విషాదం : ఖమ్మం జిల్లాల్లో విషాదం చోటు చేసుకుంది. వేడి సాంబార్‌లో ఓ బాలుడు మృతి చెందాడు. స్థానికులు తెలిపిన వివరాల ప్రకారం.. మహబూబాబాద్ జిల్లాలో నర్సింహులపేట మండలానికి చెందిన ఓ కుటుంబం వారం రోజుల క్రితం తమ దగ్గరి బంధువుల ఇంట్లో నిర్వహిస్తున్న అయ్యప్ప ఇరుముడి కార్యక్రమానికి హాజరయ్యేందుకు వచ్చారు.

కార్యక్రమం జరుగుతూ ఉండగా… ఆ కుటుంబానికి చెందిన బాలుడు ఆడుకుంటూ ప్రమాదవశాత్తు వెళ్లి వేడి సాంబర్‌ పాత్రలో పడ్డాడు. ఈ ఘటనలో తీవ్రంగా గాయపడిన బాలుడిని కుటుంబసభ్యులు ఆస్పత్రికి తరలించారు. కాగా వారం రోజులపాటు చికిత్స పొందిన బాలుడు పరిస్థితి విషమించడంతో నేడు ప్రాణాలు విడిచాడు.

అల్లారు ముద్దుగా పెంచుకున్న తమ పిల్లాడు తమ కళ్ల ముందే విగత జీవిగా మారడం చూసి ఆ తల్లిదండ్రులు భోరున విలపించారు. చిన్నారి మృతితో ఇరు గ్రామాల్లో విషాద ఛాయలు అలుముకున్నాయి.