Chitti Puri Recipe : అందరూ పూరీలు చేసుకుంటుంటారు దానికి కాంబినేషన్ పూరి కర్రీ ఆలు కర్రీ ఇలా లేదా పళ్లీ చట్నీ ఇలా చేస్తూ ఉంటారు. అయితే అలా కాకుండా ఇప్పుడు మనం పూరీలకి కాంబినేషన్ చికెన్ కర్రీ చేసుకొని చేద్దాం.. దీన్ని ఒక్కసారి తినాలంటే అస్సలు మర్చిపోరు.. దీనికి కావాల్సిన పదార్థాలు : గోధుమపిండి, ఉప్పు, ఆయిల్, చికెన్ కర్రీ కోసం,చికెన్, కారం,పసుపు, ధనియాలు,ఉల్లిపాయలు, లవంగాలు, దాల్చిన చెక్క, ఎండి కొబ్బరి, గసగసాలు, మిరియాలు,యలుకులు,టమాటాలు,అనాస,పచ్చిమిర్చి,నల్ల యాలుకు మెదలైనవి…

దీని తయారీ విధానం : ముందుగా నీటుగా కడిగి తీసుకున్న చికెన్ ని ఒక బౌల్లో వేసి దీనిలో రెండు స్పూన్ల కారం, కొంచెం పసుపు, ఒక స్పూన్ అల్లం వెల్లుల్లి పేస్టు, ఒక స్పూన్ గట్టి పెరుగు, ఇవన్నీ వేసి బాగా కలిపి ఒక గంట వరకు పక్కన పెట్టుకోవాలి. తర్వాత స్టౌ పై ఒక కాడాయి పెట్టుకుని దానిలో ఆరేడు ఎండుమిర్చి వేసి కొంచెం ధనియాలు, కొంచెం గసగసాలు, కొంచెం మిరియాలు, ఒక దాల్చిన చెక్క, రెండు లవంగాలు, రెండు యాలకులు, ఒక అనాసపు ఒక నల్లయాలకు కొంచెం జీలకర్ర కొంచెం సోంపు వేసి వేయించుకోవాలి. అలాగే కొంచెం ఎండు కొబ్బరి కూడా వేసి వేయించుకొని పక్కన పెట్టుకోవాలి. స్టవ్ పై ఒక పెద్ద గిన్నెను పెట్టుకొని దాంట్లో నాలుగైదు స్పూన్ల ఆయిల్ వేసుకొని ఒక పెద్ద కప్పు ఉల్లిపాయల్ని వేసి ఎర్రగా వేయించుకొని వాటిని తీసి పక్కన పెట్టుకోవాలి. తర్వాత దానిలో కొంచెం కరివేపాకు కొన్ని పచ్చిమిర్చి వేసి వేయించుకోవాలి. తర్వాత మసాలా పట్టించిన చికెన్ కూడా వేసి బాగా ఉడకనివ్వాలి.

ఇంకొకపక్క ముందుగా వేయించి పెట్టుకున్న మసాలాలను కొంచెం నీళ్లు వేసి మెత్తటి పేస్టులా పట్టుకోవాలి. తర్వాత ముందుగా వేయించుకున్న బ్రౌన్ ఆనియన్ వేసి మెత్తటి పేస్టులా పట్టుకుని దాన్ని ఉడుకుతున్న చికెన్ లో వేసి. బాగా కలుపుకోవాలి. ఇక ఈ చికెన్ లో కొంచెం కారం వేసి కలుపుకోవాలి. ఇక దానిలో ఉడికించి స్మాష్ చేసుకున్న టమాటాలను కూడా దాంట్లో వేయాలి. ఇక దాంట్లో వేడివేడి నీళ్లను పోసి నూనె పైకి తేలే వరకు ఉడికించుకోవాలి. ఇక అంతే చికెన్ కర్రీ రెడీ దాన్ని తీసి పక్కన పెట్టుకోవాలి. ఇక పూరి కోసం రెండు కప్పుల పిండిని తీసుకొని దానిలో కొంచెం ఆయిల్, కొంచెం ఉప్పు వేసి సాఫ్ట్ గా కలుపుకోవాలి. ఈ పిండిని పది నిమిషాలు పాటు పక్కన పెట్టుకొని తర్వాత పెద్ద పురిలా వత్తుకొని దానిలో ఒక గిన్నె సహాయంతో చిన్నచిన్న పూరీల్లా కట్ చేసుకుని దానిని ఆయిల్ లో వేయించుకొని తీయడమే అంతే సింపుల్గా చిట్టి పూరి దాని కాంబినేషన్ చికెన్ కర్రీ ఒక్కసారి తింటే టేస్ట్ అదిరిపోద్ది..