరూ కూడా అల్లు శిరీష్‌కు పరిచయమే. ఆ మధ్య రాశీ ఖన్నా ఓ రేంజ్‌లో ఏడిపించేశాడు. ఫన్నీ కామెంట్లు పెడుతూ ఆట పట్టిస్తుంటాడు. ఇప్పుడు అల్లు శిరీష్ అను ఇమాన్యుయేల్‌తో కలిసి ఓ సినిమా చేస్తున్నాడు. ఆ సినిమా సెట్‌లో అల్లు శిరీష్.. అను ఇమాన్యుయేల్‌ను ఆట పట్టిస్తున్నట్టు కనిపిస్తోంది. ఎప్పుడూ ఆమెను ఫోటో తీస్తూనే ఉంటున్నాడట.. ఇదే విషయాన్ని అను ఇమాన్యుయేల్ చెప్పుకొచ్చింది. అది ఆయన తప్పు కాదులేండి.. అంటూ తన అందం గురించి అను గొప్పగా చెప్పుకుందా? లేదా అల్లు శిరీష్ చేష్టలకు విసిగిపోయి అలా చెప్పిందా? అంటూ నెటిజన్లు కామెంట్లు చేస్తున్నారు.